Qarkullimi rrugor në Tiranë dhe në zonat hyrëse e dalëse të saj është rënduar ndjeshëm ditët e fundit, pas mbylljes së përkohshme të autostradës Tiranë–Durrës, për shkak të punimeve të mirëmbajtjes të ndërmarra nga Autoriteti Rrugor Shqiptar.
Ky bllokim, që prek një nga akset më të frekuentuara të vendit, ka shkaktuar trafik të dendur dhe vonesa të gjata në disa nga rrugët kryesore të kryeqytetit, si dhe në segmentet lidhëse me zonat periferike.
Për të menaxhuar situatën, Policia Rrugore e Tiranës ka shtuar prezencën në terren, duke vendosur patrulla në pikat më problematike dhe duke koordiuar qarkullimin për të shmangur bllokimet totale.
Në një njoftim për mediat, policia u ka bërë apel drejtuesve të automjeteve që të tregojnë durim dhe kujdes, të respektojnë sinjalistikën dhe udhëzimet e efektivëve në terren, si dhe të përdorin rrugë alternative kur është e mundur.
