Ashtu siç ishte parashikuar, vendi ynë është “pushtuar” nga reshjet e shiut, pas ditëve të nxehta.
Edhe qyteti bregdetar i Vlorës është përfshirë në një stuhi shiu, ku pushuesit nuk kanë mundur të bëjnë plazh. Edhe ata që kanë preferuar të shkojnë herët, janë kthyer në shtëpitë e tyre.
Si pasojë ka pasur edhe trafik të rënduar.
Ndërsa deti është i qetë, dy tragete kanë mbërritur në port pa probleme, dhe dy të tjerë do të nisen.
Shiu vjen pas temperaturave ekstrem të valës afrikane që përjetoi vendi ynë. Gjithsesi moti i keq nuk do të zgjasë shumë pasi fillimi i javës tjetër pritet të jetë me mot të mirë, ku pushuesit e Vlorës, por jo vetëm, mund të shijojë plazhin dhe rrezet e diellit.
Policia Kufitare e Vlorës dhe Njësia Policore Detare, përgjatë ditës së sotme, kanë kaluar në gatishmëri të plotë dhe do të jenë prezente me shërbime nga toka dhe deti, në funksion të rritjes së sigurisë së pushuesve.
