Spitali Memorial prezanton me krenari mjeken kardiologe Dr. Eneida Mici, pjesë e stafit profesional që prej fillimeve të këtij institucioni shëndetësor. Me standarde të larta mjekësore, etikë profesionale dhe humanizëm, Dr. Mici ka dhënë një kontribut të rëndësishëm në ndërtimin e besimit dhe sigurisë për pacientët e rajonit të jugut.
E udhëhequr nga pasioni për kardiologjinë dhe dëshira për të ofruar kujdes shëndetësor cilësor, ajo shërben çdo ditë për pacientët ambulatorë, duke garantuar diagnostikim të saktë, trajtim bashkëkohor dhe ndjekje të vazhdueshme mjekësore.
Me përkushtimin, qetësinë dhe qasjen e saj njerëzore, Dr. Eneida Mici ka krijuar një lidhje të fortë besimi me pacientët, të cilët sot e kërkojnë dhe e vlerësojnë për profesionalizmin dhe kujdesin e personalizuar që ofron.
