Drejtoria Vendore e Policisë Fier ka referuar disa raste në Prokurori, ku kanë nisur procedime penale për shtetas të ndryshëm në Fier dhe Divjakë.
Në Fier, specialistët për Hetimin e Krimeve nisën procedimin penal ndaj shtetasit K. K., 41 vjeç, banues në fshatin Zhupan. Ai dyshohet se, për motive të dobëta, është konfliktuar me një shtetase dhe e ka kanosur duke i hedhur disa fishekë arme zjarri në oborrin e banesës së saj. Fishekët janë sekuestruar si provë materiale.
Ndërkohë, në Divjakë, u referuan materialet në Prokurori dhe nisi procedimi penal për dy shtetas: A. F., 54 vjeç, i cili u konstatua duke kryer punime ndërtimi pa leje, si dhe S. L., 67 vjeç, i dyshuar për kanosje ndaj një 59-vjeçari, gjithashtu për motive të dobëta.
Materialet procedurale i janë referuar Prokurorisë së Fierit për veprime të mëtejshme.
