Informacion paraprak
Në Spitalin Rajonal Shkodër, është dërguar për ndihmë mjeksore shtetasja S. H., 23 vjeçe, banuese në Shkodër, e cila më pas ka humbur jetën.
Nga veprimet e para hetimore dyshohet se kjo shtetase ka humbur jetën, si pasojë e konsumimit të lëndës helmuese fotoksinë.
Grupi hetimor nën drejtimin e Prokurorisë vijon punën për sqarimin e rrethanave dhe dokumentimin e plotë ligjor të këtij rasti.
Pak minuta me pare tre autoambulanca dhr forca policore kane shkuar brenda ambienteve te kompanise koreane “YURA” pasi dyshohet se jane asfiksuar nga lendet kimike gjate procesit te punes qe kryhen brenda kesaj kompanie qe ushtron aktivitetin prej gati 5 vitesh, dhe operon ne sektorin e pajisjeve elektrike per automjetet.
Prej disa ditesh kompania ka nisur nje proces me perberes te rinj kimik qe kan sjell acarim te fytit te punonjesit por skane asnj rrezik per shendetin.
Partia Socialiste është në fazën e angazhimit për anëtarësimet e reja dhe garantimin e balancës gjinore në disa zona ku ka problematika. Kështu deklaroi kryesocialisti Edi Rama, pas mbledhjes së Asamblesë Kombëtare të PS-së që u zhvillua online.
I pyetur nëse do të ketë ndryshime të drejtuesve politikë në qarqe, Rama tha se ndryshimet janë pjesë e partisë, por theksoi se megjithatë sheh angazhim pozitiv.
“Jemi në fazën e angazhimit për anëtarësimet e reja dhe balancës gjinore në disa zona, organizata në çdo qark që kanë probleme të balancës gjinore. Ka pika të caktuara, kryesisht në zona rurale ku duhet pak më shumë punë për të garantuar pjesëmarrje të balancuar gjinore. Ndryshimet janë pjesë e jetës së PS, ndaj edhe PS është parti fituese, sepse nuk pret ta ndryshojnë të tjerët, por ndryshon vetë. Por ky nuk është qëllimi në vetëvete sepse unë shoh angazhim pozitiv dhe sistemi ynë që ka një komponent më të zhvilluar digjital ka pasqyra që flasin vetë. Në Asamblenë e Përgjithshme ka pasur plot kritika dhe vetëkritika, sot ishte dita për të reflektuar mbi to dhe për të vazhduar punën. Reflektimi ka qenë shumë pozitiv nga të gjithë sepse është edhe çështje natyrash, mobilizimi me të gjithë trupën. Ka lojtarë që hyjnë menjëherë në lojë, lojtarë që duan pak nxemje, pro rëndësi ka që skuadra është shumë e motivuar dhe padiskutim që nuk kemi asnjë problem serioz në këtë fazë. Sa i takon opozitës, në fakt nuk është opozita janë konglomerate, grupe dhe realisht nuk kam asnjë interes”, tha Rama.
I pyetur mbi situatën në Parlament dhe faktin që ligjet miratohen brenda pak minutave, Rama u shpreh se për shkak se nuk ka kushte normale që ato të debatohen paraprakisht.
“Ligjet kalojnë në një kohë shumë të shkurtër sepse nuk ka në sallë kushte për të kaluar në një kohë të gjatë, dmth kohën e nevojshme për të debatuar, për t’u ballafaquar, pro sa kohë nuk ka kushte normale që nuk vijnë nga ne, ligjet do kalojën ashtu siç kalojnë sepse ligjet nuk i ndalon dot askush”, theksoi kryesocialisti.
Nga sektori i narkotikëve pranë Drejtorisë së Sigurisë së Athinës, u çmontua një organizatë kriminale që ushtronte aktivitet në furnizimin, magazinimin, falsifikimin, standardizimin dhe trafikimin e mëtejshëm të lëndëve narkotike në ishullin e Santorinit në Greqi dhe kryesisht në lokalet e natës në ishull gjatë muajve të verës.
Për t’i dhënë fund veprimtarisë kriminale, u u krye një operacion në shkallë të gjerë, në kuadër të të cilit 4 anëtarë të grupit u arrestuan. Ndaj anëtarëve të mësipërm të arrestuar dhe një anëtari tjetër, aktualisht i paraburgosur u ngritën akuza për themelim dhe anëtarësim në organizatë kriminale, shkelje të legjislacionit për substancat e varësisë, për shkelje të legjislacionit për armët dhe dhunë ndaj punonjësve.
Rrjeti kriminal ishte i strukturuar në mënyrë hierarkike me një infrastrukturë profesionale dhe kishte hartuar një plan veprimi metodik dhe të detajuar, duke siguruar funksionimin e pandërprerë të të gjitha fazave të veprimtarisë (furnizim, magazinim, falsifikim, standardizim dhe trafikim) për përfitimin sa më të madh.
Në prangat e policisë greke ranë shqiptarët Sulo Tahaj, 26 vjec dhe vëllai tij Genci Tahaj, 30 vjec nga Fieri, Fatmir Caushaj 36 vjec nga Tirana, Renson Marra, 24 vjec nga Kuçova dhe shtetasja ukrainase Anastasiya Ivanichenko, 30 vjec, aktualisht e paraburgosur në Koridhalo. Në kërkim u shpall Hekuran Gremi, 29 vjec nga Patosi si dhe po punohet për identifikimin e 16 personave të tjerë.
Rolet e anëtarëve të organizatës ishin ndarë si më poshtë:
26-vjeçari Sulo Tahaj ishte drejtuesi i organizatës, përgjegjës për orientimin e plotë të anëtarëve të tjerë për transportin e drogës nga Athina në Santorini, standardizimin dhe ruajtjen e sasive në vende të fshehta në ishull për përfundimin e tyre me shpërndarjen në klubet e natës në ishull ose tek trafikantët e tjerë.
30-vjeçari Genci Tahaj ishte nëndrejtues, duke marrë pjesë aktive në menaxhimin dhe organizimin e grupit me fokus menaxhimin e të ardhurave të tij dhe përfitimet e pritshme.
36-vjeçari Fatmir Caushaj mori përgjegjësitë e drejtuesit dhe nënkryetarit të organizatës kur vellezërit Tahaj ndodheshin në Shqipëri.
30-vjeçarja Anastasiya Ivanchenko ishte përgjegjëse për transportin e drogës nga Athina në Santorini.
24-vjeçari Renson Marra ishte përgjegjës për gjetjen e lëndës narkotike dhe për “rekrutimin” e transportuesve të organizatës.
Pas përdorimit të duhur të informacionit, krijimit të profileve të anëtarëve të përfshirë në organizatë dhe verifikimit të ambienteve me të cilat ata ishin të lidhur, u kryen kontrolle në një magazinë dhe në tre shtëpi, ku u gjetën dhe sekuestruan 336 gramë kokainë, 2 kg 43 gramë marijuanë, 295 tableta “Ecstazy”, 1 pistoletë, 60 fishekë, 1 thikë, 24.890 euro, 9.050 pesos uruguaiane, 182 dollarë amerikanë, 100 dollarë australianë, 5 paund britanikë, 3 peshore elektronike, pajisje elektronike për evakuimin e ajrit dhe paketimin e drogës, një mori ambalazhesh najloni dhe 7 mjete për kryerjen e veprave kriminale të grupit (2 furgona për transportin e turistëve, dy automjete dhe 2 motoçikleta).
Bëhet me dije se disa anëtarë punonin në transportin e turistëve me automjete tip furgon dhe po përfitonin nga ky aktivitet për të kërkuar klientë.
Nga marrja në konsideratë e të gjitha të dhënave të hetimit, vlerësohet se fitimet e realizuara nga organizata i kalojnë 102.000 euro.
Të arrestuarit u dërguan në Prokurorinë e Qarkut Naxos.
Ministri i Drejtësisë, Ulsi Manja tha se asnjë prej çështjeve që trajtohen nga SPAK dhe GJKKO nuk preken nga Amnistia Penale, e cila pritet të miratohet të enjten në Kuvend.
“Dje në komisionin e ligjve ka kaluar pr. ligji për amnistinë, i cili tashmë do t’i drejtohet seancës ku pritet të marrë 84 vota, dua të falënderoj deputetë e komisionet të Ligjeve, por dua të jemi të qartë, pr. ligji ka dy komponentë amnistinë nga dënimi dhe ndjekja penale. Flitet për lëndë dhe çështje që janë në duart e prokurorisë ose janë ende pa u gjykuar nuk ka amnisti mbi ndjekjen penale për asnjë nga veprat që po gjykohet në GJKKO, amnisti mbi ndjekjen penale apo mbi të gjitha veprat që janë në duart e prokurorisë deri në 2 vite burgim, ka përjashtime, nuk do të amnistohen pavarësisht veprave që kanë të bëjë me nderin apo dhunën në familje, apo dhuna mbi bazë gjinore. Ka një kategori të dënuarish që nuk përfitojnë, kategoria e të dënuarve që nuk përfitojnë për shkak të disa kufizimeve për të cilat janë dënuar kemi ndjekur traditën që zbresin një vit nga dënimi të gjithë të dënuarve burra dhe 1.5 gra. Ky ishte drafti, në komision ka pasur amendamente dhe prandaj shkohet, një nga propozimet ishte që në kategorinë e të dënuarve që nuk përfitojnë nga amnistia, e të dënuarve nga GJKKO me vendim të formës së prerë, argumenti ka qenë që nëpërmjet këtij rregulli dhe parimi të sigurohet neni 18,. Pika1, barazia para ligjit, i dënuar për të njëjtën vepër i ulet 1 vite për burrat, i njëjti për të njëjtën vepër thjesht se është dënuar nga GJKKO, mbi dënimin dhe veprat dhe nuk lidhet me kompetencat e gjykatës, qëndrimi ynë ka qenë shumë i qartë, ajo që dua të them, nuk ka amnisti për asnjë nga çështjet dhe lënda që sot është në duart e Prokurorisë së Posaçme përveç disa veprave të lehta siç janë kundravajtje penale”, tha ministri.
“Nuk e kam ndjekur por amnistia është akt i sovranit, është mëshirë dhe humanizmi. Një nga parimet kryesore është mbrojtja e interesit publik. Ne kemi ndjekur traditën në miratimin e ligjeve të tilla. Nuk më vjen mirë të prishet kjo traditë. Mbi 700 të dënuar presin nga kjo votë e deputetëve të kuvendit të Shqipërisë si një votë humanzimi dhe dëshire. Bëhet fjalë për një amnisti që iu fal një pjesë të dënimit, pasi e kanë arritur edukimin dhe parlamenti u jep një mundësi që të shkojnë pranë familjeve të tyre.
Do më vinte keq nëse vota e deputetëve do të kondisionohet nga agjenda të vogla politike. Edhe deputetët e opozitës shkojnë në zonat e tyre. Shpresoj dhe besoj se secilët nga deputetët t’u japin mundësinë të shkojnë në shtëpi.
Aministi kur janë arritur qëllimet e dënimeve duhet të bëjmë çdo vit. Burgjet janë të mbingarkuara por nuk është ky qëllimi kryesor i kësaj amnistie.
E shoh si një moment për ta shfrytëzuar në agjenda të vogla. Të dënuarit nuk ndahen në të bardhë e të zinj, janë qytetarë që kanë marrë dënimin. Janë pjesëtarë të kësaj shoqërie, dora e shtrirë duhet të jetë për secilin prej tyre”, tha Manja.
Policia e Fierit njofton se ka proceduar penalisht një 19-vjeçare dhe një 17-vjeçare, pasi janë konfliktuar me një tjetër 17-vjeçare.Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
DVP Fier/Vihen në pranga 2 shtetas dhe procedohen në gjendje të lirë 4 të tjerë, për vepra penale të ndryshme.
Specialistët e Sektorit të Policisë Rrugore të DVP Fier arrestuan në flagrancë shtetasit:
-P. N., 55 vjeç, banues në Fier, pasi ditën e djeshme, në aksin rrugor “Fier – Patos”, automjeti që drejtonte ky shtetas, në gjendje të dehur, është përplasur me automjetin me drejtues shtetasin L. Xh.. Nga përplasja ka patur vetëm dëme materiale;
-Q. I., 29 vjeç, banues në fshatin Zhamë, pasi u kap duke drejtuar automjetin, në gjendje të dehur.
Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi në gjendje të lirë për shtetasit:
-A. E., 48 vjeç, banues në Fier, pasi dyshohet se ka kanosur për shkak të detyrës, një mjek;
-E. Sh., 19 vjeçe dhe për një 17-vjeçare, të dyja banuese në Fier, pasi dyshohet se për motive të dobëta janë konfliktuar fizikisht, me një shtetase 17 vjeçe.
Specialistët për Hetimin e Krimeve të Komisariatit të Policisë Divjakë referuan materialet në Prokurori ku nisi procedimi në gjendje të lirë për shtetasin J. M., banues në Divjakë, pasi dyshohet se për motive pronësie, ka kanosur një shtetas.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Kuçovë
Finalizohet pas 2 muajsh hetime me metoda proaktive, operacioni policor i koduar “Show”.
Operacioni, nga Komisariati i Policisë Kuçovë, në bashkëpunim me Komisariatin e Policisë Sarandë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Berat.
Shfrytëzonin një të mitur 10 vjeç, me qëllim përfitimin nga rrjeti social TikTok, duke postuar video të tij, me fjalë denigruese dhe banale, vihen në pranga 2 shtetas (babai dhe gjyshja e të miturit).
Specialistët e Seksionit për Hetimin e Krimeve të Komisariatit të Policisë Kuçovë, pas kallëzimit të marrë në muajin dhjetor 2023, nga shtetasja E. A., se ish-bashkëshorti i saj dhe nëna e tij, postonin në rrjetin social TikTok, video ku shfaqej djali i saj i mitur 10 vjeç, duke përdorur fjalë denigruese dhe banale, menjëherë kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Berat, e cila regjistroi procedimin penal për këtë rast.
Si rezultat i hetimeve dymujore me metoda proaktive, u bë shpallja në kërkim e shtetasve A. K. dhe N. R.
Pas sigurimit të inteligjencës policore, nga specialistët për Hetimin e Krimeve të Komisariatit të Policisë Kuçovë, për vendndodhjen e këtyre 2 shtetasve, u organizua në bashkëpunim me Komisariatin e Policisë Sarandë, operacioni policor i koduar “Show”.
Në kuadër të operacionit, u kapën në Sarandë, 2 shtetasit e shpallur në kërkim, të cilët më pas u shoqëruan në Komisariatin e Policisë Kuçovë, për veprime të mëtejshme procedurale.
Në përfundim të veprimeve të kryera në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Berat, specialistët për Hetimin e Krimeve të Komisariatit të Policisë Kuçovë kanë ndaluar shtetasit A. K., 44 vjeç dhe N. R., 67 vjeçe, të dy banues në Sarandë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
