Policia e Tiranës ka dalë më një njoftim zyrtar në lidhje me vrasjen e 37-vjeçares Amanda Pushani. Ngjarja ka ndodhur ditën e djeshme në rrugën “Hajdar Hidri”, ku fillimisht është raportuar si vdekje natyrale nga familjarët. Por nga hetimet e thelluara dhe pas kryerjes së autopsisë u zbulua se 37-vjeçarja kishte ndërruar jetë si pasojë e plagëve të shkaktuara nga një mjet prerës.
Sakaq u arrestua motra e saj, Marsela Pushani, e cila pas një konflikti ka qëlluar me thikë 37-vjeçaren.
Njoftimi i policise:
Tiranë
Ditën e djeshme, rreth orës 11:40, është marrë njoftim se në rrugën “Hajdar Hidri”, shtetasja A. P., 37 vjeçe, kishte ndërruar jetë dyshohet për shkaqe natyre.
Pas marrjes së njoftimit, Shërbimet e Policisë kanë kaluar menjëherë në vendngjarje, dhe pas konstatimit të trupit të pajetë të shtetases A. P., 37 vjeçe, e cila fillimisht është raportuar si vdekje natyrale nga familjarët, kanë vijuar veprimet hetimore të thelluara në lidhje me rastin, për të bërë të mundur zbardhjen e rrethanave të ngjarjes.
Pas kryerjes së autopsisë ka rezultuar se shtetasja A. P., 37 vjeçe, ka ndërruar jetë si pasojë e plagëve të marra nga një mjet prerës.
Në vijim të veprimeve, specialistët e Sektorit për Hetimin e Krimeve të Rënda arrestuan shtetasen M. P., 40 vjeç, (motrën e saj), banuese në Tiranë, për veprën penale “Vrasja për shkak të marrëdhënieve familjare”, pasi ditën e djeshme, gjatë një konflikti ka goditur me mjet prerës shtetasen A. P., e cila si pasojë e plagëve të marra, ka ndërruar jetë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.