Kryeministri Edi Rama ka zhvilluar një konferencë të përbashkët për mediat me kryeministrin izraelit Benjamin Netanyahu, pas takimit mes dy delegacioneve.
Gjatë fjalës së tij, Rama vlerësoi bashkëpunimin mes Shqipërisë dhe Izraelit, veçanërisht në fushën e sigurisë dhe mbrojtjes, duke theksuar se marrëdhëniet mes dy vendeve po vijojnë të forcohen.
Ai u shpreh gjithashtu se Shqipëria mbështet përpjekjet ndërkombëtare për paqe dhe stabilitet në rajon, përfshirë nismat që synojnë zgjidhje afatgjata për situatën në Gaza.
Rama bëri të ditur se po punohet për zgjerimin e bashkëpunimit ekonomik dhe industrial, përfshirë edhe projekte në fushën e prodhimit të mbrojtjes, që sipas tij mund të kontribuojnë në rritjen e prodhimit “Made in Albania” edhe jashtë vendit.
Në fund, Kryeministri theksoi rëndësinë e turizmit dhe shkëmbimeve mes njerëzve, duke ftuar qytetarët izraelitë të vizitojnë Shqipërinë, të cilën e përshkroi si një vend mikpritës dhe të sigurt.
