E vërteta e tentativës për arratisje të Bledar Selmanajt nga Burgu i Fierit

Deklaratë për Shtyp

Më datë 24.09.2025, rreth orës 03:48, i paraburgosuri Bledar Selmanaj ka tentuar të arratiset.

Ai ka dalë përmes një vrime të hapur në mur me mjete rrethanore dhe është ngjitur në tarracë nëpërmjet një tubi metalik, duke u fshehur pa kaluar asnjë perimetër sigurie. Forcat e sigurisë janë vënë në lëvizje dhe pas kontrollit të territorit është bërë lokalizimi dhe ndalimi i tij.

Gjatë ndalimit, i paraburgosuri ka kundërshtuar me forcë punonjësit e Policisë së Burgjeve. Aktualisht, ai është i akomoduar në dhomat e veçimit, deri në përfundimin e veprimeve hetimore për zbardhjen e plotë të kësaj ngjarjeje.

Ky shtetas ka tentuar edhe dy herë të tjera të arratiset nga institucionet e ekzekutimit të vendimeve penale në Shqipëri, përmes veprimeve aktive.

Drejtoria e Përgjithshme e Burgjeve siguron dhe garanton një nivel të lartë sigurie dhe mbarëvajtje të qetë në sistemin e burgjeve.

Kjo nuk është tentativa e parë e Selmanajt. Burime bëjnë të ditur se ai ka provuar edhe dy herë të tjera të arratiset, si dhe ka pasur dy tentativa vetëvrasjeje brenda qelisë.

Nga zjarri në Visokë te droga dhe dhuna në Levan, Policia e Fierit vë në pranga dhe procedon disa shtetas

Policia Fier -referuan materialet në Prokurori, ku nisi procedimi në gjendje të lirë për shtetasit H. A., 26 vjeç, A. A., 21 vjeç dhe K. A., 30 vjeç, të tre banues në fshatin Levan, pasi dyshohet se për motive të dobëta, kanë goditur me grushte, një shtetas 43 vjeç.

Specialistët për Hetimin e Krimeve të Komisariatit të Policisë Mallakastër arrestuan në flagrancë shtetasin O. F., 40 vjeç, banues në Pogradec dhe F. A., 40 vjeç, banues në Elbasan, përkatësisht administrator dhe punëtor në një kompani të nënkontraktuar për shërbime të lidhura me tensionin e lartë, pasi dyshohet se si pasojë e shkeljes së rregullave të mbrojtjes gjatë punës me troko, ka rënë zjarr në fshatin Visokë. Si pasojë u dogjën 200 pemë ulliri.

Specialistët për Hetimin e Narkotikëve referuan materialet në Prokurori, ku nisi procedimi në gjendje të lirë për shtetasin I. Ç., 28 vjeç, banues në fshatin Karbunarë dhe për një 16-vjeçar, banues në Fier, pasi posedonin përkatësisht doza Kokaine dhe Cannabisi, të cilat u sekuestruan me cilësinë e provës materiale.

Materialet procedurale iu referuan Prokurorisë së Fierit, për veprime të mëtejshme.

Policia e Fierit arreston 3 persona, nga aksidenti në Ballsh te rasti në kompaninë e naftës

Drejtoria Vendore e Policisë Fier bën me dije se gjatë orëve të fundit janë kryer disa arrestime në flagrancë.

  • Në Ballsh, specialistët e Sektorit të Qarkullimit Rrugor arrestuan 46-vjeçarin B. L., banues në këtë qytet, i cili drejtonte automjetin në gjendje të dehur dhe u përplas me një tjetër mjet. Për pasojë pati vetëm dëme materiale.
  • Në Fier, specialistët për Hetimin e Krimeve arrestuan shtetasit V. B., 59 vjeç, dhe A. G., 31 vjeç, administrator dhe shofer në një kompani për përpunimin e naftës në fshatin Marinëz. Ata akuzohen se, për shkak të shkeljes së rregullave të mbrojtjes në punë, është dëmtuar punonjësi i kompanisë, 63-vjeçari Ll. K., i cili ndodhet nën kujdesin e mjekëve.

Një i burgosur tenton arratisjen nga burgu i Fierit

Një i burgosur ka tentuar të arratiset nga Burgu i Fierit. Mësohet se Bledar Selmanaj tentoi të arratisej të mërkurën.

Bledar Selmanaj1

Detaje të reja kanë dalë në lidhje me tantativën e arratisjes të një të burgosuri në Fier.

I burgosuri Bledar Selmanaj tentoi të arratisej gjatë ditës së mërkurë.

Mësohet se ai ka qenë në ajrim dhe ka tentuar të dalë nga rrethimi i burgut. Ai është dënuar për vrasjen e mikut të tij, Xhulian Bullari.

Selmanaj ka tentuar arratisjen nga burgu dhe dy herë të tjera.

1.97 mld lekë për autostradën Tiranë-Durrës/ Autoriteti Rrugor Shqiptar shpall kompaninë fituese për fazën III

Me një ofertë prej 1.97 mld lekë, Autoriteti Rrugor Shqiptar ka shpallur kompaninë fituese për fazën e tretë të zgjerimit të autostradës Tiranë-Durrës. Kontrata është fituar nga kompania Alb-Building, teksa në garë morën pjesë edhe 13 kompani të tjera, 7 prej të cilave u skualifikuan.

Kjo fazë përfshin ndërtimin e nyjes që lidh rrugën e Laknasit me projektin e zgjerimit të autostradës, teksa në dokumentet e tenderit specifikohej se zona ku kërkohet të realizohet ky projekt është një zonë me zhvillim të lartë industrial dhe së fundmi edhe me zhvillim të rëndësishëm urban.

“Rruga ekzistuese, përveçëse është në gjendje të keqe të shtresave asfaltike, nuk ka akses të drejtpërdrejtë me aksin kryesor Tiranë- Durrës. Aktualisht lidhja me këtë aks realizohet nëpërmjet rrugëve paralele (të cilat në pjesën më të madhe të ditës janë me trafik të rënduar) me nyjen e Kthesës së Kamzës në një distancë prej rreth 2200 m në drejtim të Tiranës”, – thuhej ndër të tjera në dokumentet e tenderit.

Aktualisht, është duke u punuar për zgjerimin e autostradës në 5 km e parë, që nisin pak pasi kalon kthesën e Kamzës, deri në mbikalimin e Rinasit dhe sipas deklaratave publike synimi është që ato të përfundojnë në dhjetor të këtij viti.

Ndërhyrja në autostradën Tiranë – Durrës synohet të sjellë një përmirësim në drejtim të trafikut, që aktualisht paraqet probleme të shumta.

Ambasada britanike financon kurse profesionale për të dënuarit e burgut Fier

Ambasada Britanike në Tiranë po financon ngritjen e kurseve profesionale edhe për të dënuarit me heqje të lirisë. Në burgun e Fierit janë ndërtuar mjedise të posaçme edhe për  kursin për instalime elektrike, me synimin që të dënuarit të pajisen me aftësi të nevojshme për tregun e punës. Lajmin e ka bërë të ditur drejtori i përgjithshëm i Burgjeve Klevis Qose, me anë të një postimi në rrjetet sociale.  

“Sot në IEVP Fier patëm kënaqësinë të mirëprisnim znj. Julia Sutherland, Zëvendës Ambasadore e Britanisë së Madhe, z. John Ëalker, Sekretar i Dytë, si edhe znj. Rovena Demaj, Menaxhere Projekti pranë Ambasadës Britanike.

Në këtë vizitë morën pjesë edhe tre drejtorë të IEVP-ve të tjera, të cilët erdhën për të parë nga afër projektet e realizuara në Fier dhe për të marrë modele që mund të përshtaten në institucionet që ata drejtojnë.

Palestra dhe ambientet e posaçme për zhvillimin e kurseve profesionale, si ai për instalime elektrike , janë financuar nga Qeveria Britanike përmes Ambasadës Britanike në Tiranë, si pjesë e mbështetjes së tyre të vazhdueshme për përmirësimin e kushteve në sistemin penitenciar dhe forcimin e komponentit të rehabilitimit.

Këto kurse i pajisin të dënuarit me aftësi të nevojshme për tregun e punës dhe u japin një mundësi konkrete për të ndërtuar një të ardhme ndryshe . Certifikatat që lëshohen pas përfundimit të tyre kanë të njëjtën vlerë si ato që merren jashtë burgut, pasi në dokument nuk përcaktohet vendi ku është zhvilluar kursi.

Faleminderit Ambasadës Britanike për këtë kontribut domethënës dhe për partneritetin e vazhdueshëm në drejtim të humanizimit dhe modernizimit të sistemit korrektues”, ka shkruar Qose në Facebook.

Pas mbledhjes në selinë e PS, Rama ul ministrat dhe deputetët për kafe

Pas takimit të zhvilluar pasditen e së mërkurës në selinë e Partisë Socialiste, kryeministri Edi Rama është parë së bashku me ministrat dhe deputetët e PS për qarkun e Tiranës duke qëndruar në një kafe pranë godinës së partisë.

Fillimisht, në tavolinën e Ramës kanë qenë të ulur vetëm ministrat, por më pas ai ka ftuar edhe deputetë dhe ish-deputetë që t’i bashkoheshin bisedës, duke marrë vend në të njëjtën tryezë.

Ky takim joformal vjen menjëherë pas mbledhjes zyrtare të strukturave të PS, duke u kthyer në një moment shoqëror mes kreut të qeverisë dhe përfaqësuesve të mazhorancës.

Një tjetër kryebashkiak merret i pandehur nga SPAK

Prokuroria e Posaçme (SPAK) ka marrë të pandehur kryebashkiakun e Kolonjës, Erion Isai, i cili akuzohet për “shkelje të barazisë në tendera dhe ankande publike”.

Mëngjesin e 15 janarit 2025, Isai është paraqitur në ambientet e SPAK, ku refuzoi të zbulojë për mediat arsyen e thirrjes. I pyetur nga gazetarët, ai u shpreh shkurt: “Kur të dal, nuk e di”.

Ky nuk është hera e parë që kryebashkiaku i Kolonjës përballet me hetime. Ai është marrë në pyetje nga prokurorët e posaçëm edhe më 30 maj 2023, ku qëndroi rreth 3 orë në SPAK.

Hetimet e Prokurorisë së Posaçme lidhen me procedura të dyshuara abuzive në tendera dhe ankande publike gjatë ushtrimit të detyrës nga kryebashkiaku Isai.

1...117118119...306Faqja 118 nga 306