Në mesditë sekretari i Qendrës së Votimit 3209/1 në Topojë të Fierit, ka marrë edhe vulën me vete duke bllokuar procesin e votimit. Pas disa momentesh tensioni, në një intervistë për T/CH ,sekretari tregon se u udhëzua nga strukturat e PD që përfaqëson në komision për të vepruar në atë formë.

“Kishte votime familjare, patronazhistë ndaj u largova, mora udhëzimin e strukturave”-tha ai.

Një situatë e paprecedentë është konstatuar në Fier. Silva Hasaj, kandidate e PD në Qarkun Fier është futur në qendrën e votimi, ka takuar njerëz dhe po u bën presion komisionerëve, ndërkohë që është votuese në Tiranë. ajo duket që takohet me disa qytetarë jashtë ambienteve të QV.

Në Karbunarë raportojne se ka problematikë, kandidati i PD, Gent Çela ka bllokuar me makinë QV.Aty ku është bllokuar rruga nga kandidati i PD Gent Çela, është nisur edhe policia.

Policia është njoftuar se ka persona me lista jashtë qendrës së votimit në Karbunarë.Siç e parashikon ligji është kërkuar marrja e një vendimi nga komisioni që policia të ndërhyjë.

Kjo nuk është bërë dhe policia është larguar.

‘Shkelja e fshehtësisë së votimit’, shtetasja A.H. arrestohet pasi fotografoi votën në qendrën e votimit

Një shtetase u arrestua pas hetimeve të kryera nën drejtimin eProkurorisë pranë Gjykatës së Shkallës së Parë të Juridiksionit të Përgjithshëm Tiranë, nën akuzë për veprën penale ‘Shkelja e fshehtësisë së votimit’, parashikuar nga neni 327/1 i Kodit Penal.

Kryetari i Komisionit Zonal të Qendrës së Votimit në qendër votimi në Tiranë pasi konstatoi shtetasen A.H. dukefotografuar fletën e votimit denoncoi rastin.

Pas marrjes së njoftimit, menjëherë në vendngjarje është dërguar grupi hetimor dhe u dentifikua shtetasja si dhe administruan aktet përkatëse.

Në përfundim të veprimeve paraprake të kryera, u arrestuashtetasja A.H., e dyshuar si autore e veprës penale të “Shkelja e fshehtësisë së votimit” parashikuar nga neni 327/1 i K.Penal.

Kryetari i Komisionit Qendror të Zgjedhjeve, Ilirjan Celibashi, në konferencën e parë për mediat gjatë ditës së zgjedhjeve, informoi mbi ecurinë e procesit të votimit në rang vendi, duke theksuar se situata paraqitet përgjithësisht normale, pavarësisht disa problematikave të izoluara.

Sipas Celibashit, në katër qendra votimi në Dropull, mungesa e operatorëve ka detyruar komisionerët të kalojnë përkohësisht në identifikimin manual të votuesve. “Janë disa problematika që lidhen me organizimin, siç është mungesa e operatorëve në Dropull. Megjithatë, votimi po vijon normalisht”, deklaroi ai.

Kreu i KQZ-së ngriti gjithashtu shqetësimin për praninë e kandidatëve për deputetë pranë qendrave të votimit, gjë që është në kundërshtim me Kodin Zgjedhor. “Kemi pasur raportime nga të dyja krahët politikë për prani të kandidatëve në qendrat e votimit. Disa kanë shfaqur dëshirë të vëzhgojnë procesin, pa e ditur ndalimin ligjor. Kandidatët nuk mund të jenë vëzhgues gjatë votimit – kjo e drejtë u takon vetëm gjatë numërimit,” sqaroi Celibashi.

Ai shtoi se ka patur një rast të raportuar për intimidim ndaj votuesve, që po verifikohet, ndërsa bëri apel për respektimin e rregullave ligjore nga të gjitha palët për të garantuar mbarëvajtjen e procesit.

Ervin Salianji voton në burgun e Fierit.

Ervin Salianji: Kufizimi që më është bërë jo vetëm fizik duke më marrë peng apo burgosur, por duke më marrë edhe mandatin, dhe duke më privuar nga pasioni i im i madh është një mungesë e madhe.

Unë nuk i nënshtrohem vullnetit të qeverisë brenda apo edhe jashtë burgut. E rëndësishme të fokusohemi tek mesazhi dhe kryesori është vota masive. Ky është ilaçi për të shëruar Shqipërinë.

Mbi 90 përqind e të burgosurve votojnë pr qeverinë dhe kjo tregon edhe për nivelin e demokracisë në vendin tonë