Drejtoria Vendore e Policisë Fier bën me dije se, gjatë 24 orëve të fundit, specialistët për Hetimin e Krimeve të Komisariateve në Fier, Lushnjë dhe Mallakastër kanë referuar materialet procedurale në Prokurori, duke nisur procedime penale ndaj disa shtetasve për vepra të ndryshme penale.
Në Fier:
- Ka nisur procedimi penal ndaj shtetasit K. R., 50 vjeç, banues në Fier, pasi dyshohet se ka ushtruar dhunë ndaj bashkëshortes së tij.
- Shtetasit P. R., 70 vjeç, G. R., 62 vjeç dhe N. R., 57 vjeç po procedohen për veprën penale “Projektimi, mbikëqyrja, zbatimi ose kolaudimi i paligjshëm i ndërtimeve”.
- Ndaj shtetasit S. N., 48 vjeç është nisur procedim për veprën penale “Ndërtimi i paligjshëm”.
Në Lushnjë:
- Ka filluar procedimi penal për shtetasin E. R., 31 vjeç, banues në Lushnjë, pasi dyshohet se ka përndjekur një shtetase me inicialet M. V.
Në Mallakastër:
- Procedim penal ndaj shtetasit M. A., 36 vjeç, banues në fshatin Drenovë, i cili dyshohet se për motive të dobëta ka goditur me send të fortë një shtetas 67 vjeç.
Ndërkohë, është bërë edhe kallëzim për largim nga banesa. Shtetasja V. K. ka raportuar se më datë 14.07.2025, është larguar nga banesa bashkëshorti i saj, J. K., 41 vjeç. Policia po punon për gjetjen e tij.
Të gjitha materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
