Struktura e Posaçme Kundër Korrupsionit dhe Krimit të Organizuar (SPAK) ka lexuar pretencën për 17 të pandehur, të akuzuar për kultivimin e kanabisit në katër sera në zonën e Beratit gjatë viteve 2021–2022.
Organi i akuzës ka kërkuar në total 133 vite burg për të pandehurit. Ata po gjykohen me procedurë të shkurtuar, çka nënkupton se pritet të përfitojnë ulje të dënimit.
Për katër prej tyre, konkretisht Bashkim Mema, Drita Mema, Izmire Mema dhe Edison Mema, SPAK ka kërkuar pezullimin e dënimit me burg dhe vendosjen në shërbim prove për një periudhë 3-vjeçare.
Nga hetimet rezulton se sasia e kanabisit të kultivuar në këto sera arrinte nga 1.7 deri në 1.8 tonë.
