Policia greke në Volos ka arrestuar një 27-vjeçar shqiptar, i dyshuar për plagosjen e rëndë të një shtetasi vendas pas një konflikti.
Sipas autoriteteve, i riu e ka goditur viktimën në sy me një pistoletë ajrore gjatë një debati të ashpër, duke i shkaktuar lëndime serioze.
Autori u lokalizua dhe u ndalua gjatë orëve të mesnatës, teksa udhëtonte me automjet. Gjatë kontrollit, policia gjeti dhe sekuestroi një kartëmonedhë 50 euro të dyshuar si e falsifikuar.
Ndërkohë, gjatë kontrollit në banesën e tij, u zbuluan edhe armë të ftohta si dhe një sasi lënde e dyshuar narkotike.
Sipas mediave greke, ndaj 27-vjeçarit janë ngritur disa akuza, përfshirë plagosje të rëndë, armëmbajtje pa leje dhe qarkullim të monedhave të falsifikuara.
