The Guardian ka botuar një artikull ku i bën jehonë bumit turistik në vendin tonë.
Artikulli:
Kryeministri Edi Rama ndezi ‘debatin’ duke u mburrur në rrjete sociale për pushtimin e gati gjysmë milioni të turistëve italinë.
Por ai ngjalli reagime të shumta edhe për faktin se krahasoi një foto të një trageti ku bëhej krahasimi me dyndjen e turistëve italianë në Shqipëri, por që në fakt më pas u sqarua se ishte një foto e vjetër që i përkiste emigrantëve shqiptarë që u larguan në Itali në gusht të vitit 1991.
Ishte kryeministri Edi Rama ai që i bëri një ftesë homologes italiane Giorgia Meloni, kjo e fundit vizitoi Vlorën bashkë me familjen.
Italianët dhe turistë të tjerë europianë kanë zgjedhur Shqipërinë, një nga vendet më të varfra të Europës, imazhi i së cilës është përlyer prej kohësh nga korrupsioni dhe krimi i organizuar.
Po, ata tërhiqen nga plazhet dhe malet. Por ata janë kryesisht të magjepsur, siç pranon Rama, nga kostot e lira të vendit.
Pushuesit italianë, veçanërisht ata në Pulia, janë acaruar gjithnjë e më shumë këtë verë nga kostot e tepruara në vendin e tyre dhe për këtë arsye ata janë nisur drejt rivierës Shqiptare.
Ndërsa numri i turistëve të huaj në Itali është rritur këtë vit krahasuar me vitin 2022, udhëtimet e brendshme janë ulur deri në 30%, sipas shifrave të këtij muaji nga shoqata e turizmit, Federturismo.
“Çmimet më të ulëta këtu padyshim që e bëjnë magjinë e tyre, por mendoj se është më shumë se vetëm çmimet”, tha Rama.
“Shqipëria ka hequr qafe më në fund stigmën e tmerrshme të viteve ’90 që na persekutoi për kaq shumë vite. Shqipëria është tashmë destinacioni i ri turistik që do të zbulohet në Mesdhe.”
Rama është fokusuar shumë te turizmi vitet e fundit. Shqipëria po bëhet gjithashtu gjithnjë e më e popullarizuar për turistët për skenën e saj të festave. Shtypi italian e krahason atë me Riminin në vitet 1960.
“Ky është viti i parë që Tirana është e mbushur me njerëz gjatë gjithë vitit, me shumë të rinj që vijnë për të shijuar jetën e natës,” tha Frenkli Prengaj, menaxher i agjencisë turistike Discover Albania.
“Është plot me italianë, spanjollë dhe anglezë. Shqipëria sot ofron një shërbim turistik më të mirë se sa, të themi, pesë apo 10 vjet më parë.
Por italianët nuk po e zgjedhin Shqipërinë vetëm si vend pushimi por edhe për të jetuar, për shkak të taksave më të ulëta dhe jetesës më të lirë.
Disa njerëz e gjetën ofensivë postimin e Ramës që krahasonte turistët italianë me shqiptarët e arratisur në vitet ’90, por kryeministri më pas sqaroi kuptimin e fotografisë së postuar.
“Njerëzit që nuk mund të buzëqeshin dhe ta marrin veten shumë seriozisht, humbasin një pjesë të madhe të dhuratës së mrekullueshme të jetës,” tha Rama.
“Por pavarësisht kësaj pakice të zhurmshme, postimi shpreh një moment emocionues në rrugëtimin tonë drejt një të ardhmeje më të ndritshme. Tridhjetë vjet më parë ne po shpëtonim nga ferri dhe u shfaqëm në brigjet italiane duke u dukur si të huaj nga një planet tjetër.
Në ditët e sotme italianët po shfaqen në brigjet tona… duke pushtuar Shqipërinë butësisht dhe ëmbël.
