Kryeministri Edi Rama ka prezantuar këtë të shtunë një kapitull të ri për Mbrojtjen Civile në Shqipëri, gjatë një aktiviteti të zhvilluar në Farkë.
– Advertisement –
Në prani të ministrit të Mbrojtjes, Pirro Vengu, ministres së Punëve të Brendshme, Albana Koçiu, dhe ministrit të Shtetit për Pushtetin Vendor, Ervin Demo, Rama njoftoi masa të reja për forcimin e reagimit ndaj fatkeqësive natyrore dhe emergjencave.
Gjatë fjalës së tij, kryeministri theksoi se një nga pikat kyçe të këtij kapitulli të ri do të jetë ndalimi i ndërtimit në zonat e prekura nga zjarret.
“Për 30 vite nuk do të jepet asnjë leje ndërtimi në tokat që digjen.”-tha Rama, duke e cilësuar këtë si një masë parandaluese për të ndaluar shfrytëzimin e zjarreve për interesa ndërtimi.
