Një megaoperacion ndërkombëtar antidrogë është duke u zhvilluar nga policia shqiptare në bashkëpunim me Guardia di Finanza italiane dhe DEA-n amerikane.
Mësohet se gjatë operacionit është goditur një grup kriminal me bazë në Fushë-Kuqe, të Kurbinit.
Mësohet se trafikantët i kanë vënë flakën një veliere kur janë afruar forcat e policisë, në të cilën kanë qenë dhe pakot me drogë.
Gjatë operacionit janë shoqëruar 10 persona nga të cilët 6 janë arrestuar.
Po ashtu në pranga kanë rënë edhe shtetas të huaj.
Sipas burimeve ata po shkëmbenin kanabis me heroinë dhe kokainë.