Berisha : Çdo shqiptar në betejë për rikthimin e votës! Në shtator rikthehen protestat

Kreu i PD Sali Berisha ka deklaruar sërish se opozita nuk i njeh zgjedhjet parlamentare të 11 majit për shkak të shkeljeve të pretenduara, ndërsa paralajmëroi se në shtator do të rikthehen protestat.

Berisha: Ky akt është një poshtërim i madh për çdo shqiptar. Çdo shqiptar kudo ku ndodhet duhet të angazhohet në një betejë me të gjitha mjetet për rikthimin e votës në Shqipëri me protesta të fuqishme në të gjitha vendet ku jetojnë dhe në Shqipëri. Ne këto zgjedhje nuk i njohim dhe do bëjmë çdo gjë që shqiptarët të votojnë të lirë. Protestat janë të vonuara, kemi vetëm një rrugë për rikthimin e votës. Nuk ka rrugë tjetër. Në shtator do të nisin protestat.

Parlamenti Europian miraton raportin për Shqipërinë: Të garantohet pavarësia e drejtësisë, nxisim luftën ndaj krimit e korrupsionit

Strasbourg, France - September 13, 2019: Entrance of the Louise Weiss building, inaugurated in 1999, the official seat of the European Parliament which houses the hemicycle for plenary sessions.

Parlamenti Europian ka miratuar raportin për Shqipërinë mbi progresin e vendit drejt rrugës së integrimit, ku vlerësohet angazhimi politik dhe ai reformator për të përmbushur detyrat. Raporti u miratua me 502 vota pro nga 686 eurodeputetë të pranishëm në sallë.

Ndërkohë dokumenti ngre shqetësime për gjendjen e shtetit të së drejtës, lirinë e medias dhe të drejtat themelore.

“Shqipëria ka bërë hapa të rëndësishëm drejt integrimit europian dhe anëtarët e Komisionit përshëndetën ambicien e Shqipërisë për të përmbyllur negociatat e anëtarësimit deri në fund të vitit 2027 dhe progresin e shpejtë të bërë vitet e fundit, përfshirë hapjen e dy grupeve të kapitujve të negociatave në vitin 2024”, thuhet në raportin e eurodeputetit, Andreas Schieder nga Socialdemokratët e Austrisë.

Raporti i bën thirrje autoriteteve shqiptare të intensifikojnë luftën kundër korrupsionit dhe krimit të organizuar, të garantojnë pavarësinë e drejtësisë dhe të mbrojnë gazetarët, aktivistët dhe grupet vulnerabël nga presioni dhe sulmet e vazhdueshme. Një tjetër shqetësim i madh është dhuna ndaj grave dhe zbatimi i pamjaftueshëm i masave mbrojtëse.

Ndërkohë, vlerësohen përparimi në politikat fiskale, reformat ekonomike, integrimi në Zonën e Vetme të Pagesave në Euro dhe angazhimi për tranzicionin e gjelbër.

Raporti
Komisioni për Punët e Jashtme miratoi raportin me nismë vetjake të deputetit Andreas SCHIEDER (S&D, Austri) mbi raportet e Komisionit për Shqipërinë për vitet 2023 dhe 2024. Raporti përshëndeti angazhimin e palëkundur të Shqipërisë për integrimin në BE, i cili është objekt konsensusi mes të gjitha partive politike, si të mazhorancës ashtu edhe të opozitës, dhe mbështetet gjerësisht nga qytetarët. Gjithashtu, u vlerësua përputhja e plotë dhe e qëndrueshme e Shqipërisë me Politikën e Përbashkët të Jashtme dhe të Sigurisë të BE-së dhe mbrojtja që i bën rendit ndërkombëtar të bazuar në rregulla.

Anëtarët e Komisionit përshëndetën ambicien e Shqipërisë për të përmbyllur negociatat e anëtarësimit deri në fund të vitit 2027 dhe progresin e shpejtë të bërë vitet e fundit, përfshirë hapjen e dy grupeve të kapitujve të negociatave në vitin 2024. Shqipërisë i bëhet thirrje të përshpejtojë reformat që synojnë forcimin e shtetit të së drejtës dhe rritjen ekonomike, luftën kundër korrupsionit dhe krimit të organizuar, frenimin e trafikut të qenieve njerëzore, mbrojtjen e të drejtave themelore dhe avancimin e lirisë së shprehjes, lirisë së informimit dhe pluralizmit e pavarësisë së medias.

Institucionet demokratike, media dhe shoqëria civile
Raporti theksoi përgjegjësinë e përbashkët të forcave politike shqiptare për të forcuar dialogun politik konstruktiv dhe gjithëpërfshirës dhe për të kapërcyer polarizimin e theksuar politik që karakterizon vendin aktualisht. U njoh gjithashtu rreziku në rritje i ndikimit të huaj keqdashës dhe ndërhyrjeve hibride në institucionet demokratike të Shqipërisë. U përshëndet bllokimi nga Shqipëria i domeneve të dezinformimit rus, por u theksua nevoja për një mekanizëm të përbashkët BE–Shqipëri për reagim ndaj dezinformimit.

Duke shprehur keqardhje për përkeqësimin e situatës së medias së lirë dhe të gazetarëve të pavarur vitet e fundit, anëtarët i bënë thirrje autoriteteve shqiptare të garantojnë transparencë në pronësinë e mediave dhe të zbatojnë një politikë zero tolerance ndaj kërcënimeve ndaj gazetarëve. Autoritetet duhet të miratojnë një kuadër ligjor që mbron realisht gazetarët, mbrojtësit e të drejtave të njeriut, aktivistët mjedisorë dhe aktorët e tjerë përballë rritjes shqetësuese të padive SLAPP (proceset strategjike kundër pjesëmarrjes publike). Anëtarët inkurajuan qeverinë shqiptare të forcojë rolin e shoqërisë civile, në veçanti të organizatave për të drejtat e grave, në procesin e anëtarësimit në BE.

Të drejtat themelore
Raporti konstatoi se kuadri ligjor i Shqipërisë për luftën kundër dhunës me bazë gjinore nuk është ende në përputhje të plotë me Konventën e Stambollit. Dhuna ndaj grave mbetet një problem i mprehtë, me një numër ende të lartë femicidesh. Anëtarët kërkuan forcimin e shërbimeve për mbështetjen e viktimave, në veçanti kujdesin shëndetësor, financimin e strehëzave, ndihmën juridike falas dhe riintegrimin e rehabilitimin e viktimave. U kërkua zbatimi më i rreptë i masave mbrojtëse dhe përgjigje më e mirë e sistemit gjyqësor në rastet e dhunës me bazë gjinore, si dhe një angazhim i fortë për mbrojtjen e të drejtave të personave LGBTI+.

Autoriteteve shqiptare u bëhet thirrje të respektojnë dhe mbrojnë plotësisht të drejtat e njeriut, përfshirë të drejtat e pakicave, të forcojnë mekanizmat institucionalë për parandalimin e diskriminimit dhe të sigurojnë pjesëmarrjen politike të vërtetë të të gjitha komuniteteve, si edhe të mbrojnë e promovojnë trashëgiminë kulturore, gjuhët dhe traditat e pakicave kombëtare.

Shteti i së drejtës
Të shqetësuar për vazhdimin e ndërhyrjes politike në sistemin gjyqësor dhe presionin që ushtrohet ndaj tij, anëtarët kërkuan masa urgjente për të siguruar pavarësinë e drejtësisë dhe integritetin e institucioneve. Raporti thekson se Shqipëria renditet në vendin e 80-të në Indeksin e Perceptimit të Korrupsionit për vitin 2024 të Transparency International, çka tregon për nevojën për përparim të dukshëm në luftën kundër korrupsionit në nivelet e larta.

Raporti i bëri thirrje Shqipërisë të vijojë përputhjen e kuadrit të saj ligjor, veçanërisht kodin penal, me acquis të BE-së në luftën kundër krimit të organizuar dhe trafikimit të drogës e armëve, si dhe në luftën kundër krimit kibernetik, ekstremizmit dhe kërcënimeve terroriste. U theksua nevoja për të forcuar luftën kundër trafikimit të qenieve njerëzore dhe për të frenuar tregtinë e paligjshme të armëve të vogla dhe armëve të lehta.

Anëtarët inkurajuan Shërbimin e Veprimit të Jashtëm të BE-së dhe Komisionin që të vazhdojnë të forcojnë qëndrueshmërinë e Shqipërisë përballë kërcënimeve hibride në fushat e sigurisë kibernetike, manipulimit të informacionit dhe mbrojtjes së infrastrukturës kritike.

Reformat socio-ekonomike
Raporti përshëndeti angazhimin e Shqipërisë për zbatimin e planit të rritjes së BE-së për Ballkanin Perëndimor, i cili përfshin integrimin në tregun e vetëm të BE-së, integrimin ekonomik rajonal, reformat themelore dhe rritjen e mbështetjes financiare. U mirëprit gjithashtu axhenda reformuese e Shqipërisë në mjedisin e biznesit, kapitalin njerëzor, dixhitalizimin, energjinë dhe tranzicionin e gjelbër, të drejtat themelore dhe sundimin e ligjit.

Anëtarët inkurajuan autoritetet shqiptare të reduktojnë rrezikun e varfërisë dhe përjashtimit social duke përmirësuar aksesin në arsim dhe strehim, si dhe në shërbime sociale e shëndetësore. U përshëndet gjithashtu anëtarësimi i Shqipërisë në Zonën e Vetme të Pagesave në Euro (SEPA) në nëntor 2024 dhe u vlerësua përmirësimi në performancën fiskale të vendit.

Së fundmi, raporti theksoi se Shqipëria duhet të dyfishojë përpjekjet për përputhjen me acquis mjedisor të BE-së, duke rikujtuar se vendi duhet të bëjë përpjekje të konsiderueshme për të përmbushur objektivat në lidhje me mbrojtjen e klimës, efikasitetin energjetik, diversifikimin dhe gjelbërimin e furnizimit me energji dhe transportit.

Rama thirrje të rinjve: Aplikoni për Programin Kombëtar të Praktikave të Punës

Kryeministri Edi Rama bëri thirrje për Programin Kombëtar të Praktikave të Punës.Ai thekson se programi ofron mundësi konkrete për të rinjtë e moshës 21–29 vjeç që duan të hedhin hapat e parë drejt karrierës në Administratën Publike.

Aplikimet do të jenë deri më 10 Gusht 2025600 vende praktike në administratë dhe institucione publike
Trajnim i dedikuar nga ASPA
Kompensim financiar gjatë praktikës
Mundësi kontrate pune 1-vjeçare për 250 praktikantë
Periudha e praktikës 3-mujore: Shtator – Dhjetor 2025
Aplikimet: deri më 10 Gusht 2025”, shkruan Rama.

Apliko online me CV dhe letër motivimi në praktika.riniafemijet.gov.al.

Ministria e Mbrojtjes: Në 24 orë u raportuan 16 vatra zjarri, 4 ende aktive

Gjatë 24 orëve të fundit janë raportuar 16 vatra zjarri, nga të cilat 4 janë ende aktive. Këto vatra zjarri janë evidentuar në bashkitë: Vlorë, Finiq, Vau i Dejës, Poliçan, Dimal, Skrapar, Bulqizë, Dibër, Kavajë, Tiranë, Korçë, Librazhd, Fier, Kurbin dhe Kukës.

Aktualisht mbeten aktive vatrat:

• Orikum, bashkia Vlorë – Në vendin e quajtur “Sotiran” ndërmjet fshatrave Tragjas dhe Dukat, në një sipërfaqe me shkurre dhe ferra në lartësi të malit. Situata është mbajtur në monitorim gjatë natës. Aktualisht po operojnë në terren: 7 forca zjarrfikëse, 4 punonjës të Shërbimit Pyjor, 7 forca bashkiake, 40 forca ushtarake dhe helikopteri Cougar.

• Poliçan – Në fshatin Zgërbonjë, njësia administrative Vërtop, ku për shkak të erës së fortë dhe temperaturave të larta, zjarri u përhap me shpejtësi. Rreziku për banesat u eliminua. Sot në terren ndodhen 7 efektivë me 2 automjete zjarrfikëse të MZSH Poliçan dhe 5 forca të Shërbimit Pyjor.

• Bulqizë – Në “Livadhi i Peladhisë”, njësia administrative Zerqan, ka vazhduar puna për shuarjen e zjarrit në një sipërfaqe pyjore me pisha dhe dëllinja. Zjarri është me intensitet të ulët dhe nuk përbën rrezik për përhapje të mëtejshme. Janë evidentuar 3 vatra të ndara. Në operacion janë përfshirë 2 automjete zjarrfikëse me 11 efektivë të MZSH Bulqizë, 7 forca të Shërbimit Pyjor dhe 3 vullnetarë. Sipërfaqja e djegur vlerësohet rreth 17 ha.

• Dibër – Në vendin e quajtur “Liqeni i Luleve”, pjesë e Parkut Kombëtar Lurë, zjarri ka përfshirë një sipërfaqe me pisha dhe livadh. Për shkak të erës së fortë, zjarri ka marrë përmasa të mëdha, duke rrezikuar një pjesë të madhe të parkut. Aktualisht nuk ka rrezik për zona të banuara. Në terren janë angazhuar 5 forca të AdZM, 6 zjarrfikës të MZSH Dibër, 5 forca bashkiake, 15 vullnetarë si dhe helikopteri Cougar.
Raste të tjera të evidentuara:

• Në fshatin Ndroq, Tiranë, u dogj një banesë 2-katëshe si pasojë e një zjarri.• Në fshatin Mbrostar, Fier, zjarri përfshiu një hangar me bazë ushqimore për blektorinë, duke shkaktuar ngordhjen e rreth 75 deleve dhe dëmtimin e lehtë të pronarit. Shkaku i zjarrit mbetet i panjohur.
Në total, nga zjarret e rëna, kryesisht në sipërfaqe me pemë, shkurre dhe barishte, janë djegur rreth 24 hektarë bimësi.

Në operacionet për shuarjen e zjarreve janë angazhuar 31 automjete zjarrfikëse dhe 268 forca, përfshirë Forcat e Armatosura me 60 efektivë, 2 automjete zjarrfikëse dhe helikopterin Cougar në dy vatra zjarri.
Parashikimi i motit dhe rrezikut nga zjarret:
Sipas Institutit të Gjeoshkencave, sot priten reshje të dobëta deri lokalisht mesatare në qarqet Shkodër dhe Lezhë, ndërsa në qarqet e tjera reshjet do të jenë të dobëta.

Sa i përket zjarreve:
• Nivel rreziku “I ULËT” në qarkun Shkodër
• Nivel rreziku “I MODERUAR” në qarkun Kukës
• Nivel rreziku “I LARTË” në qarqet e tjerë

Strukturat e Mbrojtjes Civile vijojnë të jenë plotësisht të angazhuara, në bashkëpunim me të gjitha institucionet përgjegjëse, për monitorimin dhe ndërhyrjen në kohë në çdo vatër zjarri, me qëllim minimizimin e dëmeve në mjedis dhe rrezikut për jetën e qytetarëve.

Thirrje për qytetarët:
Lutemi që të shmangni çdo veprim që mund të shkaktojë zjarr në natyrë, të denonconi menjëherë çdo vatër zjarri pranë autoriteteve dhe të bashkëpunoni me strukturat shtetërore për mbrojtjen e jetës, pronës dhe natyrës sonë të përbashkët. Kujdesi juaj shpëton jetë!

Prishja e ndërtimeve pa leje, nis protesta e banorëve të Thethit

Situata në Theth është tensionuar këtë mëngjes, pasi banorët kanë bllokuar urën në hyrje të fshatit, duke penguar hyrjen e forcave të Policisë së Shtetit.Ky veprim vjen në kuadër të kundërshtimit të aksionit të IKMT-së, e cila edhe sot ka planifikuar prishjen e disa ndërtimeve pa leje në zonën turistike.Pa praninë e forcave të rendit, inspektorët e IKMT ndodhen në pritje, pasi nuk mund të vijojnë me veprimet pa mbështetje policore.Banorët e Thethit kanë kundërshtuar me forcë prishjen e objekteve, duke e konsideruar aksionin të padrejtë dhe të papërshtatshëm për një zonë që varet nga turizmi.

Rama publikon foton nga Vlora: Ja se si doli në dritë Lungomarja, e çliruar nga “rraqet” e tepërta

VLORA sot pasdite❤️

Ja se si doli në dritë Lungomarja, thjesht duke hequr barrikadat absurde dhe frymën e shëmtimit kioskëzues, ndërkohë që të gjithë kanë hapësirën e tyre, edhe qytetarët, vizitorët, turistët, edhe njësitë e shërbimit, të çliruara nga “rraqet” e tepërta dhe të tërhequra qytetarisht në zonën e tyre😍✋

 Marta Kos: SPAK të mos preket! Struktura duhet të ruhet plotësisht

Komisionerja e Bashkimit Europian për Zgjerim, Marta Kos, gjatë diskutimit në Parlamentin Evropian për raportprogresin e Shqipërisë për vitet 2023-2024 ka kërkuar që reforma në drejtësi të mos preket.

“Rezultatet e mira të strukturës së posaçme kundër krimit të organizuar dhe korrupsionit, SPAK, janë hapa pozitivë që theksohen edhe në raportin e Parlamentit. Është jetike që Shqipëria të vazhdojë të tregojë progres konkret në fusha kyçe.  Në këtë kontekst, pavarësia e strukturës së posaçme kundër korrupsionit dhe krimit të organizuar, SPAK, duhet të ruhet plotësisht. SPAK është sot institucioni më i besuar në vend. Kjo duhet mbrojtur dhe forcuar”, tha Marta Kos.

Komisionerja për zgjerim u tha anëtarëve të Parlamentit Evropian se bisedimet me Shqipërinë po ecin me një shpejtësi të madhe, edhe pse ende ka shumë punë për t’u bërë.

“Ky raport vjen në një moment vendimtar, pasi negociatat e anëtarësimit mes Shqipërisë dhe BE-së po ecin me një ritëm të paparë më parë, siç e dëgjuam, me disa arritje të rëndësishme të përmbushura në muajt e fundit dhe të tjera që priten.

Kjo tregon se Shqipëria është angazhuar seriozisht në procesin e zgjerimit, ndërsa BE-ja po vepron duke respektuar qasjen e bazuar në meritë. Ne po punojmë ngushtë me Presidencën daneze për të mbajtur ritmin. Besojmë se edhe dy grupet e mbetura do të hapen sapo të jetë e mundur”, vijoi Kos.

Kos e mbylli fjalën e saj duke thënë se në kontekstin aktual gjeopolitik, Shqipëria dhe Ballkani Perëndimor mbeten një prioritet gjeostrategjik për BE-në.

Të dy raportet e progresit të dy viteve të fundit për vendin tonë do të miratohen gjatë të mërkurës.

Salianji nga selia e PD: Regjimi më izoloi para zgjedhjeve, bëra sakrificë për interes publik

Ervin Salianji, ish-deputeti i PD-së në konferencë për mediat nga selia e Partisë Demokratike: Prej muajsh kam bërë burg politik. Jemi këtu me një Shqipëri që edhe me dënimin tim, nuk pati benefit, por pati regres në demokraci. Pas 35 vitesh, Shqipëria dënon për herë të parë për agjitacion e propagandë. Çova para drejtësisë një trafikant droge. Ky pushtet buron kryesisht nga këto lidhje kriminale. Kam dalë nga burgu, pasi kam kryer dënimin politik. Është sakrificë nga ana ime, e bërë për interes publik.

U dënova për kallëzim të rremë, ndërsa kallëzim nuk është bërë fare. Nuk kam pasur akuzë për vjedhje a korrupsion apo diçka tjetër, por vendimi i gjykatës thotë se kam pasur qëllim ta rrëzoj qeverinë dhe në zona ku kam dashur të rrëzoj përfaqësuesit e qeverisë në zonë, duhet të izolohesha përpara zgjedhjeve dhe të dal pas zgjedhjeve. Vullneti i një individi vendos mbi çdo institucion, normë e nen të shkruar në Kushtetutë. Pas denoncimit tim, një i dënuar për trafik droge, shkoi dhe u dorëzua në Itali për trafik të lëndëve narkotike. Denoncimi im vetëm e ka ‘zhveshur’ qeverinë.

1...165166167...367Faqja 166 nga 367