Makina perplas nje femije 4 vjecar ne Fier, dergohet ne spital

Fier/Informacion paraprak

Rreth orës 15:30, në fshatin Marinëz, automjeti me drejtues shtetasin I. K., 58 vjeç, banues në Roskovec, ka përplasur një fëmijë 4 vjeç, i cili ndodhet në spital, në kujdesin e mjekëve.

Eshtë shoqëruar në Komisariat drejtuesi i automjetit për veprime të mëtejshme procedurale.

Grupi hetimor po punon për sqarimin e plotë të rrethanave dhe shkakut të aksidentit.

Çfarë u bë më e shtrenjtë për familjet shqiptare në Gusht?

Inflacioni i muajit Gusht të këtij viti paraqitet më i ulët se në muajin Korrik, i cili preku normën më të lartë regjistrua përgjatë vitit 2025. Muajt e verës, të ndikuar sidomos nga turizmi dhe kërkesa, patën normë të rritjes së çmimeve më të lartë.

Indeksi i Çmimeve të Konsumit për muajin Gusht 2025 arriti në 119.5, duke regjistruar një rritje prej 2.3%, krahasuar me të njëjtën periudhë të vitit të kaluar.

Rritja vjetore e çmimeve u nxitur kryesisht nga ushqimet dhe pijet joalkoolike, që kontribuan më shumë se gjysma e ndryshimit total. Brenda këtij grupi, vajrat dhe yndyrnat u rritën me 6.5%, qumështi, djathi dhe vezët me 3.6% dhe mishi me 3.2%. Grupi i qirave, ujit, lëndëve djegëse dhe energjisë ndikoi gjithashtu ndjeshëm, me një rritje prej 3.1% vjetore, për shkak të çmimeve globale të energjisë dhe kostove më të larta operative.

Sektori i turizmit dhe shërbimeve të lidhura me të pati ndikim të veçantë në rritjen mujore të çmimeve. Çmimet e hoteleve, kafeneve dhe restoranteve u rritën me 2.2% krahasuar me Gushtin e vitit të kaluar, për shkak të fluksit të turistëve gjatë sezonit veror. Argëtimi dhe kultura u rritën me 6.3%, duke reflektuar jo vetëm shpenzimet e turistëve, por edhe rritjen e kostove për aktivitetet kulturore dhe rekreative brenda vendit.

Çmimet e mobiljeve dhe pajisjeve shtëpiake, pijet alkoolike dhe duhani, si dhe shërbimet e transportit dhe komunikimit kontribuuan në mënyrë më të moderuar në rritjen e indeksit. Ndryshimet mujore treguan rritje më të madhe te energjia, argëtimi dhe shërbimet turistike, duke reflektuar ndikimin e sezonit veror dhe presionin nga kërkesa e lartë turistike.

Foto e rrallë e Epstein ndez polemika në SHBA, Trump mohon akuzat

Një foto e rrallë e publikuar nga një komitet i Kongresit amerikan ka ngjallur reagime të forta në SHBA, pas dyshimeve se Jeffrey Epstein i ka “shitur” një grua presidentit Donald Trump për 22,500 dollarë.

Fotografia është pjesë e albumit të përvjetorit të 50-të të financierit tashmë të ndjerë, i cili ishte dënuar për trafikim seksual të të miturve.

Në imazh shfaqet Epstein bashkë me Joel Pashcow, një anëtar i hershëm i resortit Mar-a-Lago në pronësi të Trump, si dhe një grua me fytyrë të redaktuar. Ata mbajnë në dorë një “çek risie” ku figuron nënshkrimi “DJ Trump”.

Në përshkrimin e dorëshkruar poshtë fotos thuhet:

“Jeffrey tregon talente të hershme me para + gra! Ia shet Donald Trump-it ‘plotësisht të amortizuar’ për 22,500 dollarë.

Edhe pse unë e menaxhova marrëveshjen, nuk mora asnjë nga paratë për vajzën!”



Bomb*rdimet e Izraelit në Katar, Emiratet e Bashkuara Arabe dënojnë aktin: Sulm i pabesë

Fotoja u publikua të hënën nga Komiteti Mbikëqyrës i Dhomës së Përfaqësuesve, në kuadër të një serie dokumentesh që lidhen me dosjet e Epstein.

Sipas Wall Street Journal, gruaja në fjalë dyshohet të ketë qenë një nga të njohurat e përbashkëta të Trump dhe Epstein gjatë viteve 1990.

Sipas mediave amerikane, presidenti Trump u kontaktua nga gazetarët të martën në mëngjes dhe refuzoi të komentonte mbi foton, duke e cilësuar situatën si “një çështje e vdekur”.

Një zëdhënës i Shtëpisë së Bardhë deklaroi se “çeku” dhe nënshkrimi nuk janë të vërteta, ndërsa ish-presidenti e ka cilësuar albumin e ditëlindjes një “përpjekje për shpifje politike”.

Gjithsesi, libri i ditëlindjes dyshohet të jetë përpiluar nga Ghislaine Maxwell, bashkëpunëtorja e ngushtë e Epstein e dënuar në vitin 2022 me 20 vjet burg për trafikim seksual.

Gjatë fushatës presidenciale të vitit 2024, Trump u zotua se do të publikonte një “listë të plotë të klientëve të Epstein”.

Por pasi mori detyrën në janar 2025, Departamenti i Drejtësisë deklaroi se një listë e tillë “nuk ekziston”.

Reagimet kanë qenë të forta nga të dyja partitë në Kongres, me demokratët që kërkojnë hetime të reja dhe republikanët që shfaqen të përçarë në qëndrime.

Trump dhe Epstein njiheshin prej viteve ’80 dhe kishin marrëdhënie shoqërore për dekada, përpara se të grindeshin në vitin 2004.

Në deklarata për shtyp, Trump ka thënë se marrëdhënia e tyre përfundoi pasi Epstein “vodhi punonjëse nga spa-ja e Mar-a-Lago”.

Një prej tyre ishte Virginia Giuffre, e cila më vonë akuzoi Epstein për abuzim seksual.

Në vitet 2023 dhe 2024, Trump u shpall përgjegjës civil për abuzim seksual ndaj shkrimtares E. Jean Carroll, ndërsa një gjykatë e apelit vendosi që ai nuk mund të përdorë imunitetin presidencial për të shmangur pagesën e 83.3 milionë dollarëve si dëmshpërblim ndaj saj.

Publikimi i fotografisë dhe dokumenteve të tjera pritet të nxisë hetime të reja nga Kongresi, ndërkohë që presioni publik për transparencë rritet.

Analistët politikë në SHBA thonë se kjo çështje mund të ndikojë ndjeshëm në përgatitjet për zgjedhjet e vitit 2028 dhe imazhin e presidentit aktual në arenën ndërkombëtare.

Balluku: Diplomacia ekonomike, çelës për vizionin “Shqipëria 2030”

Zëvendëskryeministrja dhe ministrja e Infrastrukturës dhe Energjisë, Belinda Balluku, mori pjesë në aktivitetin DIPLO2025, me praninë e ambasadorëve shqiptarë në botë.

Në fjalën e saj, Balluku theksoi rëndësinë e diplomacisë ekonomike si instrument për realizimin e vizionit “Shqipëria 2030”, duke vënë në dukje projektet strategjike në infrastrukturë dhe energjitikë.

Sipas saj, këto projekte nuk kanë vetëm vlerë kombëtare, por edhe rajonale, duke e pozicionuar Shqipërinë si një pikë kyçe për Ballkanin Perëndimor.

RAMA-Shtëpitë e shitura pa hipotekë, konfiskohen!

Qeveria prezantoi reformën për mbrojtjen e territorit ku paralajmëruan një sërë masash për ndërtuesit që devijojnë projektet apo edhe zjarrvënësit. Gjatë prezantimit, Kryeministri Edi Rama u shpreh se sipërmarrësit nuk do të mund të shesin banesa pa u pajisur me certifikatën e përdorimit.Qeveria nuk do të lejojë shitjen e banesave pa u marrë më parë ajo që e quajti certifikata e përdorimit.

Gjatë prezantimit të reformës për mbrojtjen e territorit, Kryeministri Edi Rama paralajmëroi se asnjë objekt në ndërtim nuk do të mund gjithashtu të lidhë as ujin dhe dritat pa u pajisur me dokumentet e nevojshme.Kreu i qeverisë prezantoi të ashtuquajturën listë e zezë, ku sipërmarrës dhe arkitektë që devijojnë nga projektet nuk do të marrin më leje ndërtimi.Rama Iu rikthye dhe një herë aksionit për lirimin e hapësirave publike, ku paralajmëroi se do të zgjasë për një kohë të gjatë.

Ndërkaq, kreu i qeverisë kërkoi që në Kodin e Ri Penal të ashpërsohen masat ndaj zjarrvënësve të qëllimshëm, duke  kërkuar serish që ky krim të vlerësohet njësoj si një vrasje.

Belinda Balluku prezanton ekipin e ri të administratorëve në Bashkinë e Lushnjes

Zëvendëskryeministrja dhe njeherazi Ministre Infrastruktures dhe Energjitikes Belinda Balluku, së bashku me deputetët socialistë të Lushnjes, Petrit Malaj dhe Kryebashkiaken Eriselda Sefa, prezantoi ekipin e ri të administratorëve të Bashkisë.

Gjatë fjalës së saj, Balluku theksoi rëndësinë e angazhimit të administratorëve në terren, me fokus tek shërbimi ndaj qytetarëve dhe adresimi i problematikave të tyre.

Ajo nënvizoi se çdo cep i territorit të bashkisë do të marrë vëmendjen e duhur, me qëllim ofrimin e një shërbimi sa më cilësor dhe më pranë komunitetit.

SPAK zbardh vizitën e Dumanit në SHBA

Në cilësinë e Drejtuesit të Strukturës së Posaçme kundër Korrupsionit dhe Krimit të Organizuar, Altin Dumani zhvilloi takime të nivelit të lartë gjatë vizitës zyrtare në Washington D.C, në Shtetet e Bashkuara, më 2 dhe 3 shtator.

Gjatë takimeve me zyrtarë të Departamentit të Shtetit, Departamentit të Drejtësisë dhe Byrosë Federale të Hetimit (FBI) u diskutua mbi rëndësinë e bashkëpunimit të ngushtë mes SPAK dhe agjencive ligjzbatuese amerikane për të goditur organizatat ndërkombëtare kriminale, për të ndaluar trafikun e paligjshëm të lëndëve narkotike dhe pastrimin e parave.

Z.Dumani shprehu mirënjohjen e tij për mbështetjen e vazhdueshme të Shteteve të Bashkuara dhe theksoi rëndësinë e këtij partneriteti strategjik.

Drejtuesi i SPAK mori pjesë në Konferencën e DEA-s në SHBA, më 26-28 Gusht

Me ftesë të Agjencisë Amerikane Kundër Narkotikëve (DEA), Drejtuesi i SPAK, Altin Dumani mori pjesë në Konferencën Ndërkombëtare për Zbatimin e Ligjit për Narkotikët, e cila u zhvillua në Nashville të Tennessee më 26-28 Gusht.

Konferenca e titulluar, “Uniteti global për një të ardhme më të sigurt: Forcimi i aleancave kundër krimit transnacional” , u përshëndet nga Prokurorja e Përgjithshme e Shteteve të  Bashkuara, Pamela J. Bondi.

Gjatë konferencës, Dumani zhvilloi një takim me administratorin e DEA-s, Terrance Cole, ku u vlerësua bashkëpunimi ekzistues në luftën kundër trafikut ndërkombëtar të narkotikëve dhe rëndësia e vazhdimit dhe zgjerimit të tij në të ardhmen.

Drejtuesi i Prokurorisë së Posaçme pati takime edhe me drejtues të agjencive të rëndësishme të zbatimit të ligjit të vendeve pjesëmarrëse në konference, me të cilët diskutoi mundësinë e krijimit të urave të komunikimit si edhe forcimin e marrëdhënieve ekzistuese, për të luftuar trafikun ndërkombëtar të narkotikëve.

Caktohet data për seancën e parë të legjislaturës së re, Presidenti Begaj firmos dekretin

Caktohet data për mbledhjen e Parlamentit, Presidenti Begaj firmos dekretin.

Whatsapp Image 2025 09 08 At 14.44.37
1...139140141...308Faqja 140 nga 308