Von der Leyen mesazhe optimiste nga Tirana

Në sytë e Brukselit, progresi i Shqipërisë në rrugën e anëtarësimit në Bashkimin Europian duket i mrekullueshëm.Ky ishte mesazhi që konfirmoi në Tiranë Presidentja e Komisionit Europian, Ursula von der Leyen.

Në prag të nisjes së Forumit të Investimeve BE- Ballkani Perëndimor, ajo u takua me Presidentin Bajram Begaj dhe kryeministrin Edi Rama teksa konfirmoi se Brukseli planifikon të hapë të gjithë kapitujt deri në fund të vjeshtës së këtij viti.

Presidentja e Komisionit Europian, Ursula Von der Leyen, gjatë konferencës së përbashkët sot me kryeministrin Edi Rama, tha se Shqipëria ka bërë një punë shumë të mirë në rrugën e saj për objektivin e 2027, mbylljen e negociatave me BE.

Presidentja Ursula Von der Leyen u shpreh se Shqipëria ka bërë një punë shumë të mirë dhe ka bërë progres drejt rrugës për anëtarësimin e BE. Ajo shtoi se bashkëpunimi dhe përfitimi nuk është vetëm për çështje politike dhe gjeopolitike, por edhe ekonomike dhe biznesi.

“Afrimi në BE ka të bëjë dhe për një biznes të zgjuar, jo vetëm për çështje politike. Ekonomia juaj ka fituar akses në tregun tonë të përbashkët, dhe në këmbim ju zbatoni reforma kyçe.

Dyert e sektorit janë të hapura për kompanitë tuaja, por dhe për kompanitë tona. Plani i rritjes ekonomike ka potencial të dyfishojë planin në Ballkanin Perëndimor. Dhëna e 100 mln euro, tani do zbatohet ky plan, ju keni bërë shumë punë të mirë, tani që jemi në rrugën e duhur, kjo është rruga që të aksesojë të gjithë fondit e planit të rritjes, që ka rreth 1 miliard euro.

Vitin që vjen do heqim tarifat roaming. Mesazhi im i fundit është ky, zgjerimi nuk është çështje politike, por njerëzit. Shqipëria e do Europën, 90% e shqiptarëve do votonin për BE, sipas studimeve. Ky është sinjali më i qartë. Gjenerata jonë e re do të jetojë në një Bashkim Evropian të fortë. I dashur Edi të uroj çdo suksese në rrugën drejt BE dhe unë do t’u mbështes”, u shpreh ajo.Presidentja e Komisionit Europian, Ursula Von der Layen, gjatë konferencës së përbashkët në Tiranë, me kryeministrin Edi Rama, foli për procesin e anëtarësimit të BE-së.

Ajo u shpreh se Shqipëria është në rrugën e duhur drejt BE dhe se kjo është bërë në një kohë rekord.

”Ishte kënaqësi të kthehem në Shqipëri, është kënaqësi t’i rikthehem turneut. Shqipëria është në rrugën e duhur drejt BE. Kemi bërë rrugë të gjatë, progres. Është një progres i mrekullueshëm, i bërë në kohë rekord. Ne planifikojmë të hapim të fundit këtë vjeshtë. Unë di përpjekjen tuaj personale dhe të ekipit. Ju kërkoni t’i mbyllni grup kapitujt deri në 2026, kjo është ambicioze. Ne na pëlqen ambicia”, tha Von der Layen.

Fier/ Punonte tokën e tjetrit pa leje, e pëson 38-vjeçari

38-vjeçari S.M banues në Levan, po ndiqet penalisht nga autoritetet pasi ka punuar një tokë që nuk i përket ligjërisht.

Sipas policisë, 38-vjeçari kishte pluguar një sipërfaqe toke, por që nuk i përkiste atij me dokumentacion.

Autoritetet po vijojnë hetimin për një vendim përfundimtar ndaj S.M

Arrestime dhe procedime në Fier e Lushnjë, për dh*në në familje, përndjekje dhe vetëgjyqësi

Drejtoria Vendore e Policisë Fier

Specialistët për Hetimin e Krimeve të Komisariatit të Policisë Lushnjë:
-arrestuan në flagrancë shtetasin A. Y., 44 vjeç, banues në Lushnjë, pasi u kap jashtë banese, ndërkohë që ishte me masë sigurie “Arrest në shtëpi”, për veprën penale “Dhuna në familje”;
-referuan materialet në Prokurori, ku nisi procedimi në gjendje të lirë për shtetasin K. F., 31 vjeç, banues në Lushnjë, pasi dyshohet se ka përndjekur ish të fejuarën e tij.

Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi në gjendje të lirë për shtetasin S. M., 38 vjeç, banues në Levan, pasi dyshohet se me vetëgjyqësi, ka pluguar një sipërfaqe toke që është pronë e një subjekti.

Specialistët për Hetimin e Narkotikëve referuan materialet në Prokurori, ku nisi procedimi në gjendje të lirë për shtetasin K. K., 30 vjeç, banues në Fier, pasi posedonte doza Cannabisi.

Materialet procedurale iu referuan Prokurorisë së Fierit, për veprime të mëtejshme.

Presidentja e Komisionit Europian nis takimin me presidentin Begaj

Presidentja e Komisionit Europian, Ursula von der Leyen ndodhet sot në një vizitë zyrtare në Shqipëri, në kuadër të Forumit të Investimeve EU-WB6. Zyrtarja e lartë nisi turin e takimeve si fillim me presidentin Bajram Begaj. Ishte Begaj që priti në hyrje të Presidencës Presidenten e Komisionit Europian.

AGJENDA
Sakaq, ceremonia zyrtare e mirëseardhjes do të zhvillohet në orën 09:50 në bulevardin “Dëshmorët e Kombit”, ku Presidentja e KE-së do të pritet me nderime shtetërore.

Pas ceremonisë, në orën 10:00, do të mbahet një takim kokë më kokë mes Kryeministrit Rama dhe Presidentes von der Leyen, i cili do të pasohet nga një takim bilateral mes dy delegacioneve respektive.

Vizita do të përmbyllet me një konferencë të përbashkët për shtyp, që do të mbahet në orën 11:15 në ambientet e Kryeministrisë.

Vizita e Presidentes së Komisionit Europian në Tiranë vjen në një moment të rëndësishëm për procesin e integrimit evropian të Shqipërisë dhe për thellimin e bashkëpunimit mes Bashkimit Europian dhe vendeve të Ballkanit Perëndimor.

Po ashtu ajo do të takohet edhe me Presidentin Bajram Begaj, në një takim që pritet të mbahet në orën 9:15 në ambientet e Presidencës.

2200 abonentë përfitojnë nga skema e re e OSHEE, 74% shlyejnë menjëherë detyrimet

Zëvendëskryeministrja dhe ministrja e Infrastrukturës dhe Energjisë, Belinda Balluku, ka bërë të ditur se 2200 abonentë kanë përfituar nga skema e re e aktmarrëveshjes së pagesës së detyrimeve me këste, e miratuar së fundmi nga OSHEE Group.

Sipas Ballukut, 74% e qytetarëve përfitues kanë zgjedhur të shlyejnë menjëherë borxhin e prapambetur, duke përfituar reduktim të kamatëvonesës nga 50 deri në 100%.

“OSHEE pranë qytetarëve, lehtësime dhe mbështetje”, shkruan ministrja, duke theksuar se kjo nismë synon t’u krijojë lehtësi familjeve dhe bizneseve që kanë pasur vështirësi në pagesën e energjisë elektrike.

Skema pritet të zgjerohet edhe në muajt në vijim, me qëllim që më shumë abonentë të përfitojnë nga lehtësimet financiare të ofruara nga OSHEE.

Vuçiç pas dështimit të Serbisë: Më e rëndësishme se futbolli janë…zgjedhjet

Pas humbjes me Shqipërinë, Vuçiç e lidh ndeshjen me zgjedhjet në Kosovë

Presidenti serb: “Do të doja që sonte të kishte një festë më të rëndësishme në komunitetet serbe”

Serbia pësoi disfatë 0-1 ndaj Shqipërisë, rezultat që e largon përfundimisht nga objektivi për t’u kualifikuar në Kampionatin Botëror.

Pas ndeshjes, Presidenti i Serbisë, Aleksandar Vuçiç, është pyetur nga gazetarët për humbjen e ekipit kombëtar, por ai zgjodhi që t’i referohej zgjedhjeve lokale që po mbahen në Kosovë këtë të dielë.

“Kudo, deri në orën 10, pjesëmarrja ishte më e lartë në zonat serbe sesa në ato shqiptare. Shpresoj që Lista Serbe të fitojë dhe të arrijë të marrë sërish një pjesë të qeverisjes në duart e veta,” – u shpreh Vuçiç.

Presidenti serb shtoi se do të kishte dashur që mbrëmjen e sotme të kishte një festë më të rëndësishme në komunitetet serbe të Kosovës dhe Metohisë, duke iu referuar zgjedhjeve, e jo humbjes në fushën e futbollit.

“Ashtu siç u gëzuan mbrëmë me flamurin shqiptar, do të doja që sonte njerëzit në komunitetet serbe të gëzohen për diçka më të rëndësishme sesa shkelmimi i topit,” – deklaroi Vuçiç.

Arrestohet 19 vjecari ne Mallakaster , drejtonte makinen pa leje drejtimi

Drejtoria Vendore e Policisë Fier

Specialistët e Sektorit të Qarkullimit Rrugor arrestuan në flagrancë shtetasin S. Z., 19 vjeç, banues në Mallakastër, pasi u kap duke drejtuar automjetin, pa leje drejtimi.

Materialet procedurale iu referuan Prokurorisë së Fierit, për veprime të mëtejshme.

Fier, 81-vjeçari bie me biçikletë në kanal dhe humb jetën

Fier, 81-vjeçari bie me biçikletë në kanal dhe humb jetën
në fshatin Kafaraj, është regjistruar një ngjarje tragjike, ku një 81-vjeçar ka humbur jetën.

Sipas Policisë, shtetasi F. T., dyshohet se teksa po drejtonte biçikletën, ka humbur kontrollin dhe ka rënë në një kanal anës rrugës, duke ndërruar jetë si pasojë e plagëve të marra.

Specialistët për Hetimin e Krimeve të Komisariatit të Policisë Fier kanë referuar materialet në Prokurori për vlerësim dhe veprime të mëtejshme

1...99100101...305Faqja 100 nga 305