U blenë 33.20 mln euro nga tregu valutor – A u zbut indirekt forcimi i lekut? 

Me qëllim rritjen e rezervës valutore, Banka e Shqipërisë ka blerë 33.20 milionë euro gjatë 3 muajve të parë të 2025.

Banka Qendrore mban një rezervë valutore për të përmbushur nevojat e qeverisë për valutë për shlyerjen e borxhit të jashtëm, për të mbështetur tregtinë ndërkombëtare, duke përmbushur kërkesën për valutë që buron nga importuesit, si dhe mundësuar ndërhyrjen e Bankës së Shqipërisë në treg, me qëllim parandalimin dhe zbutjen e lëvizjeve të forta të kursit të këmbimit.

Sikurse ishte lajmëruar në fund të vitit 2024, Banka Qendrore ka zhvilluar tre ankande për blerjen e valutës, ku në përputhje me objektivin e zhvillimit të tregut, njëri prej tyre kanë qenë me opsionin FORWARD, pra përmes një marrëveshjeje paraprake për blerjen e euros në një datë të ardhshme dhe me një kurs këmbimi të përcaktuar që në momentin e arritjes së kësaj marrëveshjeje.

Për herë të parë, Banka e Shqipërisë ka organizuar një ankand të blerjes së valutës me afat tremujor, kundrejt afatit njëmujor të përdorur në vitet e fundit.

Në tre ankandet e zhvilluara gjatë periudhës, janë blerë 33.20 mln euro me një mesatare 11.07 mln, kundrejt mesatares prej 14.20 mln euro gjatë vitit 2024. Shuma e blerë ka qenë pak më e lartë me shumën e blerë në tre ankande në të njëjtën kohë një vit më parë prej 32.60 mln euro, duke treguar se pjesëmarrja relativisht më e ulët e bankave lidhet me faktorë sezonalë.

Banka e Shqipërisë synon që gjatë këtij viti të blejë nga bankat tregtare 270-350 mln euro, rreth 20 milionë euro më shumë se në 2024. Sipas kalendarit të ndërhyrjeve, numri më i madh i ankandeve është planifikuar në tremujorin e dytë dhe të tretë, atëherë ku flukset e euros janë më të larta, si rezultat i të ardhurave nga turistët.

Kjo prani e madhe e euros në treg ka sjellë shumë luhatje në kursin e këmbimit, me euron që është zhvlerësuar dhe një forcim të madh të lekut. 1 euro ka vijuar të këmbehet me më pak se 100 lekë, ndërsa vetëm në 30 janar do të kishte një barazim të dy monedhave.

Për të blerë euro nga bankat tregtare, Banka e Shqipërisë paguan lekë, duke rritur kështu ofertën e lekut në treg. Pra, megjithëse nuk ishte ndërhyrje direkte për të frenuar rënien e euros, blerje të tilla ndikojnë zakonisht indirekt në zbutjen e kursit të këmbimit. Në këtë rast, blerjet e valutës nga Banka e Shqipërisë nuk kanë pasur ndikim të madh në stabilizimin e kursit të këmbimit.

/SCAN/

Qeveria, aksionere në resortin luksoz të Sazanit

Shteti shqiptar do të jetë pjesëmarrës aktiv në projektin gjigant turistik që pritet të ngrihet në ishullin e Sazanit. Një kompani e re me emrin “Albania State Development & Real Estate” është krijuar për të përfaqësuar interesat e shtetit në këtë nismë dhe është regjistruar zyrtarisht më 26 qershor në Qendrën Kombëtare të Biznesit.

Sipas të dhënave të regjistrimit, kjo shoqëri do të ketë për detyrë menaxhimin dhe zhvillimin e pronave shtetërore, me synimin për të rritur vlerën e tyre dhe për t’i përdorur në mënyrë efikase. Një nga funksionet kryesore do të jetë pjesëmarrja në projekte strategjike si “Resorti Turistik – Ishulli i Sazanit”, por edhe në çdo projekt tjetër që do t’i besohet nga autoritetet shtetërore. Gjithashtu, kompania do të ketë mandat për të projektuar dhe zbatuar ndërtime me ndikim në zhvillimin urban, si dhe për të mbikëqyrur zbatimin e kontratave të lidhura me projektin.

Shoqëria është në pronësi të plotë të Korporatës së Investimeve Shqiptare (AIC), që zotëron kapitalin fillestar prej 50 milionë lekësh. Drejtimin e kompanisë do ta marrë Julian Adili, aktualisht një nga drejtuesit e lartë në strukturën ligjore të AIC-së.

Ndërkohë, kompania amerikane e lidhur me Jared Kushner, dhëndrin e presidentit amerikan Donald Trump, është shpallur investitor strategjik për këtë projekt që daton nga një vendim i qeverisë më 30 dhjetor 2024. Investimi parashikohet të arrijë vlerën e 1.4 miliardë eurove, dhe do të shtrihet në rreth 45 hektarë, që përbëjnë afro 8% të sipërfaqes së ishullit.

Ky projekt parashikohet të përfshijë një marinë moderne, një kompleks rezidencial luksoz, njësi akomoduese me standarde të larta, si dhe hapësira gastronomike dhe rekreative. Ndër efektet pozitive që priten nga ky zhvillim është edhe punësimi i më shumë se 1,000 personave gjatë dhe pas ndërtimit të resortit.

Qeveria, aksionere në resortin luksoz të Sazanit - Regjistrohet
Qeveria, aksionere në resortin luksoz të Sazanit - Regjistrohet

Lëkundje tërmeti në vend, ja sa ishte magnituda

Një tërmet i shkallës 4.1 rihter ka goditur këtë të premte Shqiperine e Mesme.

Vendndodhja e tërmetit duket se ka qenë Fushë Kruja, aty ku lëkundje të tokës kishte edhe pak ditë më parë.Magnituda e lëkundjeve ka qenë 4.1, ndërsa thellësia ishte 5 kilometra nga sipërfaqja e tokës.

Ndërsa goditja e parë është shoqëruar edhe me të tjera pasgoditje duke shkaktuar panik tek banorët.Ndërkaq deri më tani nuk raportohen dëme materiale apo në njerëz.

Më poshtë të dhënat e tërmetit të sotëm në Tiranë:

TOKA SHQIPTARE NUK GJEN QETËSI/ Tërmeti godet Fushë-Krujën,

Kina ka prodhuar DRON me madhesine e nje mushkonje

Universiteti Kombëtar i Teknologjisë së Mbrojtjes i Kinës ka zhvilluar diçka që duket si nga një film spiunazhi – një dron me madhësinë e një mushkonje.

I zbuluar së fundmi, ky mikrodron është vetëm 1.3 centimetra i gjatë dhe peshon nën 0.3 gramë. Dy krahët e tij në formë gjetheje përplasen shpejt për ta mbajtur atë në ajër, ndërsa tre këmbë të vogla e lejojnë të ulet në sipërfaqe si një insekt i vërtetë. Qëllimi? Mbikëqyrje e fshehtë dhe zbulim i fushës së betejës.

Mbushja e një sistemi energjie, çipi kontrolli dhe sensorësh në një kornizë kaq të vogël është një arritje e madhe inxhinierike. Drone të ngjashme në shkallë të vogël ekzistojnë tashmë diku tjetër – si Black Hornet i Norvegjisë, i cili përdoret për zbulim – por versioni i Kinës po e çon miniaturizimin në ekstreme të reja.

Për momentin, është ende në fazën e prototipit, por thekson se si operacionet e ardhshme ushtarake mund të mbështeten më shumë në këto pajisje me madhësinë e një insekti.

A do të shqetësoheshit nëse do të dinit se dronët kaq të vegjël po fluturonin pa u vënë re?

Greqia përballet me zjarre , evakuohen banorët në disa zona

Zjarrfikësit grekë janë përballur me një vatër zjarri që ka prekur shtëpitë afër qytezës detare të Palaia Fokaias, 40 kilometra në jug të Athinës. Autoritetet kanë lëshuar urdhër për evakuimin e banorëve në katër vendbanimeve aty pranë.Të ndihmuar nga tetë avionë, pesë helikopterë, 90 zjarrfikës u dislokuan në zonën Palaia Foakaia në tentim për të shuar zjarrin që u përhap me shpejtësi për shkak të erërave të fuqishme, duke djegur shtëpi.

Ende është e paqartë sesa shtëpi janë djegur në këtë zonë.Televizioni grek shfaqi një helikopter duke hedhur ujë, teksa shtëllunga të mëdha tymi shiheshin në mbarë zonën.

Greqia sot po përballet me temperatura të larta që kanë arritur deri në 38 gradë Celsius.

Në vitet e fundit, Greqia e ka ndierë ndikimin ekonomik dhe mjedisor pas shpërthimeve të shpeshta të vatrave të zjarrit dhe vërshimeve. Sipas shkencëtarëve, këto ngjarje janë shpeshtuar për shkak të ndryshimeve klimatike.

Greqia ka shpenzuar qindra miliona euro për të kompensuar qytetarët dhe fermerët për dëmet e shkaktuara nga ngjarjet që lidhen me motin ekstrem. Shteti po ashtu ka blerë pajisje të reja për zjarrfikësit në mënyrë që të përballen me zjarret, shuarja e të cilave bëhet më e vështirë për shkak të temperaturave të larta gjatë verës.

Greqia e ka rritur numrin e zjarrfikësve në një rekord prej 18.000 këtë vit, teksa pret që të përballet me një sezon të vështirë zjarresh./REL

Irani nuk lejon mbikëqyrësit ndërkombëtarë të inspektojnë centralet e saj bërthamore

Autoriteti mbikëqyrës kushtetues i Iranit ka miratuar zyrtarisht një projektligj që urdhëron pezullimin e bashkëpunimit me organin mbikëqyrës global bërthamor, Agjencinë Ndërkombëtare të Energjisë Atomike (IAEA).

Projektligji u ndalon inspektorëve të IAEA-s të hyjnë në vendet bërthamore iraniane derisa të përmbushen kushte specifike. Këto kushte përfshijnë njohjen e të drejtës së Iranit për pasurimin e uraniumit sipas Nenit 4 të Traktatit të Mospërhapjes.

Projektligji është miratuar tashmë nga parlamenti i Iranit dhe ky miratim nga Këshilli i Rojës – një organ klerikësh dhe juristësh – do të thotë se ai është zyrtarisht një ligj tani.

Autoriteti përfundimtar, duke përfshirë mënyrën dhe kohën kur do të zbatohet, i takon Këshillit Suprem të Sigurisë Kombëtare të Iranit dhe udhëheqësit suprem të Iranit.

5 centrale diellore kane marre miratim te ndertohen ne Fier e Kolonje.

Qeveria ka miratuar ndërtimin e një centrali fotovoltaik me kapacitet 62 MW në fshatin Taç Lartë të Bashkisë Kolonjë. Projekti do të zbatohet nga kompania “Fortis Energy and Construction” dhe nuk është objekt koncesioni apo përfitues i masave mbështetëse nga shteti. Kjo do të thotë se nuk e ka të garantuar blerjen e energjisë nga shteti, s’ka lehtësime që lidhen me marrjen e lejeve apo lidhjen me rrjetin elektrik.

Vendimi parashikon që impianti të ndërtohet dhe të vihet në punë brenda 36 muajve, ndërsa afati i operimit do të jetë 49 vjet nga hyrja në fuqi e vendimit. Ministria e Infrastrukturës dhe Energjisë dhe Agjencia Kombëtare e Burimeve Natyrore do të mbikëqyrin projektin çdo tre muaj, për të verifikuar përputhshmërinë me planin dhe standardet teknike.

Shoqëria ndërtuese do të japë çdo vit 2% të energjisë së prodhuar falas për shtetin, ose ekuivalentin në vlerë monetare. Po ashtu, ajo ka detyrimin të raportojë ecurinë e punimeve, si dhe të respektojë lejet mjedisore.

Ky nuk është projekti i parë që ka marrë miratimin nga Këshilli i Ministrave këtë vit. Të dhënat publike flasin për të paktën 5 centrale të tjerë të mëdhënj që kanë marrë dakordësinë nga ekzekutivi, duke i lejuar të vazhdojnë me hapat e mëtejshëm për finalizimin e projekteve. Kryesisht centralet e miratuar parashikohet të zhvillohen në zonën e Fierit dhe Kolonjës.

SCAN/

Dollari bie në nivelet më të ulëta shumëvjeçare kundrejt euros

Dollari ra në nivelet më të ulëta shumëvjeçare kundrejt euros dhe frangës zvicerane të enjten, pasi shqetësimet për pavarësinë e Rezervës Federale të SHBA-së ulën besimin në qëndrueshmërinë e politikës monetare të vendit.

Sipas një raporti të Wall Street Journal, Presidenti i SHBA-së Donald Trump ka luajtur me idenë e zëvendësimit të Kryetarit të Rezervës Federale, Jerome Powell deri në shtator ose tetor.

“Tregjet priten të acarohen nga çdo lëvizje e hershme për të emëruar pasardhësin e Powell, veçanërisht nëse vendimi duket i motivuar politikisht”, thonë ekonomistët.

“Lëvizja do të ngrinte pikëpyetje mbi cënimin e pavarësisë së Rezervës Federale dhe potencialisht do të dobësonte besueshmërinë. Kjo do të rikalibronte pritshmëritë e normës së interesit dhe të shkaktonte rivlerësim të pozicionimit të dollarit,” shpjegojnë ata.

Një ditë më parë, Trump vijoi të kritikonte Powell për mosuljen e ndjeshme të normave të interesit, ndërsa Kryetari i Rezervës Federale i tha Senatit se duhej treguar kujdes, pasi planet tarifore të Presidentit përbënin një rrezik për inflacionin.

Tregjet e kanë rritur mundësinë e një uljeje të normës në takimin e ardhshëm të Rezervës Federale në korrik në 25%, nga vetëm 12% një javë më parë, si dhe po parashikojnë ulje prej 64 pikësh bazë deri në fund të vitit, nga rreth 46 pikë bazë javën e kaluar.

Megjithatë, për momentin, dollari vazhdon të jetë nën presion, ndërsa euro fitoi 0.4% duke arritur 1.1710 dollarë, niveli më i lartë që nga shtatori 2021.

Euro ka qenë një përfitues i madh i kësaj situate, me investitorët që shpresojnë gjithashtu se investimet e reja masive në mbrojtjen dhe infrastrukturën evropiane do të nxisin rritjen ekonomike në të gjithë kontinentin.

1...218219220...305Faqja 219 nga 305