Në një mbledhje që ka prodhuar dhjetra vendime të rëndësishme, Qeveria gjithashtu ka miratuar edhe vënien në dispozicion të një fondi prej 3 miliardë lekësh për të garantuar huatë që do të jepen nga bankat tregtare për sektorin bujqësor.
Garancia shtetërore do të ofrohet në favor të 11 bankave të nivelit të dytë. Qëllimi i kësaj skeme është të lehtësojë aksesin në financim për subjektet që operojnë në bujqësi, një sektor me rëndësi strategjike për ekonominë kombëtare, duke ulur rrezikun për institucionet financiare dhe duke nxitur investimet në prodhim, përpunim dhe teknologji bujqësore.
