Një shpërthim eksplozivi ka tronditur mbrëmjen e së premtes qytetin e Vlorës. Ngjarja ndodhi rreth orës 23:38, në rrugën “Ali Demi”, ku lënda plasëse ishte vendosur në portën e jashtme të banesës së shtetases B. Z., 63 vjeçe.
Sipas njoftimit zyrtar të Policisë, nga shpërthimi ka pasur vetëm dëme materiale dhe asnjë person nuk është lënduar. Forcat blu kanë shkuar menjëherë në vendngjarje, ndërsa nën drejtimin e Prokurorisë po vijon puna për identifikimin dhe kapjen e autorëve, si edhe për dokumentimin e plotë të kësaj ngjarjeje.
Materialet hetimore i janë referuar Prokurorisë për veprime të mëtejshme.
