Balluku :Tiranë – Heraklion, linja më e re ajrore nga Aeroporti “Nënë Tereza”

Zëvendëskryeministrja dhe Ministrja e Infrastrukturës dhe Energjisë, Belinda Balluku, ka njoftuar hapjen e linjës së re ajrore Tiranë–Heraklion, që i shtohet familjes së destinacioneve të aeroportit ndërkombëtar “Nënë Tereza”. ✈️

Kjo linjë e re krijon një urë të re lidhjeje mes Shqipërisë dhe Kretës, duke i shërbyer mijëra shqiptarëve që jetojnë e punojnë në ishullin grek, si edhe duke sjellë më shumë turistë drejt vendit tonë.

Me këtë zhvillim, Aeroporti i Tiranës (TIA) shënon një tjetër hap përpara në zgjerimin e rrjetit të tij të fluturimeve, duke arritur në 118 destinacione aktive dhe duke synuar një rekord historik prej 12 milionë pasagjerësh gjatë këtij viti.

45-vjeçarit i ngec bluza në kangjellat rrethues të banesës dhe mbytet aksidentalisht

Një ngjarje tragjike është shënuar në orët e para të mëngjesit në fshatin Plasë të bashkisë Maliq, ku një 45-vjeçar është gjetur i pajetë në rrethana që po hetohen.

Sipas të dhënave paraprake, trupi i viktimës është gjetur i varur në kangjellat e murit rrethues të një banese. Dyshohet se ai ka tentuar të kalojë në oborrin e shtëpisë, që nuk ishte në pronësi të tij, dhe gjatë përpjekjes bluza i është kapur në kangjellat metalike, duke shkaktuar mbytje aksidentale.

Burime nga vendngjarja bëjnë me dije se 45-vjeçari mund të ketë qenë nën efektin e alkoolit në momentin e ngjarjes, çka dyshohet të ketë ndikuar në humbjen e ekuilibrit dhe rrjedhimisht në vdekjen e tij.

Në vendngjarje kanë mbërritur shërbimet e Policisë dhe grupi hetimor, të cilët kanë kryer kqyrjen paraprake dhe po punojnë për të përcaktuar rrethanat e sakta të këtij rasti.

Vlorë/ Përfshihet nga flakët një mobileri, dyshohet zjarrvënie e qëllimshme

Një zjarr ka përfshirë në orët e para të mëngjesit katin e parë të një mobilierie në qytetin e Vlorës.

Ngjarja ka ndodhur rreth orës 03:00, ndërsa flakët janë përhapur me shpejtësi në ambientet e brendshme të biznesit, duke shkaktuar dëme të konsiderueshme materiale.

Në vendngjarje kanë mbërritur menjëherë forcat zjarrfikëse, të cilat bënë të mundur izolimin e zjarrit dhe shmangien e përhapjes së tij në katet e tjera të objektit apo në bizneset përreth.

Policia ndodhet në vendin e ngjarjes dhe po punon për zbardhjen e rrethanave dhe shkaqeve të zjarrit.

Blerja e trenave elektrikë për Tiranë-Durrës – Akordohen 350 mln lekë në buxhetin 2026

Blerja e trenave për operimin e hekurudhës Tiranës – Durrës – Rinas duket se do të mbulohet me fonde buxhetore, teksa në projektbuxhetin për vitin 2026 janë akorduar 350 mln lekë për këtë qëllim. Referuar investimeve të detajuara, kosto totale e projektit përllogaritet në 1 mld lekë, teksa pjesa tjetër e financimit është parashikuar në vitet 2027 dhe 2028, me respektivisht 350 dhe 300 mln lekë.    

Sa i takon këtij projekti hekurudhor në buxhetin e vitit 2026, janë akorduar edhe 400 mln lekë për punimet që do të kthejnë stacionin e trenit në Tiranë. Projekti kushton në total 1.8 mld lekë, ndërsa segmenti ka një gjatësi prej 4 km dhe nis nga terminali i transportit publik pranë kthesës së Kamzës dhe përfundon aty ku ka qenë stacioni trenit në kryeqytet.

Ndërtimi i linjës hekurudhore Tiranë – Durrës – Rinas përfundon vitin e ardhshëm, ndërkohë që sipas autoriteteve elektrifikimi dhe mbërritja e trenave për nisjen e operimeve synohet të përmbyllet në 3 – mujorin e parë 2027.

Aktualisht, për përfundimin e kësaj linje janë duke u zbatuar 2 kontrata, një për ndërtimin e linjës dhe një për stacionet. Për kontratën e parë, që përfshin punimet civile dhe sinjalizim – telekomunikacionin, sipas Hekurudha Shqiptare janë realizuar 90% e punimeve dhe kanë mbetur për t’u finalizuar instalimet e brendshme në lidhje me sistemet e sinjalizim – telekomunikacionit, që lidhen ngushtë me ecurinë e punimeve të godinave të stacioneve. Përsa i përket këtyre të fundit, aktualisht janë kryer rreth 25% e punimeve, ndërsa finalizimi i tyre pritet në maj të vitit 2026. Paralelisht, për këtë vepër hekurudhore është duke u zhvilluar tenderi me 2 faza për elektrifikimin, një procedurë që drejtohet nga Banka Evropiane për Rindërtim dhe Zhvillim.

Ish-zv.kryeministri Ahmetaj ka paditur qeverinë në Strasburg

Ish-ministri i Financave dhe ish-zv.kryeministri Arben Ahmetaj ka paditur qeverinë shqiptare në Gjykatën Evropiane të të Drejtave të Njeriut në Strasburg, duke e akuzuar për shkelje të imunitetit parlamentar dhe të së drejtës për privatësi gjatë hetimeve të zhvilluara ndaj tij nga SPAK.

Sipas dokumentit zyrtar, padia është bërë bashkë me partneren e tij Erjola Hoxha dhe është depozituar më 8 maj 2024. Çështja i është komunikuar zyrtarisht qeverisë shqiptare më 6 tetor 2025.

Akuza lidhet me kontrollin e ushtruar më 9 mars 2023 në banesën e Ahmetajt dhe Hoxhës, si dhe me sekuestrimin e telefonit të Hoxhës, mbi bazën e një urdhri të GJKKO.

Ahmetaj pretendon se kontrolli ishte i paligjshëm, pasi në atë kohë ai ishte deputet i Kuvendit të Shqipërisë, dhe sipas nenit 73, pika 2 të Kushtetutës, banesa e një deputeti nuk mund të kontrollohet pa miratim paraprak nga Kuvendi.

Në ankesën e tij, ish-ministri dhe partnerja e tij deklarojnë se nuk kishin asnjë mjet efektiv ligjor për të kundërshtuar urdhrin e kontrollit dhe sekuestrimit, duke pretenduar shkelje të nenit 8 (e drejta për respektimin e jetës private dhe banesës) dhe nenit 13 (e drejta për një mjet juridik efektiv) të Konventës Evropiane për të Drejtat e Njeriut.

Gjykata e Strasburgut i ka kërkuar qeverisë shqiptare që të sqarojë:

1. A ka pasur shkelje të së drejtës së kërkuesit të parë për respektimin e banesës së tij, të garantuar nga neni 8 i Konventës? Në veçanti, a është kryer kontrolli i banesës në përputhje me nenin 73 (2) të Kushtetutës mbi imunitetin e AP-ve? A ka shteruar kërkuesi i parë ndonjë mjet efektiv juridik në këtë drejtim?

2. A ofronin legjislacioni dhe praktika vendase mjete procedurale të mjaftueshme për të kundërshtuar ligjshmërinë e urdhrit të kontrollit, mënyrën e kryerjes së kontrolleve të banesës së tyre dhe të personit dhe telefonit celular të kërkueses së dytë, ose sekuestrimin e sendeve në banesën e tyre, siç kërkohet nga nenet 8 dhe 13 të Konventës? Në veçanti, a ishte vendimi gjyqësor i 8 marsit 2023 i ankueshëm?

Fier – Procedime penale për vepra të ndryshme penale

Drejtoria Vendore e Policisë Fier

Specialistët për Hetimin e Narkotikëve referuan materialet në Prokurori, ku nisi procedimi në gjendje të lirë për shtetasit K. A., 21 vjeç, banues në Lushnjë, E. Xh., 41 vjeç, banues në Berat, G. T., 28 vjeç, banues në Kuçovë, si dhe për një shtetas 15 vjeç, pasi gjatë kontrolleve fizike, iu gjetën doza Kokaine dhe Cannabisi, të cilat u sekuestruan me cilësinë e provës materiale.

Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi në gjendje të lirë për shtetasit:
-R. Sh., 55 vjeç dhe I. Sh., 32 vjeç, banues në Fier, pasi dyshohet se për motive të dobëta, kanë goditur me grushte, një shtetas 46 vjeç;
-N. K., 50 vjeç, për veprën penale “Ndërtimi i paligjshëm”.

Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi në gjendje të lirë për shtetasit N. M., 50 vjeç dhe R. V., 36 vjeç, të dy banues në Kolonjë, pasi dyshohet se për motive të dobëta, kanë goditur me grushte, një shtetas 40 vjeç.

Gjatë 48 orëve të fundit, kallëzuan shtetasit:
-P. D., 72 vjeç, se në magazinën e tij, në fshatin Varibob, i janë vjedhur disa vegla pune. Punohet për identifikimin dhe kapjen e autorit/ëve të rastit;
-R. K., se më datë 08.11.2025, ishte larguar nga banesa, bashkëshortja e tij, shtetasja N. K.. Punohet për gjetjen e saj.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Balluku del në konferencë me kryeministrin Edi Rama

Zëvendës kryeministrja Belinda Balluku po mban një konferencë për shtyp me kreun e qeverisë Edi Rama.

Rama dhe Balluku po bëjnë prezantimin e “OSHEE Charge”, një shërbim i ri i karikimit të mjeteve elektrike, për të shkuar drejt energjisë së pastër dhe transportit të qëndrueshëm.

https://www.facebook.com/share/v/1NuoRWFj16/?mibextid=wwXIfr

PS fiton në zgjedhjet e pjesshme në 5 bashki, reagon Rama

Screenshot

Kryeministri Edi Rama ka reaguar mbi zgjedhjet e pjesshme lokale të mbajtura dje në 5 bashki të vendit.

🌹🌹🌹🌹🌹5 bashki
🌹🌹🌹🌹🌹5 fitore
🌹🌹🌹🌹🌹dhe 5 arsye më shumë
për t’i falenderuar qytetarët për besimin e tyre, pavarësisht dobësisë ekstreme të opozitës, motit me shi të ditës se djeshme, apo vetë natyrës së zgjedhjeve të pjesshme, të cilat nuk se e stimulojnë pjesëmarrjen.
Urime kryebashkiakëve të rinj, nga Bruna, gruaja e parë që do të drejtojë bashkinë e Vlorës;
Ervini i dytë i Beratit, i cili me mbi 83% të votave dhe 13 049 vota nga 15 454 të PS në 11 maj për bashkinë Berat, ka arritur një rezultat mbresëlënës;
Florenci në Cërrik, Gramozi në Tepelenë dhe Altini në Mat, që të tre me rezultate kuptimplota, të cilat janë një themel i fortë i punës që do të pasojë në shërbim të atyre komuniteteve.

1...129130131...329Faqja 130 nga 329