Një aksident i rëndë rrugor ka ndodhur pak momente më parë në Rrugën e Kombit, në segmentin Milot–Rrëshen, pranë Urës së Zogut.
Sipas informacioneve paraprake, në aksident janë përfshirë një automjet tip “Mini Cooper” dhe një mjet tip “Volkswagen”, të cilat janë përplasur me njëra-tjetrën.
Si pasojë e përplasjes, katër persona kanë mbetur të lënduar. Të plagosurit janë transportuar me urgjencë drejt spitalit të Rrëshenit, ku po marrin ndihmë mjekësore.
Në vendngjarje ndodhen forcat e policisë, të cilat po punojnë për zbardhjen e rrethanave dhe shkaqeve të aksidentit, që deri më tani mbeten të paqarta.
