Një kabinë elektrike u përfshi nga flakët mbrëmjen e sotme në hyrje të një pallati 5-katësh në lagjen “ Liri Gero” në Fier.

Ngjarja ka alarmuar banorët e zonës të cilët kanë lajmëruar menjëherë shërbimet zjarrfikëse.

• Falë ndërhyrjes së shpejtë flakët janë neutralizuar duke mos lejuar përhapjen e tyre.

Ndërkohë dyshimet e para janë për shkak të mbingarkesës në rrjet, por hetimet për ngjarjen vijojnë.

Investimet madhore në linjat hekurudhore të vendit tonë do ta përfshijnë në korridoret europiane. Në këtë drejtim, Shqipëria pritet të marrë asistencë edhe nga Zvicra. Deklarata është bërë nga Zëvendëskryeministrja, njëherësh Ministër i Infrastrukturës dhe Energjisë, Belinda Balluku.

“Shumë mirë do ishte që të bënim rrugëtimin me tren nga Zvicra në Shqipëri dhe do ta bëjmë në të ardhmen përmes korridoreve hekurudhore europiane ku Shqipëria do të bëhet pjesë, ashtu siç po bëhet dhe me autostradat, por sot jemi në një udhëtim me skuadrën e Ministrisë së Infrastrukturës dhe të Energjisë dhe atë të Hekurudhës Shqiptare për të bërë një takim bilateral me Ministrin Federal për Transportin, Energjinë dhe Mjedisin, këtu në Zvicër.

Po bëjmë një udhëtim nga Zyrihu në Bern duke provuar kështu edhe efikasitetin, efiçencën që hekurudha ka dhe duke bërë plane për një bashkëpunim të ngushtë edhe me hekurudhën zvicerane në të ardhmen përsa i përket zhvillimit të transportit hekurudhor, duke nisur me projektin e parë, atë nga Tirana në Durrës,“- tha Balluku.

Hekurudha Tiranë-Durrës me zgjatimin për në aeroportin e Rinasit pritet të hapet për qarkullimin vitin e ardhshëm.

Një lajm i pazakontë bëri bujw në media ditët e fundit: Nuredin Dumani, i penduar i drejtësisë dhe një nga figurat mw të njohura të operacionit “Plumbi i Artë”, dyshohej se kishte konsumuar karkaleca deti brenda qelisë ku mbahet nën masa të rrepta sigurie.

Sipas raportimeve, ushqimi i detit nuk i kishte bërë mirë dhe Dumani kishte përfunduar në spital për trajtim mjekësor.

Por, pas publikimeve në media, SPAK ka reaguar zyrtarisht, duke sqaruar se çështja nuk hyn në kompetencën e këtij institucioni.

Në përgjigjen publikuar në faqen zyrtare, SPAK thekson:

“Kjo çështje nuk është në kompetencë të Strukturës së Posaçme kundër Korrupsionit dhe Krimit të Organizuar.

Për këtë arsye, ju mund t’i drejtoheni Drejtorisë së Përgjithshme të Burgjeve dhe Drejtorisë për Mbrojtjen e Dëshmitarëve dhe Bashkëpunëtorëve të Drejtësisë për trajtimin e mëtejshëm të kërkesës suaj.”

Me këtë reagim, SPAK heq dorë nga çdo përgjegjësi mbi mënyrën e trajtimit të Dumanit në qeli, duke ia kaluar kompetencën institucioneve që merren me administrimin e burgjeve dhe me mbrojtjen e bashkëpunëtorëve të drejtësisë.

Nuredin Dumani, i cili ka rrëfyer dhjetëra ngjarje kriminale në kuadër të dosjes “Plumbi i Artë”, vijon të mbahet në kushte të veçanta sigurie, ndërsa dëshmitë e tij kanë shërbyer për arrestimin e dhjetëra personave në Shqipëri dhe Kosovë.

D’Angelo, i cili ishte arrestuar në Shqipëri mbi akuza që nuk janë publikuar ende plotësisht, tashmë është lëshuar pa asnjë kufizim në lirinë e tij, duke shfrytëzuar mundësinë e lirimit me kusht. Kthimi në Itali i jep fund një periudhe të vështirë për të dhe familjen e tij, por gjithsesi ai mbetet në pritje të zhvillimeve të tjera ligjore që mund të ndikojnë në të ardhmen e tij.Profesori, sipas raportimeve, dukej i tronditur, por i lehtësuar pas 75 ditësh në paraburgim. Për çiftin, ky është fundi i një makthi. Ai u arrestua më 8 gusht, pas një aksidenti me makinë gjatë rrugës për në një dasmë.

Procedurat ligjore mbeten zyrtarisht të hapura, por tani ai mund të vazhdojë i lirë, me mundësinë e një kërkese të ardhshme për arrest shtëpiak në Itali. Rektori Fabio Graziosi, i cili theksoi angazhimin e Universitetit dhe institucioneve, dhe Kryetari i Bashkisë Pierluigi Biondi shprehën kënaqësinë e tyre.