Partia Socialiste në qarkun e Fierit ka zhvilluar mbledhjen e Asamblesë së zgjeruar, duke shënuar nisjen e një faze të re riorganizimi dhe rienergjizimi të strukturave. Drejtuesja politike e qarkut, Belinda Balluku, e cilësoi fitoren në Fier si një moment besimi të qytetarëve, por edhe si një përgjegjësi për të vijuar punën më afër komunitetit.
Gjatë fjalës së saj, Balluku theksoi se objektivi kryesor mbetet forcimi i Partisë Socialiste në terren dhe rritja e komunikimit të drejtpërdrejtë me qytetarët. Sipas saj, strukturat e PS do të jenë çdo ditë pranë njerëzve, për të dëgjuar shqetësimet dhe për të ndërtuar politika që i përgjigjen nevojave reale të komunitetit.
Ajo nënvizoi se forca e Partisë Socialiste buron nga mbështetja qytetare, duke shtuar se angazhimi do të vijojë për të qenë më të bashkuar dhe më efikasë në përfaqësimin e interesave të qytetarëve të qarkut Fier.
