Reagim i ministres së Punëve të Brendshme, Albana Koçiu

Thellësisht e tronditur nga lajmi i rëndë i vrasjes së gjyqtarit të Gjykatës së Apelit në Tiranë, Astrit Kalaja, dhe plagosja e dy qytetarëve, brenda sallës së gjykatës.

Dënoj me forcë këtë akt barbar dhune dhe shpreh ngushëllimet më të sinqerta për familjen e viktimës, kolegët e tij, duke u uruar shërim të shpejtë të lënduarve.

Forcat e Policisë së Shtetit – të cilat duhet sqaruar për opinionin publik se në bazë të ligjit nuk kanë asnjë përgjegjësi për kontrollin e hyrje-daljeve dhe sigurinë brenda godinave të gjykatave – kanë ndërhyrë menjëherë në vendngjarje.

Autori është ndaluar menjëherë dhe kemi angazhuar ekspertët më të mirë për të kqyrur në bashkëpunim me prokurorët, përmbushjen e detyrave të ligjit nga ana e punonjësve të sigurisë të gjykatës.

Njoftimi i policisë:

Tiranë/Informacion paraprak

Rreth orës 15:40, në ambientet e Gjykatës së Apelit të Juridiksionit të Përgjithshëm Tiranë, gjatë një procesi gjyqësor, dyshohet se shtetasi E. Sh., 30 vjeç (palë në proces) ka qëlluar me armë zjarri drejt gjyqtarit, shtetasit A. K., dhe shtetasve R. K., 65 vjeç dhe E. K., 45 vjeç, atë e bir (pala tjetër në proces).

Si pasojë ka humbur jetën shtetasi A. K. dhe janë plagosur shtetasit R. K. dhe E. K, të cilët janë jashtë rrezikut për jetën.

Shërbimet e Policisë me marrjen e njoftimit kanë shkuar menjëherë në vendngjarje dhe kanë bërë të mundur  kapjen dhe shoqërimin në ambientet e DVP Tiranë, të autorit të dyshuar, shtetasin E. Sh., si dhe kanë sekuestruar armën e krimit.

Në vijim do të jepet informacion më i plotë për ngjarjen.

Gjon Shkëmbi është identifikuar si personi që qëlloi për vdekje me armë zjarri gjyqtarin Astrit Kalaja ditën e sotme në ambientet e Gjykatës së Apelit në Tiranë.

Raportohet se gjyqtari Kalaja kishte në dorë një çështje pronësie ku ishte i përfshirë autori, ndaj edhe besohet se motivi i krimit ka pasur të bëjë me këtë rast.

Një ngjarje e rëndë ka tronditur sot paraditen e së hënës sistemin e drejtësisë shqiptare.

Gjyqtari i Apelit, Astrit Kalaja, ka ndërruar jetë pasi u qëllua me armë zjarri brenda ambienteve të Gjykatës së Apelit në Tiranë.

Sipas burimeve paraprake, autori i dyshuar është një shtetas që kishte pasur çështje gjyqësore në këtë institucion. Pas të shtënave, policia mbërriti menjëherë në vendngjarje, rrethoi zonën dhe nisi hetimet për zbardhjen e motiveve të këtij atentati.

Mësohet se i plagosur ka mbetur edhe disa persona, identiteti i të cileve ende nuk është bërë publik.

Policia dhe grupi hetimor ndodhen në vendin e ngjarjes, duke mbledhur prova dhe pamje nga kamerat e sigurisë, ndërsa po punohet për zbardhjen e plotë të motiveve që çuan në këtë akt të rëndë brenda ambienteve të një institucioni të drejtësisë

Të shtëna me armë zjarri brenda Gjykatës së Apelit në Tiranë.

Mesohet se është qëlluar drejt gjyqtarit Astrit Kalaja, i cili ka mbetur i plagosur.

Në vendin e ngjarjes ka forca të shumta policore, të cilët kanë bërë të mundur arrestimin e autorit.

Mësohet se i plagosur ka mbetur edhe një person i dytë, identiteti i të cilit nuk bëhet i ditur.

Të shtëna me armë zjarri te Gjykata e Apelit.

Sipas informacioneve te para mesohet se është qëlluar drejt një gjyqtari pranë ambienteve të Gjykatës së Apelit të Juridiksionit të Përgjithshëm.Të shtënat tek Gjykata e Apelit, plagoset gjyqtari Astrit Kalaja.

Gjyqtari Kalaja është qëlluar brenda ambienteve të Gjykatës së Apelit.