aksident i rëndë është shënuar në aksin rrugor Lushnje-Berat në afërsi të kryqëzimit të fshatit Kashtë Bardhë.

Dy mjete në kahun e lëvizjes drejt Lushnjës janë përplasur me njëri-tjetrin dhe pas me barrierat e hekurta anësore. Në automjetin top ‘Audi’ udhëtonte një çift bashkëshortësh ndërsa në mjetin tip ‘Skoda’ udhëtonte një person drejtues mjeti.

Përplasja ka qenë shumë e fortë dhe të tre personat e përfshirë në aksident janë transportuar në spital në gjendje të rëndë.

Policia e qarkullimit rrugor në vendngjarje për dokumentimin e dinamikës së këtij aksidenti

Policia e Tiranës ka zbardhur vrasjen e 40-vjeçarit Hajdar Ismajlgeci, i cili u gjet i vdekur pasi ishte goditur me thikë mbrëmjen e së enjtes pranë shkollës “Azem Hajdari” në Babrru.

Dyshohet se autori dhe viktima kanë qenë së bashku në një lokal ku pasi kanë dalë nga jashtë janë zënë për motive banale ku më pas autori e ka qëlluar me thikë Ismajlgecin dhe është larguar nga vendi i ngjarjes.

Pas kqyrjes së kamerave të sigurisë është zbuluar identiteti i tij dhe disa orë më pas është arritur që ai të kapet në qytetin e Durrësit.

Reshjet e para të dëborës për këtë sezon kanë mbërritur më herët se zakonisht, duke zbardhur zonat verilindore të vendit.

Prej orëve të paradites së sotme, bora ka nisur të bjerë në disa zona malore të qarqeve Kukës, Dibër dhe Pukë, kryesisht në lartësitë mbi 1000 metra mbi nivelin e detit.



Pamjet që vijnë nga tregojnë një peizazh të mbuluar nga dëbora, që megjithëse ka sjellë një pamje të bukur dimërore, ka shkaktuar edhe vështirësi për qarkullimin e mjeteve dhe banorët e zonave të thella.

Deri më tani nuk raportohen probleme serioze në rrugët nacionale, ndërsa rekomandohet kujdes i shtuar për drejtuesit e automjeteve që udhëtojnë drejt zonave malore.



Sipas parashikimeve meteorologjike, reshjet e dëborës pritet të jenë të përkohshme, por temperaturat do të mbeten të ulëta gjatë gjithë fundjavës, duke sinjalizuar një hyrje të hershme të motit të ftohtë në vend.

Nga Corriere Della Sera

Sa shumë po flitet për vdekjen e sipërmarrësit të tullave Edoardo Sarchi, nga Cunardo, Varese, i vrarë të shtunën e kaluar në Salari, një fshat në Shqipëri, i cila kishte qenë prej kohësh “shtëpia” e menaxherit të një fabrike në vend. Shqipëria është vendlindja e gruas 44-vjeçare të Sarchi-t.

Është e qartë se ishte një vrasje, por nga ajo që ka mësuar Corriere, biznesmeni nuk është vrarë nga të shtënat me armë. Atë e rrahën për vdekje me shkopinj në kokë. Dhe njeriu që po kërkon policia nuk ka të bëjë fare me këtë!

Ngjarja

Tre persona shoqëronin Sarçin mëngjesin e krimit. Këta bashkëpunëtorë, bashkëpunëtorët e tij, thuhet se dhanë secili një version të ndryshëm. Njëri ka deklaruar se iu zu pritë dhe autori u doli papritur me armë përpara në rrugën ku po udhëtonte grupi, me dy xhipa, dhe ndërpreu lëvizjen e automjeteve, duke u sjellë si i çmendur.

Ata dëshmuan  gjithashtu për një grindje që degjeneroi midis Sarçit dhe autorit, i cili nuk ishte në këmbë, por në një makinë, që dyshohet se u përplas me biznesmenin, dhe më pas doli për ta sulmuar.

A mudn të jetë e vërtetë që autori që është ende në arrati të jetë i apasionuar pas armëve? Ai është 48 vjeç dhe jeton në të njëjtën zonë gjeografike me incidentin e përgjakshëm: 200 kilometra nga kryeqyteti i Tiranës, drejt pjesës së bukur jugore të Shqipërisë, me male, vende të tjera magjike, komunitete të izoluara dhe imazhe të epokave të tjera.

Një version tjetër që ka dalë, ose është nxjerrë qëllimisht në dritë, është si më poshtë: të tre ata dhe biznesmeni ishin të gjithë në gjueti kur për fat të keq dikush – pikërisht ai – qëlloi gabimisht që e goditi biznesmenin e ndjerë, baba i dy fëmijëve, në kokë, për të cilin absolutisht nuk mund të bëhej asgjë. Një katastrofë. Por zero gëzhoja. Sepse, pikërisht, instrumenti i krimit ishte një shkop.

Një rast kompleks në të cilin ekzaminimi i mjekut ligjor zakonisht ofron prova jobindëse, por orientuese.

Në orët pasuese, me kërkesë të gruas së Sarchi-t (ajo zotëron aksione të konsiderueshme në kompani), funerali dhe varrimi u mbajtën privatisht dhe me sa duket shumë shpejt. Pa një autopsi paraprake, pa procedurën e zakonshme – kërkesën e natyrshme, legjitime dhe të pritur nga autoritetet hetuese për ta ekzaminuar trupin nga një ekspert. Hetimi, në fakt, është mbyllur tashmë. Ata po përpiqen të kapin të arratisurin, të akuzuar për vrasje, posedim të paligjshëm të armëve dhe trafik droge, ndërsa në shtëpi iu gjetën pushkë gjuetie dhe fara kanabisi.