Fier – Arrestohet 41-vjeçari që dogji tokën pranë urës në Hoxharë e Vjetër

Fier – Policia ka vënë në pranga një 41-vjeçar, pasi u kap në flagrancë duke ndezur zjarr pranë urës së fshatit Hoxharë e Vjetër, nga ku flakët u përhapën dhe dogjën një sipërfaqe toke me bimësi e shkurre.

Sipas njoftimit zyrtar, në kuadër të hetimeve për identifikimin dhe arrestimin e autorëve të zjarrvënieve, specialistët për Hetimin e Krimeve në Komisariatin e Policisë Fier arrestuan shtetasin J. S., 41 vjeç, banues në Mbrostar Ura.

Ky shtetas u kap nga shërbimet e Patrullës së Përgjithshme gjatë aktit të zjarrvënies.

Materialet procedurale i janë referuar Prokurorisë pranë Gjykatës së Shkallës së Parë Fier, për veprime të mëtejshme ligjore.

Policia apelon për të gjithë qytetarët të mos ndezin zjarre, duke paralajmëruar se kushdo që shkel ligjin do të ndëshkohet. Qytetarët ftohen të denoncojnë çdo rast në numrin 112, duke u garantuar anonimat dhe reagim të shpejtë.

Fier – 26-vjeçari përfundon në spital pasi u përplas tek vizat e bardha nga automjeti në rrugën “Ramiz Aranitasi”

Fier – Një aksident rrugor është regjistruar rreth orës 08:00 të mëngjesit të sotëm, në rrugën “Ramiz Aranitasi”, ku një automjet ka përplasur një këmbësor.

Sipas policisë, automjeti që drejtohej nga shtetasi J. K., 38 vjeç, ka goditur shtetasin B. L., 26 vjeç, i cili ndodhet në spital nën kujdesin e mjekëve.

Grupi hetimor po punon për zbardhjen e plotë të rrethanave dhe përcaktimin e shkaqeve të aksidentit.

Fier-Në timon të dehur – Plagoset 61-vjeçarja, dy shoferë përfundojnë në pranga

Fier

Specialistët e Sektorit të Qarkullimit Rrugor arrestuan në flagrancë shtetasit:

-A. D., 65 vjeç, banues në Patos, pasi ditën e djeshme, pasi në fshatin Zharrëz, mjeti bujqësor që drejtonte në gjendje të dehur, është përplasur me automjetin me drejtuese shtetasen A. Sh., 34 vjeçe.

Për pasojë u dëmtua dhe ndodhet në kujdesin e mjekëve, pasagjerja në mjetin bujqësor, shtetasja L. D., 61 vjeçe;

-A. H., 32 vjeç, banues në Fier, pasi u kap duke drejtuar automjetin, në gjendje të dehur.

Materialet procedurale iu referuan Prokurorisë së Fierit, për veprime të mëtejshme.

Makina përplas per vd*kje dhe e lë në rrugë 57-vjeçaren

Një aksident ka ndodhur mbrëmjen e sotme në Dimal, në urën e re mbi lum. Një 57-vjeçare, e cila po kalonte rrugën me delet, është shtypur për vdekje nga një automjet, i cili e ka lënë të shtrirë në rrugë dhe është larguar nga vendngjarja.

Viktima Thëllëza Caushi, banore e Dimalit, ka gjetur vdekjen e menjëhershme, ndërkohë që në vendngjarje kanë shkuar forca të shumta policie, që po kryejnë kqyrjen e vendngjarjes, pas identifikimit të kufomës.

Policia konfirmon se janë sekuestruar edhe kamerat e sigurisë përreth vendit të aksidentit, për të identifikuar mjetin që e shtypi dhe shoferin që ndodhej në drejtimin e automjetit.

Proda i dorëzon “Certifikatën e Karrierës” kryekomisar Janaq Zarkës, pas 41 vitesh shërbim në Policinë e Shtetit

Në ambientet e Drejtorisë Vendore të Policisë Vlorë u zhvillua sot ceremonia e daljes në pension të kryekomisar Janaq Zarkës, një prej figurave më të respektuara të uniformës blu, pas 41 viteve shërbim në sektorë kyç si Policia Shkencore, Hetimi i Krimit dhe Sektori i Qarkullimit Rrugor.

Drejtori i Përgjithshëm i Policisë së Shtetit, Ilir Proda, i dorëzoi Zarkës “Certifikatën e Karrierës” si vlerësim për kontributin e gjatë e të ndershëm. “Ky është një nder i veçantë. Kjo certifikatë është vetëm një pikë uji në detin e kontributeve të tij për Policinë e Shtetit”, u shpreh Proda.

Edhe drejtori i DVP Vlorë, Elidon Çela, e cilësoi Zarkën si një figurë me gjurmë të pashlyeshme në Policinë e Vlorës, duke e përshkruar si të qetë, profesionist dhe të përkushtuar.

Në fjalën e tij, kryekomisar Zarka falënderoi kolegët dhe drejtuesit, duke theksuar: “Policia ka qenë jo vetëm vendi im i punës, por edhe familja ime e dytë. Jam krenar për gjithçka kam dhënë dhe mësuar gjatë këtij rrugëtimi.”

CENSI për bujqësinë e blegtorinë, do të kushtojë 8.9 mln euro, gjobë kush nuk jep informacione

Brenda 4 javësh INSTAT synon të regjistrojëtokën bujqësore që mbillet, fermatbujqësore e deri tek tufat e bagëtive.

Ky regjistrim i bujqësisë dhe blegtorisë ështështyrë disa herë që prej vitit 2022 për arsye tëndryshme.

Për të numëruar çdo metër tokë që mbillet, çfarëkultivohet, sipërfaqja e fermave bujqësore, makineritë që përdoren e deri tek të punësuaritnë këtë sektor, por edhe për regjistrimin e çdokrerë bagëtie, ferme blegtorale apo çdo koshereblete, do të shpenzohen 8.9 milionë euro në2026-ën.

Vitin e ardhshëm pritet të realizohet ‘Censi iBujqësisë’, 14 vjet pasi është bërë ‘fotografimi’ ifundit i këtij sektori në Shqipëri.

“Censi i bujqësisë përfshin të gjitha njësitëekonomike, që kanë në përdorim tokë bujqësoreapo që kryejnë aktivitet bujqësor ose blegtoral, brenda territorit të Republikës së Shqipërisë. Njësitë ekonomike bujqësore, objekt i censit, tregtojnë plotësisht apo pjesërisht produktet e tyre, ose mbulojnë vetëm nevojat e tyrefamiljare”, thuhet në nenin 3 të projektligjit qëështë hedhur në konsultim publik.

Në relacionin e projektligjit thuhet se përmes këtijcensi do të sigurohet një informacion ihollësishëm për njësitë ekonomike bujqësore dheblegtorale, do të ofrohen të dhëna të sigurta qëmë pas do të diktojnë edhe vendimmarrjet e politikat për këtë sektor si dhe do të krijohetregjistri statistikor i njësive ekonomike bujqësore.

Censi i bujqësisë do të zgjasë 4 javë, kunumëruesit do të shkojnë në çdo cep tëShqipërisë.

Në projektligj është saktësuar se gjatë kësajperiudhe është e ndaluar për të gjithë individëtdhe organizatat, të mbledhin të dhëna nga njësitëekonomike bujqësore.

Për ata që refuzojnë të japin informacion përpunonjësit e INSTAT që do të angazhohen në këtëproces, do të ketë gjoba nga 30 mijë lekë deri në100 mijë lekë.

Brenda 12 viteve sipërfaqja e tokës së mbjellëështë tkurrur me 18.7 mijë hektarë, pasi në fund të 2024-ës totali i tokës bujqësore së mbjellësipas INSTAT ishte 677 mijë hektarë.

Po kështu edhe blegtoria, tufat e bagëtive janërrudhur me 960 mijë krerë në total. Nëse në 2012 në Shqipëri numëroheshin më shumë se 2.9 milionë krerë lopë, dele e dhi, në fund të vitit2024 në total ishin 2 milionë krerë.

Ndërsa biznesi i ‘ëmbël’ i mjaltit është shtuar, nga239 mijë koshere në vitin 2012, në 587 mijëkoshere vjet.

Censi i bujqësisë ishte parashikuar për t’uzhvilluar në vitin 2022, por ky proces u shty përnë 2024-ën, por as ky objektiv nuk u arrit.

Afati i ri tashmë është 2026, nëse projektligjiarrin të miratohet këtë vit

Jahti 147 metra “pushton” Dhërmiun, mendohet se në bord është pronari i Manchester City-t

Dhërmiu sot ka marrë pamjen e një resorti luksoz ndërkombëtar, pasi në ujërat pranë molit është ankoruar një jaht gjigant 147 metra i gjatë, duke ndezur kureshtjen dhe entuziazmin e pushuesve.

Sipas zërave që qarkullojnë në zonë, në bord ndodhet Sheikh Mansour bin Zayed Al Nahyan, pronari i klubit të futbollit Manchester City, i cili thuhet se është ftuar personalisht nga kryeministri Edi Rama.

Që në orët e para të mëngjesit, dhjetëra pushues kanë mbushur rrjetet sociale me selfie e video pranë jahtit, ndërsa atmosfera në plazh është kthyer në një skenë glamour-i dhe misteri, me të gjithë sytë nga vizitori i shumëpërfolur.

Kakavijë – Radhë deri në 3 km nga pala greke, fluks i lartë hyrjesh në Shqipëri

Në pikën kufitare të Kakavijës është regjistruar sot një fluks i lartë të hyrjesh nga pala greke drejt Shqipërisë, duke shkaktuar radhë automjetesh deri në rreth 3 kilometra në territorin grek.

Sipas burimeve nga policia kufitare, shtimi i lëvizjeve lidhet me kthimin e emigrantëve shqiptarë për pushimet verore, si dhe me fundjavën, që tradicionalisht shënon rritje të qarkullimit.

Shërbimet kufitare po punojnë me kapacitet të plotë, duke hapur të gjitha sportelet e kontrollit për të përshpejtuar procedurat, por pavarësisht kësaj pritjet mbeten të gjata, sidomos në orët e pikut.

1...169170171...307Faqja 170 nga 307