Shembet muri rrethues i nje banese , ze poshte nje femije 4 vjecare

Fier/Informacion paraprak

Rreth orës 12:40, në fshatin Suk 2, Roskovec, dyshohet se është shembur një mur rrethues në pronësi të shtetasit L. T., dhe për pasojë ka zënë poshtë vajzën e tij të mitur rreth 4 vjeçe, e cila ka ndërruar jetë.

Grupi hetimor po punon për zbardhjen e rrethanave të ngjarjes.

Humbi jetën pas kontaktit me energjinë teksa punonte, Prokuroria Fier dërgon në gjyq kryeinspektorin, inspektorin e IMT dhe ndërtuesin për 4 vepra penale

Shtetasi S.B. humbi jetën pas kontaktit me energjinë teksa punonte, Prokuroria Fier dërgon në gjyq kryeinspektorin, inspektorin e IMT dhe ndërtuesin për 4 vepra penale

Prokuroria pranë Gjykatës së Shkallës së Parë të Juridiksionit të Përgjithshëm, Fier përfundoi hetimet dhe dërgon në gjyq tre shtetas për veprat penale ‘Shkelja e rregullave të mbrojtjes në punë’, ‘Shpërdorimi i tokës’, ‘Ndërtim i paligjshëm’ dhe ‘Shpërdorimi i detyrës’ parashikuar nga nenet 289 pg.1, 199, 199/a pg.4 dhe 248 të Kodit Penal.

Në kuadër të hetimit të procedimit penal nr.1418, të datës 16.09.2024, rezultoi se më 14.09.2024, në fshatin Suk-1, Njësia Administrive Strum, Bashkia Roskovec, ka humbur jetën shtetasi S.B, si pasojë e kontaktit me energjinë elektrike. Viktima S.B, teksa punonte në kantierin e shtetasit E.D, (I pandehur), ka rënë në kontakt me linjën e transmetimit të energjisë elektrike e cila ndodhej në afërsi të objektit pa leje që po ndërtohej nga i pandehuri E.D. 

Nga veprimet hetimore të kryera është dokumentuar fakti penal, që lidhet me veprën penale “Shkelja e rregullave të mbrojtjes në punë”, parashkuar nga neni 289 pg.1 i Kodit Penal, vepër e konsumuar prej shtetasi E.D. Ky shtetas rezulton se me cilësinë e ndërtuesit/porositësit, investitorit, nuk ka marrë masat e sigurimit teknik dhe të mbrojtjes në punë. 

Nga ana e tij është realizuar një ndërtim pa leje, ku nuk ishte marrë asnjë masë në funksion të sigurimit të kushteve të punës apo sigurimit teknik në kantier. Detyrimi për marrjen e masave të sigurimit teknik dhe mbrojtjes në punë buronin për të pandehurin nga ligji nr.10287 datë 18.02.2010 “Për sigurinë dhe shëndetin në punë”, V.K.M-në Nr.312, datë 5.5.2010 “Për Miratimin e Rregullores “Për sigurinë në kantier”, V.K.M nr.312/5.5.2010 dhe “Rregullore për sigurimin teknik për punën në ndërtim”. 

Ndaj të pandehurit E.D, prokuroria ngriti akuzë për dhe veprën penale “Ndërtimi i paligjshëm”, parashikuar nga neni 199/a pg.4, i Kodit Penal. I pandehuri E.D, rezultoi se kishte realizuar një ndërtim pa lejen e organeve kompetente për qëllime fitimi. Ndërtimi i paligjshëm rezultoi të ishte realizuar mbi një sipërfaqe tokë bujqësore prej 320 m2. Për këtë fakt prokuroria ka konstatuar element të veprës penale “Shpërdorimi i tokës”, parashikuar nga neni 199 i Kodit Penal. I pandehuri rezultoi se ka ndërtuar në kundërshtim me destinacionin e tokës bujqësore, në kundërshtim me parashikimet e ligjit nr.9244 datë 17.06.2004 “Për mbojtjen e tokës bujqësore”, i cili në nenin 14 të tij, ndalon veprimtarinë ndërtimore në tokat bujqësore. 

Gjithashtu, është hetuar në lidhje me veprimet apo mosveprimet e organeve shtetërore sa i përket ndërtimit pa leje. Nga hetimi u provua se Inspektoriati i Mbrojtjes së Territorit pranë Bashkisë Roskovec, ka qënë në dijeni të ndërtimit pa leje dhe nuk ka marrë asnjë masë në funksion të përmbushjes së detyrave funksionale. Provat shkresore provuan se; kryeinspektori E.Ç dhe inspektori S.M, me detyrë pranë IMT-së Bashkia Roskovec, megjithse ishin vënë në dijeni të ndërtimit pa leje, nuk kishin përmbushur detyrat funksionale, dhe as proceduar sikurse parashikohet në ligjin Nr.9780, datë 16.7.2007 “Për inspektimin dhe mbrojtjen e territorit nga ndërtimet e kundërligjshme” dhe ligjin nr.107/2024 “Për planifikimin dhe zhvillimin e territorit”. Prej punonjëse që ushtronin detyrat e mësipërme nuk është ushtruar kontroll mbi territorin dhe as marrë masat ligjore edhe pas konstatimit të ndërtimit pa leje. Në këto rrethana prokuroria ka ngritur akuzë ndaj tyre për veprën penale “Shpërdorimi i detyrës” e kryer në bashkëpunim parashikuar nga neni 248-25 të Kodit Penal. 

Në përfundim është kërkuar dërgimi i çështjes në gjyq për të pandehurëve:  

-E.D, me akuzën për kryerjen e veprave penale “Shkelja e rregullave të mbrojtjes në punë”,“Shpërdorimi i tokës”,“Ndërtim i paligjshëm”, parashikuar nga nenet 289 pg.1, 199, dhe  199/a pg.4 i Kodit. 

–E.Ç, me akuzën për kryerjen e veprës penale “Shpërdorimi i detyrës” e kryer në bashkëpunim parashikuar nga neni 248-25 të Kodit Penal.

–S. M, me akuzën për kryerjen e veprës penale “Shpërdorimi i detyrës” e kryer në bashkëpunim parashikuar nga neni 248-25 të Kodit Penal.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë dhe vënien para përgjegjësisë ligjore të personave që kryejnë vepra penale që cënojnë sigurinë teknike në punë me pasoja në jetën dhe shëndetin e personave apo që janë në kundërshtim me rregullat në fushën e ndërtimit.

Pensionet me Italinë/ Rama:Nga 1 Qershori nis zbatimi i marrveshjes

Edi Rama: LAJM I MIRË dhe i ndarë veç për t’i dhënë vëmendjen e duhur, jashtë vorbullës së Samitit të Komunitetit Politik Europian:
“Motra solli në Tiranë dokumentin final të procesit të gjatë ligjor mbi zbatimin e Marrëveshjes së Pensioneve me Italinë, që do të thotë se nga 1 qershori 2025 shqiptarët e Italisë do të nisin të përfitojnë nga kjo marrëveshje kuptimplotë për nivelin e ri të marrëdhënieve mes Shqipërisë e Italisë

Policia çon në SPAK Edi Palokën dhe Klevis Balliun

Policia ka referuar në SPAK materialet për demokratët Edi Paloka dhe Klevis Balliu, pas incidentit me gazetarët të ndodhur gjatë protestës së opozitës ditën e premte në Tiranë.referuan materialet në SPAK për shtetasit E. P dhe K. B., pasi ka kallëzuar shtetasja B. D.,gazetare , se me datë 16.05.2025, në Bulevardin e Ri, gjatë zhvillimit të protestës të subjektit politik Partia Demokratike, këta shtetas e kanë kanosur me fjalë për shkak të detyrës”, njofton policia.

Gjatë protestës, Edi Paloka, ka pasur përplasje me disa gazetarë, gjë që shtyu dhe disa protestues që të përplaseshin fizikisht me ta dhe të hidhnin dhe ofendime.Mos bëj skema se… Mos bëj skema këtu! U bëtë ju! Kam qenë gazetar 20 vite para jush”, iu drejtua Paloka gazetarëve, që nxiti dhe qytetarët e pranishëm të “shpërthenin” në ofendime.

P*anga shqiptarit në Greqi ,a*më e dokumente false e vula në banesë

Një 32-vjecar nga Saranda, është arrestuar pas një operacioni të policisë greke në Thrakomakedones të Athinës. Policia ka kryer kontroll në një banesë në zonë, pas dyshimeve se në të ndodheshin sende të paligjshme.

Gjatë kontrolleve në banesën ku jetonin Kostandin Nesturi, 32 vjec nga Saranda dhe greku Aleksandros Banin, 29 vjec, u gjetën dhe sekuestruan 1 armë zjarri automatike me 9 fishekë, 1 jelek anti-plumb, 5 fishekë, cift targash false, kartë identiteti greke false, 2 vula zyrtare, 4 vula biznesi, 3.6 gram kokainë, 27 gram marijuanë, 2 peshore, 16 grirës marijuane, 2 Lap-Top.

Sic rezultoi, njëri prej të arrestuarve nuk kishte deklaruar ndryshimin e vendbanimit, pasi ishte i detyruar nga gjykata për shkak të një mase kufizuese sigurimi.Policia greke po heton arsyet se pse dy të dyshuarit mbanin armatim dhe dokumenta false në banesë.

Kostandin Nesturi rezulton me precedentë penalë në Shqipëri. Ai është arrestuar në Sarandë në vitin 2014 për vjedhjen e 360 litrave naftë të gjeneratorit të një kompanie telefonike. Ndërsa në vitin 2023 është arrestuar në Sarandë duke drejtuar një automjet tip “BMË” të dyshuar si të vjedhur në Spanjë, ndërsa gjatë kontrollit i’u gjet një sasi lënde narkotike marijuanë.

Sekuestrimi i telefonit të Elvis Roshit, policia njoftim zyrtar, ja çfarë iu gjet

Policia ka njoftuar për një operacion të kryer në kuadër të dyshimeve për krim zgjedhor.
Kontrolle banesë dhe jo vetë janë kryer për 5 [persona, ndërsa emri që bie në sy është ai i ish-kryebashkiakut të Kavajës Elvis Roshit, për të cilin gazetari Igli Çelmeta raportoi dje se i ishte sekuestruar telefoni. 

“Gjatë kontrollit të ushtruar ndaj shtetasit E. Rr., 50 vjeç, banues në Kavajë, iu bllokua telefoni celular, si dhe në një ambient në pronësi të tij u gjetën dhe u sekuestruan fatura, kupona nafte dhe lista zgjedhësish”, thuhet në njoftimin e policisë.

Policia kontroll fizik dhe banese për 5 persona, sekuestrohen fatura, kupona nafte dhe lista votuesish

Policia e Shtetit

Operacion në kuadër të hetimeve për krime zgjedhore, kontroll fizik dhe në banesat e 5 shtetasve të dyshuar.

Sekuestrohen fatura, kupona nafte, lista zgjedhësish, DVR, pistoletë manovër dhe 5 telefona celularë.

Drejtoria për Hetimin e Krimeve Ekonomike dhe Financiare dhe Drejtoria e Forcës së Posaçme Operacionale, në Departamentin e Policisë Kriminale të Policisë së Shtetit, në bashkëpunim me oficerët e BKH-së, në funksion të procedimit penal nr. 82, i vitit 2025, ekzekutuan vendimin e datës 17.05.2025 të Gjykatës së Posaçme të Shkallës së Parë për Korrupsionin dhe Krimin e Organizuar, për kontrollin fizik dhe atë në banesat e 5 shtetasve.

Gjatë kontrollit të ushtruar ndaj shtetasit E. Rr., 50 vjeç, banues në Kavajë, iu bllokua telefoni celular, si dhe në një ambient në pronësi të tij u gjetën dhe u sekuestruan fatura, kupona nafte dhe lista zgjedhësish.

Shtetasve O. S., 38 vjeç, T. Rr., 44 vjeç, të dy banues në Kavajë, dhe shtetasit T. H., 35 vjeç, banues në Qerret, Durrës, Policia u sekuestroi telefonat celularë.

Ndërsa shtetasit M. S., 37 vjeç, banues në Kavajë, Policia i sekuestroi një DVR, kupona nafte dhe një pistoletë manovër.

Këta shtetas dyshohen për korrupsion aktiv në zgjedhje dhe hetimet në kuadër të procedimit penal vijojnë.

Mesazhi i dhëndrit të Trump: Resorti në Sazan, do ndërtojmë diçka spektakolare

Jared Kushner, dhëndëri i presidentit amerikan Donald Trump, nën cilësinë e CEO-s dhe themeluesit të “Affinity Partners”, ishte i pranishëm në Samitin Ekonomik Ndërkombëtar që po mbahet në Tiranë. Kushner, nëpërmjet një lidhjeje të drejtpërdrejtë, e quajti kryeministrin Edi Rama, një politikan të zotë. Ai thekson se kjo qeveri ka ndryshuar klimën e jetesës dhe e ka bërë Shqipërinë një vend të sigurt për të investuar.

Edi është një politikan shumë i aftë – na tregoi se çfarë mund të bëjë një artist me një vend. Ata do të ndërtojnë një aeroport në Vlorë, dhe kjo është një mundësi shumë e madhe për t’u shfrytëzuar në rajon”,- tha Kushner.
“Isha shumë i tërhequr nga rajoni dhe zhvillimet rajonale demografike. Shpenzuam 1 vit me studim tregu. Pas një analize rezultoi se mjedisi ishte perfekt. Shumë njerëz më kanë pyetur pse po investojmë në Shqipëri. Shumë veprime të qeverisë po ndryshojnë klimën e jetesës – ato përkthehen në rroga më të larta, në më shumë mirëqenie. Është një lokacion perfekt. Shumë pak km larg Italisë, 10 minuta distancë nga aeroporti i ri. Do të ndërtojmë diçka spektakolare dhe do e prezantojmë së shpejti. Kush do e vizitojë resortin? Së pari unë me gruan. Do ndërtojmë një komunitet të shkëlqyer dhe do tërheqim markat më prestigjioze në botë”,- tha Kushner.

1...110111112...311Faqja 111 nga 311