Blegtorët prodhues të qumështit kanë njoftuar zhvillimin e një proteste ditën e martë, më 7 prill, në orën 10:00.
Sipas njoftimit, ata do të mblidhen para institucioneve kryesore në Tiranë, përkatësisht pranë Ministrisë së Bujqësisë, Ministrisë së Financave dhe Kryeministrisë.
Ende nuk janë bërë publike në detaje kërkesat e tyre, por protesta pritet të lidhet me problematikat që po has sektori i blegtorisë, veçanërisht në lidhje me çmimin e qumështit dhe kostot në rritje të prodhimit.
Blegtorët kanë ngritur vazhdimisht shqetësime për vështirësitë ekonomike dhe mungesën e mbështetjes, ndërsa kjo protestë shihet si një tjetër përpjekje për të tërhequr vëmendjen e institucioneve përgjegjëse.
