Drejtoria Vendore e Policisë Fier

Në vijim të informacionit për aksidentin e djeshëm, te kryqëzimi i Vajkanit, ku si pasojë e përplasjes së automjetit me drejtues shtetasin J. M., 42 vjeç, banues në Londër, me automjetin me drejtuese shtetasen L. M., 30 vjeçe, banuese në Laç, humbi jetën pasagjerja në automjetin e fundit, shtetasja M. K., 53 vjeçe, banuese në Laç, informojmë se specialistët e Sektorit të Qarkullimit Rrugor kryen arrestimin në flagrancë të 2 drejtuesve të automjeteve, për veprën penale “Shkelja e rregullave të qarkullimit rrugor”. 30-vjeçarja vijon të jetë në kujdesin e mjekëve, jashtë rrezikut për jetën, ndërkaq 2 pasagjerët e tjerë të dëmtuar morën asistencë mjekësore dhe u larguan në banesa.

Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi në gjendje të lirë për shtetasit E. E., 20 vjeç dhe M. Dh., 30 vjeç, banues në Lushnjë, pasi dyshohet se për motive të dobëta, kanë goditur me grushte, një shtetas 38 vjeç.

Specialistët për Hetimin e Krimeve të Komisariatit të Policisë Mallakastër referuan materialet në Prokurori, ku nisi procedimi në gjendje të lirë për shtetasin K. M., 29 vjeç, banues në Ballsh, pasi dyshohet se për motive të dobëta, ka kanosur një shtetas 35 vjeç, dhe i ka dëmtuar derën e banesës.

Materialet procedurale iu referuan Prokurorisë së Fierit, për veprime të mëtejshme.

Ka nisur mbledhja e Këshillit të Lartë të Prokurorisë në lidhje me garën për kreun e ri të SPAK. 

Kreut aktual të Prokurorisë së Përgjithshme, Altin Dumani i mbaron afati më 18 dhjetor, ndërkohë gazetarja Klodiana Lala raporton se KLP ka lënë një afat 2 javor për kandidatët që të paraqesin interesin e tyre. 

Mësohet se kandidatët do të duhet të paraqesin platformat e tyre në lidhje me mënyrën se si do ta drejtojnë SPAK-un.

Shërbimi i Kontrollit të Brendshëm të Burgjeve, nën drejtimin e Prokurorisë Kundër Korrupsionit dhe Krimit të Organizuar, ka organizuar dhe realizuar operacionin që çoi në lokalizimin dhe arrestimin e shtetasit Irakli Leka, me detyrë Shef i Regjimit të Brendshëm në IEVP Lushnjë.

Ai dyshohet për kryerjen e veprës penale “Korrupsioni pasiv i personave që ushtrojnë funksione publike”, parashikuar nga neni 259, paragrafi 2 i Kodit Penal.

Materialet procedurale do t’i referohen Prokurorisë për veprime të mëtejshme ligjore.

Gjykata e Posaçme e Apelit për Korrupsionin dhe Krimin e Organizuar shpalli sot, më 16 shtator 2025, vendimin përfundimtar për ankimin e të pandehurve Vangjush Dako dhe Adrian Bulku, duke lënë në fuqi dënimet e dhëna nga Gjykata e Posaçme e Shkallës së Parë.

Në rastin e Vangjush Dakos, ai ka ende një pjesë të dënimit për të shlyer, e cila është në proces llogaritjeje për t’u ekzekutuar, duke e rikthyer atë në burg. Dako ka shërbyer tashmë 6 muaj në paraburgim dhe 13 muaj arrest shtëpie.

Avokati i Dakos është shprehur se dënimi i klientit të tij mbaron në 27 shtator.

Duke marrë në konsideratë këtë përllogaritje, ish-kryebashkiakut të Durrësit, i mebten edhe 11 ditë për të vuajtur në qeli.

Trupi gjykues, i përbërë nga gjyqtarët Engert Pëllumbi (kryesues), Miliana Muça dhe Iliriana Olldashi, vendosi të mos pranonte ankimin e të pandehurve dhe të konfirmonte dënimet e mëparshme.