Drejtoria Vendore e Policisë Fier

-Si rezultat i një hetimi njëmujor, në drejtimin e SPAK, dokumentohet një rast i blerjes së votave.

Vihet në pranga autori.

Specialistët për Hetimin e Krimeve Ekonomiko-Financiare ekzekutuan urdhrin e Prokurorisë së Posaçme Kundër Korrupsionit dhe Krimit të Organizuar, për ndalimin e shtetasit P. B., 63 vjeç, banues në fshatin Portëz, për veprën penale “Korrupsioni aktiv në zgjedhje”.

Nga hetimet dyshohet se gjatë një muaji, ai iu ka dhënë shuma parash, shtetasve të ndryshëm, me qëllim blerjen e votave në favor të kandidates së një subjekti politik.

Materialet procedurale iu referuan SPAK, për veprime të mëtejshme.

-Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi penal për shtetasin S. P., 27 vjeç, banues në fshatin Bubullimë, pasi ka kallëzuar shtetasi J. Ç., 28 vjeç, se shtetasi 27-vjeçari, nënkryetar i një subjekti politik në Lushnjë, e ka kanosur në platformën “Messenger”, për dhënien e votës. Materialet procedurale iu referuan SPAK, për veprime të mëtejshme, për veprën penale “Kanosja apo dhunimi ndaj pjesmarrjes në zgjedhje”.

Drejtuesja e PS e qarkut të Fierit, Belinda Balluku në një lidhje të drejtpërdrejtë per T/CH, komentoi ecurinë e procesit të numërimit të votave dhe projeksionet e Partisë Socialiste.Balluku qartësoi se procesi i numërimit në Fier po shkon mirë, ndërsa theksoi mandate I 10-të është I projektuar për t’u marrë, ndërsa pritet dhe ai I 11-të.

“Procesi po shkon mirë. Janë hapur 4 kuti në të cilat në të gjitha PS është fituese. Ka një trend stabël dhe besoj se kështu do shkojë po kështu. Ka disa momente tensioni pasi është një fletë e re. S’dua të them që ka keqdashje, pro do them se janë pakëz të paqartë. Ka raste kur ka problematika që është votuar një parti, por kandidati është në subjekt tjetër. Shohim që ka fletë të pavlefshëm në fakt.Jam e detyruar të lëviz nga një KZAZ në tjetër, pushim nuk bëhet fjalë”.

Ne jemi të sigurt nga projeksionet që kemi. E kemi deputetin e 10-të. Nga an tjetër duke pasur parasysh diasporës kemi shumë pritshmëri për deputetin e 11-të.

Kemi ndërmarrë hapa, kemi parë kandidatët e PD të shfaqen në qendrat e votimit, të futen Brenda, të bëjnë presion, faktet janë të filmuara, regjistruara, ka dhe dëshmitarë.

Ne i krahasojmë me 2021, por presim të jemi edhe më mirë në përqindje.

Mandate i 10-të është i projektuar për t’u marrë, por ne shpresojmë edhe për të 11-të.”, u shpreh Balluku.

Ka nisur procesi i numërimit edhe në qarkun e VlorësDeri më tani janë numëruar 137 kuti nga 449 në total.

Partia që kryeson është Partia Socialiste, me 15432 vota.E dyta renditet koalicioni opozitar me 7370 vota.

Koalicioni Nisma Shqipëria Bëhet 1553 vota.

Ka nisur procesi i numërimit të votave në qarkun e Fierit.Deri më tani janë numëruar 100 nga 587 kuti.

Partia Socialiste kryeson me 16367 vota, ndërsa koalicioni opozitar 6500 vota.Vendin e tretë e mban Koalicioni Nisma Shqipëria Bëhet, me 1110 vota.

Komisioni Qendror i Zgjedhjeve bërë zyrtare të dhënat, sa i përket pjesëmarrjes në votime të qytetarëve në mbarë vendin. Kanë marrë pjesë në zgjedhje 42.16 përqind e votuesve me të drejtë vote.

Sipas KQZ, pjesëmarrja më e lartë është shënuar në qarkun e Dibrës, me 50.10 përqind të shtetasve me të drejtë vote, që kanë votuar.

Kukësi gjithashtu ka përqindje të lartë të votuesve, teksa kanë hedhur votën 46.15 përqind e qytetarëve. Edhe Tirana ka një përqindje të lartë të votuesve. Qarku me pjesëmarrjen më të ulët në votime është Vlora.

Pjesëmarrje shumë e madhe e votuesve në Diasporë ndërkohë, me 79.24%

Pas përfundimit të procesit të votimit në orën 19:00, komisionerët në bazë të kodit elektoral kanë mbyllur kutitë dhe qëndrat e votimit , dhe nën mbikqyrjen e forcave të policisë i kanë shoqëruar pranë KZAZ- ve. Në qarkun e Fierit deri në këto momente janë administruar rreth 50 % e kutive te votimit .

Në te tre KZAZ- të e qytetit vijon dorëzimi i tyre. Ne kzaz- ne nr 60 , kanë dorëzuar kutitë deri në këto momente kutitëb, 40 qendra votimi , ne kzaz- ne 59 , mbi 40 dhe ne kzaz- ne nr 58 jane dorezuar 30 kuti

Ne Roskovec nga 39 qendra votimi kanë dorezuar kutitë rreth 30 prej tyre ndërsa në Mallakaster jane dorezuar te gjitha, ndërkohë që edhe në Patos ka përfunduar doręzimi i kutive dhe pritet që për një orë të fillojë procesi i numërimit përfshirë edhe votat e të burgosurve në burgun e Fierit. Ndërkohë procesi po monitorohet edhe nga vëzhgues të OSBE- ODIHR.

Që prej momentit kur u hapën qendrat në të gjithë vendin, raportohet se pjesëmarrja ka qenë 38.44% nga 2266 qendra votimi që kanë çuar informacionin në KQZ.

Në zgjedhjet lokale të dy viteve më parë në këtë orë përqindja ishte 35.07%, ndërkohë që në zgjedhjet e përgjithshme të para katër viteve, pjesëmarrja deri në orën 16 ka qenë 43.89%.