Përfaqësuesja e OSBE-së deklaroi se zgjedhjet parlamentare të vitit 2025 në Shqipëri u zhvilluan në mënyrë profesionale dhe ishin konkurruese, por u shënjuan nga një klimë e theksuar polarizimi politik.

Kandidatët patën mundësi të bëjnë fushatë, ndonëse u raportuan raste intimidimi dhe presione ndaj zgjedhësve, veçanërisht në sektorin publik. OSBE vuri gjithashtu në dukje se partia në pushtet përfitoi nga përdorimi i burimeve administrative gjatë fushatës, ndërsa dy partitë kryesore dominuan mbulimin mediatik. Procesi zgjedhor në përgjithësi ishte i qetë, me disa incidente të izoluara.

Përfaqësuesja e OSBE: Qytetarët janë “zemra” e procesit zgjedhor. Zgjedhjet parlamentare 2025 ishin konkurruese dhe u zhvilluan në mënyrë profesionale, por ata ishin në një klimë të polarizuar. Kandidatët kishin mundësi të bëjnë fushatë, ndërsa disa raste intimidimi nga ta janë raportuar. Partia në pushtet përfitoi nga përdorimi i burimeve administrative gjatë fushatës. Ka pasur raportime për presione ndaj zgjedhësve, sidomos në administratë. Dy partitë kryesore ishin ato që kishin mbulim më të madh mediatik. Procesi ishte i qetë në tërësi, por kishte disa incidente të izoluara. Kishte sulme mes liderëve të dy partive të mëdha.

Në Devoll ka nisur festa pas fitores së Partisë Socialiste.

Kjo është një përmbysje e rezultatit, pasi katër vite më parë në këtë bashki fitoi PD.

Sipas rezultateve përfundimtare PS mori 7082 vota, kurse PD 5870.

Diferenca mes socialistëve dhe demokratëve është 1212 vota.

Në qarkun e Fierit janë numëruar deri tani 190 nga 587 kuti votimi që janë gjithsej.Socialistët kryesojnë në këto kuti me 18 mijë vota më shumë ndaj koalicionit të udhëhequr nga Partia Demokratike.

E përkthyer në mandate, PS-ja merr deri tani 12 mandate, ndërsa demokratët vetëm 4 mandate.

Sipas formulës së ndarjes së mandateve, PD-së do t’i duhet një diferencë prej 279 votash (më parë i duheshin 538), për t’i marrë një mandat PS-së.

Problematika paraqiten në KZAZ nr 60 në Fier, më e madhja në këtë bashki me 97 kuti. Deri tani janë numëruar 28 prej tyre, ku udhëheq Partia Socialistë.

Mesohet se një orë më parë numëruesit e PD kërkuan kohë duke pretenduare se janë shumë të lodhur e duhet të ktheheshin në orën 08:00 të mëngjesit të nesërm.

Më pas KZAZ u tërhoq dhe pas 40 minutash dhe pas reagimit të KQZ që në rinisë sa më shpejt numërimi, u tha që numërimi të nisë në orën 18:00.Zoti Gazment Bardhi informoi se PD nuk ka qëllim të zvarrisë procesin ndaj është duke parë mundësinë e zëvendësimit të tyre brenda orës 18:00.

Më pas, duke qenë se PS ka numrin më të madh të anëtarëve, u vendos numërimi në orën 16:00.

Por mbetet për t’u parë se si do të zhvillohet.

Procesi i numërimit të votave nga zgjedhjet e 11 majit po vijon në të gjithë Shqipërinë.

Deri tani, sipas të dhënave në faqen zyrtare të KQZ, janë numëruar 2002 nga 5,225 kuti në shkallë vendi.

Sipas të dhënave paraprake, Partia Socialiste e Shqipërisë (PS) kryeson me 271.792 vota, që përfaqësojnë 52.45% të totalit të votave të deritanishme. Në vend të dytë renditet Koalicioni Partia Demokratike – Aleanca për Shqipërinë Madhështore (PD-ASHM), me 179.486 vota, ose 34.42%

Partitë e tjera kanë marrë përqindje më të ulëta.

Koalicioni Nisma Shqipëria Bëhet  ka siguruar 17,278 (3.31 %), ndërsa Lëvizja Bashkë 6.707 (1.29 %)

Ndërkohë që numërimi vijon, partitë politike po ndjekin nga afër zhvillimet, ndërsa Komisioni Qendror i Zgjedhjeve (KQZ) bën apel për qetësi dhe respektim të procesit.

Shqipëria votoi ditën e djeshme për deputetët që do përfaqësojnë qytetarët në parlament. Deri tani, Partia Socialiste ka marrë 223.823 vota në total, ose 83 mandate në Kuvend.

Partia Demokratike ka arritur të marrë 145.672 vota në rang kombëtar, ose 51 mandate. Në vendin e tretë është Partia Social-Demokrate, që ka arritur të marrë deri tashmë 16.240 vota ose 3 mandate.

Nisma Shqipëria bëhet ka marrë në rang vendi 14.587 vota ose 1 mandat. Partia Mundësia gjithashtu ka marrë 11.049 vota ose 1 mandat. Lëvizja Bashkë ka marrë në total 5255 vota ose 1 mandat në parlament.

Në bashkitë Patos, Roskovec dhe Mallakastër është ndërprerë numërimi në orën 8:00 tę męngjesit të sotęm për shkak të lodhjes sę numëruesve të cilët kanë kërkuar një pushim për të rifilluar sërish procesin pas mesditës. Sipas burimeve të informacionit në Bashkitë Roskovec dhe Mallakastër procesi do të rifillojë në orën 12:00 ndërsa në Patos në orën 15:00. Ndërkohë sipas të dhënave të përditësuara nga KQZ, Partia Socialiste rezulton fituese me një diferencë të thellë votash , 24 210 kundrejt 9667 të PD – ASHM .