Një 50-vjeçar është arrestuar nga policia në Vaun e Dejës, pasi ushtronte dhune në familje. P.L. 50 vjeç u kap pas njoftimit në polici për një rast dhune në familje.
Ky shtetas dhunonte bashkëshorten e tij dhe 4 fëmijët e mitur në banesën e tyre në fshatin Toplane. Gjithashtu ai i kishte kërcënuar edhe me mjete prerëse.
Policia e vuri në pranga në banesën e tij dhe sekuestroi një sëpatë dhe një thikë.
Njoftimi i Policisë:
Vau i Dejës
Dhunoi bashkëshorten dhe 4 fëmijët e tyre të mitur, si dhe i kanosi ata për jetën, me mjete prerëse, kapet në flagrancë dhe vihet në pranga 50-vjeçari.
Sekuestrohen 2 mjete prerëse (sëpatë dhe thikë).
Pas marrjes së njoftimit, mbrëmjen e djeshme, se një shtetas dhunonte dhe kanoste, bashkëshorten dhe 4 fëmijët e mitur, në banesën e tyre, në fshatin Toplane, shërbimet e Komisariatit të Policisë Vau i Dejës kanë organizuar punën dhe kanë shkuar në vendngjarje.
Si rezultat është kapur në flagrancë dhe është vënë në pranga autori i rastit, shtetasi P. L., 50 vjeç.
Gjithashtu, janë sekuestruar në cilësinë e provës materiale, 2 mjete prerëse (sëpatë dhe thikë), me të cilat i arrestuari kanoste për jetën, bashkëshorten dhe fëmijët.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
