GJKKO ka rrëzuar kërkesën e presidentit të PL, Ilir Meta për të lënë qelinë.
Meta kërkoi zëvendësimin e masës kundrejt një garancie financiare prej 50 mijë euro. Ofertë e cila u hodh poshtë nga trupa e gjyqtarëve.
Presidenti i PL nuk ishte i pranishëm në seancë, por u përfaqësua nga avokati mbrojtës Kujtim Cakrani. Ky i fundit tha se do të ankimojë vendimin e GJKKO, duke shtuar se beteja nuk përfundon këtu.
Ilir Meta mbahet në burg prej 21 tetorit 2024, ndërsa mbi të rëndojnë disa akuza nga SPAK si shpërdorim detyre, korrupsion, fshehje pasurie dhe pastrim parash.
