Rihapet dosja e masakrës e Kuçovës, ngjarje e ndodhur ne vitin 1997. Fran Marashi, i dënuar në mungesë me burgim të përjetshëm për këtë ceshtje, pas ekstradimit nga Kandaja, ka kërkuar rihapje te dosjes.
26 vjet pas ngjarjes, ku jane dhënë disa burgime të përjetshme, ai rikthehet për rigjykim në Gjykatën e Posaçme kundër Korrupsionit dhe Krimit të Organizuar.
Fillimisht ai iu drejtua me kërkesë Gjykatës se Tiranës per rihapje të ceshtjes, teksa kjo e fundit ia kaloi për kompetencë Gjykatës së Lartë e cila ka vendosur ta rikthejë për gjykim në Shkallën e Parë të GJKKO-së.
Këtë të martë Marashi mbërriti nga burgu i sigurisë së lartë ku mbahet në Peqin, para kësaj gjykate me gjyqtar Erjon Banin dhe prokuror Alfred Shehun.
Seanca u shty duke u lënë kohë në dispozicion që të njoftoheshin lidhur me rihapjen e procesit familjarët e viktimave.
Marashi ka pretenduar se është dënuar padrejtësisht dhe se në kohët kur gjykata ka dhënë vendimin, nuk ka pasur dijeni se ndaj tij zhvillohej një proces hetimor. Marashi do të deklaronte se dënimin dhe akuzat i kishte mësuar pasi ishte ekstraduar në Shqipëri teksa i ka mohuar ato.
Ai është ekstraduar nga Italia në vitin 2007, ndërsa dy vite më vonë, tentoi të arratisej nga burgu i Burrelit bashkë me Preng Lleshin, anëtar tjetër i bandës së Urës Vajgurore, veprim për të cilin do të deklaronte se e bëri për të tërhequr vëmendjen që procesi ndaj tij të rihapej. Ngjarja për të cilën akuzohet ka ndodhur më datë 17 qershor 1997, ku mbetën të vrarë 5 persona dhe u plagosën 6 të tjerë, të gjithë punonjës policie.
Të dënuar për masakrën janë:
1. Musa Protoduari, me burgim të përjetshëm
2. Shkëlqim Protoduari, me burgim të përjetshëm
3. Fran Marashi, me burgim të përjetshëm
4. Fatbardha Protoduari, me 25 vjet burg,
5. Sokol Ndreu
6. Gjovalin Ndreu
7. Preng Miri
8. Gjelosh Miri
