Hyn në fuqi ligji i ri për bashkëpronësinë në pallate,rregullat për banorët

Ka hyrë në fuqi ligji i ri për bashkëpronësinë në pallate, një ndër nismat më të rëndësishme për rregullimin e jetesës kolektive në ndërtesa me shumë banorë. Ligji nr. 55/2025 “Për administrimin e bashkëpronësisë në ndërtesa”, i miratuar nga Kuvendi më 3 korrik dhe tashmë i publikuar në Fletoren Zyrtare, sjell rregulla të reja dhe të detyrueshme për të gjithë banorët.

Në një vend ku bashkëjetesa në pallate shpesh ka qenë burim konfliktesh dhe paqartësish, ky ligj vendos një bazë të re ligjore për administrimin, mirëmbajtjen dhe përfaqësimin e hapësirave të përbashkëta.

Çfarë parashikon ligji i ri?

Administrator i detyrueshëm për çdo pallat

Çdo ndërtesë me më shumë se një pronar duhet të ketë një administrator të certifikuar nga bashkia – mund të jetë një banor ose një shoqëri e specializuar. Kontrata me administratorin është detyruese dhe ka afat minimal trevjeçar.

Hapësirat e përbashkëta me status të qartë ligjor

Shkallët, ashensorët, bodrumet, garazhet, fasadat, oborret apo tarracat do të regjistrohen në Kadastër si pasuri në bashkëpronësi, në emër të të gjithë banorëve.

Vendimmarrje me shumicë dhe fuqi detyruese

Mbledhjet e asamblesë së bashkëpronarëve do të kenë rol vendimmarrës. Vendimet e miratuara me shumicë do të jenë të detyrueshme për të gjithë banorët, duke shmangur bllokimet nga pakica.

Detyrime për ndërtuesit

Shoqëritë ndërtuese janë të detyruara të administrojnë pallatin deri në dorëzimin zyrtar te banorët dhe të përfshijnë në kontrata aktin e bashkëpronësisë dhe rregulloren e brendshme.

Roli i bashkive dhe transparenca me e-Albania

Bashkitë do të mbikëqyrin administratorët, do të përditësojnë librin e bashkëpronësisë dhe do të kenë të drejtë të vendosin gjoba për shkeljet. Të dhënat dhe dokumentet e bashkëpronësisë do të jenë të aksesueshme online përmes platformës e-Albania.

Ky ligj i ri synon të sjellë më shumë rregull, përgjegjësi dhe bashkëpunim mes banorëve të ndërtesave kolektive, duke ruajtur vlerën e pronës së përbashkët dhe duke përmirësuar cilësinë e jetës urbane në qytetet shqiptare. Për herë të parë, jetesa në pallat trajtohet si një marrëdhënie e formalizuar ligjore, dhe jo më si çështje vullneti apo mirëkuptimi mes fqinjëve.

Shoferi i dehur perplas makinen me shtyllën elektrike

Një aksident pa pasoja ka ndodhur mëngjesin e kësaj të shtune, rreth orës 04.00 në rrugën “Butrinti” në Sarandë.

Mjeti me targë AB057PX me drejtues Adriatik Bino duke drejtuar mjetin e tij është përplasur me shtyllën elektrike dhe për rrjedhojë janë shkakruar vetëm dëme materiale.

Fatmirësisht nuk kishte kalimtarë në atë moment në rrugë duke qenë se është një rrugë kryesore në qytet.Menjëherë shkuan në vend shërbimet e Qarkullimit Rrugor.

Drejtuesit të mjetit iu krye dy herë testi i alkolit ku i pari doli 1.1( mg/l ndërsa testi i dytë 1.28mg/l. Kjo tregon se ka qenë nën efektin e alkollit kur është përplasur me shtyllën elektrike. Sherbimet e Qarkullimit po vijojnë me veprime të mëtejshme proçeduriale.

Trump dërgon nëndetëset bërthamore afër Rusisë

Presidenti i SHBA-së, Donald Trump, ka urdhëruar dy nëndetëse bërthamore të zhvendosen në rajone afër Rusisë, në përgjigje të kërcënimeve nga ish-presidenti i vendit, Dmitry Medvedev.

“Kam urdhëruar që dy nëndetëse bërthamore të pozicionohen në rajonet e duhura, në rast se këto deklarata budallaqe dhe nxitëse janë më shumë se kaq”, shkroi Trump në një postim në Truth Social.

Bëhet e ditur se vendosja e armëve vjen pasi Medvedev, i cili aktualisht shërben si zëvendëskryetar i Këshillit të Sigurisë së Rusisë, e paralajmëroi Trumpin të kujtonte se Moska kishte kapacitete për sulme bërthamore të epokës sovjetike, shkruan euronews.

“Bazuar në deklaratat tejet provokuese të ish-presidentit të Rusisë, Dmitry Medvedev, i cili tani është zëvendëskryetar i Këshillit të Sigurisë së Federatës Ruse, kam urdhëruar që dy nëndetëse bërthamore të pozicionohen në rajonet e duhura, në rast se këto deklarata budallaqe dhe nxitëse janë më shumë se kaq.

“Fjalët janë shumë të rëndësishme dhe shpesh mund të çojnë në pasoja të padëshiruara, shpresoj se ky nuk do të jetë një nga këto raste.  “Faleminderit për vëmendjen tuaj ndaj kësaj çështjeje”, shkroi Trump

Ipovrixia Trump

Presidenti amerikan nuk specifikoi vendet eksakte të vendosjes së nënmarinave, por theksoi se kjo është një masë paraprake për të shmangur çdo eskalim të mundshëm në rast deklaratash të forta apo kërcënuese.

Kujtojmë se të enjten Trump reagoi në platformën Truth Social pas deklaratave të Medvedevit mbi tarifat dhe një përplasje të mundshme mes SHBA-së dhe Rusisë.

Rama ndan pamje të kurorëzimit të çiftit ne THETH

Pas nisjes së aksionit për prishjen e ndërtimeve pa leje në zonën turistike të Thethit gjatë muajit korrik, kryeministri Edi Rama ka publikuar sot në rrjetet sociale një video nga një ceremoni martesore që është zhvilluar në këtë zonë malore.

“Ja dhe Thethi, kurora e artë e Shqipërisë”, shkruan Rama në përshkrimin që shoqëron pamjet, duke vënë theksin te bukuria dhe vlera natyrore e zonës.

Ndërkohë, në javët e fundit, në Theth dhe në zona të tjera të veriut janë zhvilluar ndërhyrje nga Inspektorati Kombëtar i Mbrojtjes së Territorit (IKMT) për shembjen e objekteve të ndërtuara pa leje. Aksioni është shoqëruar me reagime dhe shqetësime nga disa banorë, të cilët pretendojnë se investimet e tyre u janë ndërtuar për nevoja turistike dhe jetese.

Autoritetet thonë se ndërhyrjet janë pjesë e një plani më të gjerë për të mbrojtur bukurinë natyrore dhe për të zhvilluar turizmin në përputhje me rregullat urbanistike.

Postimi i kryeministrit vjen si një mesazh për promovimin e Thethit si destinacion i veçantë turistik, në një kohë kur zhvillimet në terren vijojnë të jenë në vëmendje publike.

SPAK çon për gjykim vëllanë e deputetit të PS, Eduard Ndreca

Armando Ndreca, vëllai i deputetit socialist Eduard Ndreca, do të përballet me drejtësinë pas përfundimit të hetimeve nga Prokuroria e Posaçme kundër Korrupsionit dhe Krimit të Organizuar (SPAK), e cila e ka çuar çështjen në Gjykatën e Posaçme.

Ndreca akuzohet për kultivim dhe trafikim të lëndëve narkotike, si dhe pjesëmarrje në një grup të strukturuar kriminal.

Akuzat ndaj tij:

“Prodhimi dhe shitja e narkotikëve”, në kuadër të një grupi të strukturuar kriminal (nenet 283/3 dhe 28/4 të Kodit Penal);

“Grup i strukturuar kriminal”, në formën e organizimit (neni 333/a/1 i Kodit Penal);

“Kryerja e veprave penale nga organizata kriminale” (neni 334/1 i Kodit Penal).

Sipas hetimeve të SPAK, Armando Ndreca ka pasur rol organizativ në një grup të përfshirë në kultivimin dhe shpërndarjen e sasisë prej 243 kg kanabis, gjatë vitit 2020 në zonën e Lezhës.

Armando Ndreca u arrestua në 2024, me dyshimin se ishte i përfshirë në kultivimin e bimëve narkotike, pas zbulimit të një stani të kthyer në shtëpi bari në një fshat të Lezhës. Por Ndreca u lirua nga gjykata pasi nuk kishte prova që vërtetonin implikimin e tij në kultivimin e drogës, ku u arrestuan 2 persona.

Por në janar 2025, ai u arrestua sërish në kuadër të operacionit “Revanshi”.

Ndreca u arrestua pasi doli në komunikimet e Sky Ecc për kultivimin e drogës. Një muaj para ndalimit të tij nga SPAK, Armando Ndreca u arrestua nga Policia e Lezhës në lidhje me një serë e cila kultivohej kanabis sativa. Ndaj tij, SPAK ngriti akuzën e prodhimit dhe shitjes së narkotikëve në kuadër të grupit kriminal.

Në dosjen ku bën pjesë Armando Ndreca me urdhër ndalimi është edhe ish-deputeti Arben Ndoka, nipi i tij Samuel Ndoka.

SPAK kërkon pushimin e çështjes për dy të pandehurit në vrasjen e Shkëlzen Kastratit në Fier: Nuk provohet fajësia

Njoftimi i SPAK:

Kërkesën për pushimin e çështjes në lidhje me procedimin penal Nr.59/2 të vitit 2022, në ngarkim të të pandehurve:

Silvio (Roland) Cara, akuzuar për kryerjen e veprave penale të:
“Vrasje me paramendim”, në dëm të shtetasit Shkëlzen Kastrati, ngjarje e ndodhur në datën 01.02.2021 në qytetin e Fierit, kryer në formë të veçantë të bashkëpunimit, atë të grupit të strukturuar kriminal, kryer në formë të veçantë të bashkëpunimit, atë të grupit të strukturuar kriminal;
“Mbajtja pa leje dhe prodhimi i armëve, armëve shpërthyese dhe i municionit”;
“Grup i strukturuar kriminal”, në formën e pjesëmarrjes, parashikuar nga neni 333/a, paragrafi 2 i Kodit Penal;
“Kryerja e veprave penale nga organizata kriminale dhe grupi i strukturuar kriminal”, të parashikuar nga neni 334/1 i Kodit Penal.
“Falsifikimi i dokumenteve” të parashikuar nga nenet 186/1 të Kodit Penal;
Elmir Tufa, akuzuar për kryerjen e veprave penale të:
“Vrasje me paramendim”, në dëm të shtetasit Shkëlzen Kastrati, ngjarje e ndodhur në datën 01.02.2021 në qytetin e Fierit, kryer në formë të veçantë të bashkëpunimit, atë të grupit të strukturuar kriminal, kryer në formë të veçantë të bashkëpunimit, atë të grupit të strukturuar kriminal;
“Mbajtja pa leje dhe prodhimi i armëve, armëve shpërthyese dhe i municionit”;
“Grup i strukturuar kriminal”, në formën e pjesëmarrjes, të parashikuar nga neni 333/a, paragrafi 2 i Kodit Penal;
“Kryerja e veprave penale nga organizata kriminale dhe grupi i strukturuar kriminal”, të parashikuar nga neni 334/1 i Kodit Penal.
Nga tërësia e veprimeve hetimore të kryera deri më tani, provohet se në lidhje me të pandehurit Silvio Cara dhe Elmir Tufa, hetimet në Prokurorinë e Posaçme në ngarkim të tyre kanë vazhduar pas shpalljes së moskompetencës lëndore më dt.30.05.2024 të procedimit penal nr. 103 dt.01.02.2021 të Prokurorisë pranë Gjykatës së Shkallës së Parë të Juridiksionit të Përgjithshëm Fier.

Nga aktet hetimore provohet se më datë 01.02.2021, rreth orës 10:00-11:00, në lagjen “Sheq i Madh”, Fier, te vendi i quajtur “rrotontua e Sheqit” është vrarë me armë zjarri shtetasi Shkëlzen Brahim Kastrati, i cili ka qenë duke udhëtuar me mjetin tip Benz me targa AA 871 AN.

Nga hetimet e kryera nga Prokuroria e Posaçme, referuar bisedave të realizuara nga përdoruesit e SkyECC të zhvilluara mes anëtarëve të një grupi të strukturuar kriminal, ka dalë në pah organizimi i këtyre shtetasve me qëllim realizimin e vrasjes së shtetasit Kelmend Kastrati, por kanë lajthitur në objekt dhe kanë vrarë shtetasin Shkëlzen Kastrati.

Gjatë hetimit janë evidentuar personat e interesuar dhe porositës, si dhe personat që janë angazhuar për lokalizimin e këtij shtetasi dhe ekzekutorët, ku njëri nga ekzekutorët është dënuar për këtë ngjarje me vendim penal të formës prerë nr. 62-2023-1137 (160), datë 04.04.2023, të Gjykatës së Rrethit Gjyqësor Fier.

Nga hetimi nuk u arrit të provohej që të pandehurit Silvio (Roland) Cara dhe Elmir Tufa të ishin bashkëpunëtorë të këtij grupi të strukturuar kriminal dhe të kishin marrë pjesë në realizimin e veprave penale.

Në mbështetje të neneve 328 pika 1 gërma “dh” dhe 329/a të të Kodit të Procedurës Penale, nga Prokuroria e Posaçme është kërkuar para gjyqtarit të seancës paraprake, pushimi i çështjes penale në ngarkim të të pandehurve Silvio (Roland) Cara dhe Elmir Tufa, në lidhje me procedimin penal nr.59/2 të vitit 2022, pasi nuk provohej që veprat penale për të cilat ata akuzohen, të jenë kryer nga këta të pandehur.

Për anëtarët e tjerë të grupit të strukturuar kriminal të identifikuar apo paidentifikuar nga ana jonë, të përfshirë në vrasjen me armë zjarri më datë 01.02.2021 të shtetasit Shkëlzen Kastrati, po vazhdojnë hetimet paraprake në lidhje me procedimin penal nr.59 të vitit 2022, nga i cili është ndarë dhe procedimi penal nr.59/2, i vitit 2022.

VLORË – Arrestohet një nga autorët e dyshuar të vr*sjes së Renato Hoxhajt, finalizohet operacioni “Në gjurmë”

Policia e Vlorës ka arrestuar një nga personat e dyshuar si bashkëautor në vrasjen e 58-vjeçarit Renato Hoxhaj, ngjarje e ndodhur më 27 prill 2025 në lagjen “Hajro Çakërri”, pranë Poliklinikës së qytetit.

Operacioni policor, i koduar “Në gjurmë”, u zhvillua nga Seksioni për Hetimin e Krimeve të Rënda në bashkëpunim me Forcën e Posaçme Operacionale dhe nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Vlorë.

Në kuadër të këtij operacioni u vu në pranga shtetasi K. B., alias A. G., 42 vjeç, banues në Vlorë, i njohur si pjesëtar i një grupi kriminal dhe me precedentë penalë të mëparshëm për armëmbajtje pa leje.

Gjykata e Vlorës ka caktuar ndaj tij masën e sigurisë “arrest në burg”, për akuzën “Vrasje me paramendim, kryer në bashkëpunim”.

Ngjarja e rëndë ndodhi në orët e para të mëngjesit të 27 prillit, ku viktima, Renato Hoxhaj, 58 vjeç, u qëllua me armë zjarri pranë një qendre shëndetësore, duke humbur jetën në vendngjarje.

Policia bën me dije se hetimet vijojnë për identifikimin dhe kapjen e bashkëpunëtorëve të tjerë të dyshuar, ndërsa materialet procedurale janë referuar në Prokurorinë pranë Gjykatës së Shkallës së Parë Vlorë.

Rama paralajmëron për zaptimin e hapësirave publike: Do ketë ndëshkime 

Kryeministri Edi Rama ka dhënë një paralajmërim të prerë lidhur me zaptimin e hapësirave publike, duke theksuar se “lojërat e zakonshme të maces me miun” nuk do të tolerohen më.Në një lidhje direkte në rrjetet sociale, Rama deklaroi se do të ndërmerren masa ndëshkuese të forta për të ndaluar fenomenin e ndërtimit pa kriter në zona publike dhe urbane, duke u bërë thirrje qytetarëve që të raportojnë çdo shkelje.

“Është e rëndësishme të kuptohemi që ideja nuk është të ndëshkojmë. Do hiqen të tëra. Do hiqen hap pas hapi dhe është shumë gjë e mirë që të gjithë ju të merrni pjesë në këtë proces, duke çuar në mënyrë të vazhdueshme denoncime. Do hapet dhe një portal i posaçëm. Siç u nda mendja që nuk ndërtohet te Lana etj., do të ndahet mendja që nuk mund të ndërtohet vend e pa vend. E mira është që kemi vendosur plazhe publike. Jemi më mirë se vjet, por jo aq mirë sa duhet të ishim. Plazh publik, nuk mund të jetë vetëm një zonë bosh. Sigurisht që do ketë vende për ata që kanë nostalgji për peshqirin…

Do bëjmë ndëshkime të atilla që mos t’i shkojë mendja njeriu të fillojë lojën nga e para. Pastrojmë te “21 Dhjetori”, pastrojmë te “Komuna e Parisit”, pastrojmë te “5 Maji” etj. Do të duhet të nisim me projekte të bukura urbanistike. Nuk mund të ndërtojnë pallate brenda pallatit, por mund të ndërtojnë parkime me dy-tre kate. Nga ana tjetër, kemi nisur punën me një nga ekspertët më të famshëm në botë, i cili ka filluar punë në shumë qytete dhe është bërë i famshëm nga ‘Super-blloqet e Barcelonës’”, tha Rama.

1...140141142...369Faqja 141 nga 369