Era e fortë që ka përfshirë zonën e Llogarasë ka rrëzuar disa pemë, duke bllokuar përkohësisht qarkullimin e automjeteve në rrugën e kalimit malor. Si pasojë e kushteve të vështira atmosferike, janë dëmtuar edhe linjat elektrike, duke shkaktuar ndërprerje të energjisë në disa segmente të zonës.
Autoritetet dhe shërbimet përkatëse ndodhen në terren për pastrimin e rrugës dhe riparimin e dëmeve, ndërsa drejtuesit e mjeteve këshillohen të tregojnë kujdes të shtuar ose të shmangin lëvizjen deri në normalizimin e situatës.
