Një hulumtim i realizuar nga qendra “Faktoje” pas një trajnimi të 60 gazetarëve ka nxjerrë në pah se Mediat Online dhe platformat sociale janë burimi kryesor i dezinformimit. Të dhënat u bënë publike në një aktivitet të realizuar në bashkëpunim me Autoritetin e Mediave Audiovizive e ku të pranishëm ishin edhe përfaqësues nga Parlamenti, institucionet rregullatore, shoqatat civile dhe organizatat mediatike.

Pasditen e sotme u zhvillua në Bruksel, Konferenca e 5-të Ndërqeveritare mes Shqipërisë dhe BE-së, e cila miratoi hapjen e negociatave të anëtarësimit me Shqipërinë mbi 8 kapituj të përfshirë në Grupimin e 3-të: “Konkurrueshmëria dhe Rritja Gjithëpërfshirëse”, duke shënuar një tjetër hap të rëndësishëm historik përpara në negociatat e vendit tonë për anëtarësim në BE.I pranishëm në këtë Konferencë, Ministri për Evropën dhe Punët e Jashtme, z. Igli Hasani ka reaguar në lidhje me këtë zhvillim të rëndësishëm.

“Një gurthemel i ri i hedhur me hapjen zyrtare të Grup-Kapitullit 3 – Konkurrueshmëria dhe Rritja Gjithëpërfshirëse – gjatë Konferencës së 5-të Ndërqeveritare të mbajtur në Bruksel. Hapja e 8 kapitujve të rinj sot reflekton progresin e bazuar në meritë të Shqipërisë dhe është një tregues i qartë se sa shumë kemi arritur brenda një kohe shumë të shkurtër.”, shprehet z. Hasani.

Ai nënvizon gjithashtu se rrugëtimi ynë drejt BE-së nuk ka qenë ndonjëherë kaq i qartë apo më i vendosur.

Në grupimin 3 përfshihen tetë fusha ose kapituj: Kapitulli 10 (Transformimi Digjital dhe Media), Kapitulli 16 (Tatimet), Kapitulli 17 (Politika Ekonomike dhe Monetare), Kapitulli 19 (Politika Sociale dhe Punësimi), Kapitulli 20 (Ndërmarrjet dhe Politika Industriale), Kapitulli 25 (Shkenca dhe Kërkimi), Kapitulli 26 (Arsimi dhe Kultura), Kapitulli 29 (Bashkimi Doganor). Përparimi në këto fusha është thelbësor për të garantuar stabilitetin fiskal të Shqipërisë, modernizimin industrial, rritjen e inovacionit, përmirësimin e kushteve të punës dhe pjesëmarrjen në iniciativat evropiane të kërkimit shkencor, arsimit dhe digjitalizimit.

Me hapjen e këtij grup-kapitulli, Shqipëria është më pranë realizimit të vizionit të Shqipërisë 2030, ku përfitimet dhe rezultatet e integrimit në BE mund të aplikohen direkt në jetën e përditshme, me shërbime më të mira, më shumë mirëqënie dhe zhvillim të qëndrueshëm për qytetarët shqiptarë.

Një 41-vjecar shqiptar, i identifikuar si Altin Arapaj, është ekzekutuar mesditën e sotme në zonën bregdetare të Rafinës në Athinë. Ai është qëlluar me armë zjarri brenda një vreshti, ku plumbi e ka goditur në faqe.

Ka dyshime se para se të qëllohej, viktima ka arritur të telefonojë familjen e tij dhe i ka thënë gruas emrin e autorit. Burimet bëjnë me dije se emri i personit të dyshuar për vrasjen, i dhënë nga familjarët, rezulton person me precedentë për trafik droge. Dyshohet se ngjarja ka ndodhur për larje hesapesh. Ndërsa viktima ka precedentë të ndryshëm (që nuk janë përcaktuar).

Policia ka rrethuar zonën dhe ka nisur hetimet për zbardhjen dhe dokumentimin e plotë të ngjarjes, me qëllim identifikimin dhe kapjen e autorit të vrasjes.

Prokuroria pranw Gjykates se Shkalles se pare te Juridiksionit te Pergjithshem Fier, ka zhvilluar sot analizen vjetore per vitin 2024. Të pranishëm në këtë takim ishin , përfaqësues të Prokurorisë , të drejtorisé vendore të policisë , kryeprokurori Elion Mustafaj, perfaqesuesi i Prokurorisë së Përgjithshme , Isa Jata , dhe Erion Fejzulla, përfaqësues i KLP. Në fjalën e tij prokurori Elion Muatafaj, theksoi se në fokusin e punes pergjate ketij viti ka qene trajtimi me perparesi i veprave penale problematike qe shqetesojne komunitetin e Qarkut Fier. Për rekomandimet prioritare në luftën kundër kriminalitetit për vitin 2024 puna është fokusuar te veprat penale kunder jetes e shendetit , veprat penale kunder pasurise, veprat penale kunder dhunes ne familje dhe te miturve , veprat penale kunder trafiqeve te paligjshme dhe narkotikeve , veprat penale kunder mjedisit , kunder lojerave te fatit etj. Persa i perket ngarkeses se Prokurorise per vitin 2024 , kane qene ne ndjekje dhe jane trajtuar nga 4528 procedime penale, 2086 jane regjistruar ne vitin 2024, ndersa 2428 te mbartura nga vitet e kaluara.Gjithashtu në fjalën e tij Muatafaj theksoi se gjatë këtij janë sekuestruar 6 milionë euro pasuri, si dhe është regjistruar një procedim penal një deputet i Kuvendit të Shqipërisë dhe 6 persona të tjerë në hetim për veprën penale , “ shkelje e rregullave të mbrojtjes në punë”, “ shpërdorim i detyrës” etj, me dy viktima persona të vdekur.

Ndërkohë në Prokurorinë Fier janë regjistruar 61 procedime penale dhe 4 procedime pasurore, ku 8 prej tyre janë të siguruara mbi bazën e informacionit të siguruar nga mediat.

Mustafaj ka theksuar në fjalën e tij se Prokuroria Fier është larg pritshmërive për arritjen e obiektivave për shkak të mungesës së organikës. Në vitin 2024 Prokuroria Fier, ka patur të miratuar në strukturën organike 64 punonjës dhe ka vazhduar të funksionojë me organikë jo të plotë kryesisht për shkak të mungesës së prokurorëve , si rezultat i procesit të rivlerësimit kalimtar” veting” dhe dinamikave që ka sjellë reforma në drejtësi.

Pas numerimit te votave te diaspores kandidati i PS per Qarkun Fier Ramion Kurti dhe Zegjine Caushi kane dale fitues te gares duke u bere pjese e 12 deputeteve te Qarkut Fier ne parlamentin e ri

Ramion Kurti ka mundur te marre 1171 vota nga numerimi i 27 196 zarfave te diaspores duke shtuar ketu edhe 3622 votat e lexuara brenda vendit( ne qarkun Fier ) dhe duke siguruar ne perfundim te gjithe procesit 4793 vota . Nderkohe kandidatja e PS nga Roskoveci Zegjine Caushi ka marre 600 vota nga diaspora dhe 4074 vota nga numerimi i votave brenda vendit( zgjedhesit e qarkut Fier)

Prej disa ditesh kane dale ne treg qershite . Ne diten e sotme ne tregun kryesor te fruta perimeve ne FIER cmimi i qershise ka arritur ne 6 mije lek te vjetra kg apo gati 1 mije lek te vjetra me shume nga viti i kaluar. Sipas tregetareve ,ky cmimi i larte i frutit te qershise ne tregun e shitjes ka ardhur si pasoje e prodhimit te ulet ,krahasuar me nje vit me pare.

Sipas tregetareve kushtet e motit kanë ndikuar negativisht në rendimentin e prodhimit. Sasia është e pakët ndërsa në shumë raste prodhimi është  dëmtuar duke bërë që të mos shkojë në treg. Por ne tregun e fruta perimeve ne Fier jo vetem qershija por edhe fruti i rrushit shitej me nje cmim prej 5 mije leke te vjetra nderkohe qe kumbulla ne 4 mije leke te vjetra.

Edhe perimet kane pesuar nje rritje te cmimit edhe pse kjo periudhe shenon rritje te prodhimit. Domatet , kastraveci , speci dhe patllixhani shiten me nje cmim qw nis nga 1 mije lek te vjetra per kg deri ne 1700 lek.Sipas tregetareve kjo situate i vendos ne veshtiresi pasi ka rene ndjeshem fuqia blerese

Viti 2025 ka nisur me një numër të lartë licencash për prodhimin e energjisë nga dielli. Sipas të dhënave zyrtare nga Enti Rregullator i Energjisë, në total për 4 muajt e parë të vitit janë licencuar 10 kompani për impiante të vegjël me kapacitet deri në 3 MW, me kapacitet total të parashikuar për t’u instaluar prej 21 MW. 9 nga 10 centralet e licencuar parashikohet të pozicionohen në Qarkun e Fierit. 

Po ashtu, është licencuar edhe një impiant i madh 100 MW, gjithashtu i parashikuar për t’u zhvilluar në Darzezë të Fierit.

Këto licenca vijnë pas atyre të vitit 2024 që shënoi dhe vlerën më të lartë nga pikëpamja e kapacitetit për aktivitetin e prodhimit të energjisë nga ky burim energjie. Në total gjatë vitit që shkoi u licencuan mbi 303 MW energji diellore për 17 kompani që tashmë kanë marrë dritën jeshile, duke rritur kapacitetin që pritet të instalohet nga ndërtimi i parqeve.

Licencat e para për prodhimin e energjisë nga dielli u dhanë në vitin 2018, për të kaluar në vitet 2019 – 2021, përgjatë të cilëve u licencuan vetëm 6 MW. Pas kësaj periudhe filloi të shënohej një rritje e ndjeshme e numrit të kompanive dhe kapacitetit të planifikuar për t’u instaluar. Sipas të dhënave zyrtare, në vitin 2022 u licencuan 15 kompani për projekte me kapacitet të instaluar të parashikuar prej 225.143 MW, ndërsa gjatë vitit 2023 u dhanë 9 licenca për një kapacitet total prej 102 MW.

Aktualisht, numërohen 64 kompani që kanë marrë licencat e tyre në aktivitetin e prodhimit të energjisë nga dielli, ndërkohë që projektet e tyre arrijë në rreth 735 MW. Dhënia e këtyre lejeve merr një rëndësi të veçantë në drejtim të diversifikimit të burimeve të prodhimit të energjisë, duke qenë se aktualisht vendi është i varur ndjeshëm nga energjia ujore.