Pezullohen 90 leje drejtimi ne Fier per shpejtesi tej normave te lejuara...

Pezullohen 90 leje drejtimi ne Fier per shpejtesi tej normave te lejuara dhe perdorim te alkoolit

781
SHPËRNDAJE

📍Fier

Kontrolle nga Policia Rrugore e Fierit, në drejtim të shkeljeve që janë burim aksidenti.

Edhe gjatë javës që lamë pas, Policia Rrugore ka intensifikuar kontrollet, me qëllim evidentimin dhe ndëshkimin e shkelësve të Kodit Rrugor.

Janë konstatuar duke drejtuar mjetet pa leje drejtimi, 6 shtetas, të cilët janë proceduar penalisht.

Gjithashtu, nga shërbimet e Policisë Rrugore Fier u kap një shtetas i shpallur në kërkim, i dënuar me 1 vit e 8 muaj burgim, për veprën penale “Mashtrimi”.

Janë proceduar administrativisht gjithsej 2268 drejtues mjetesh.

823 drejtues mjetesh janë proceduar administrativisht për tejkalim të normave të shpejtësisë.

Janë proceduar administrativisht 185 drejtues mjetesh, për përdorim të aparatit celular gjatë drejtimit të mjetit.

205 drejtues mjetesh janë proceduar administrativisht për mosvendosjen e rripit të sigurimit.

Janë vendosur 395 masa administrative për parakalime të gabuara.

Janë pezulluar 88 leje drejtimi për shpejtësi tej normave të lejuara dhe 2 të tjera për drejtim automjeti, nën efektin e alkoolit apo në gjendje të dehur.

Janë vendosur 25 masa administrative për drejtim të motomjetit pa kaskë mbrojtëse.

Gjithashtu janë vendosur 564 masa të tjera administrative për shkelje të rregullave të ndryshme qarkullimit rrugor.

Policia Rrugore e Fierit do të vijojë kontrollet në të gjitha akset rrugore urbane, interurbane dhe rurale, për të gjitha kategoritë e mjeteve, me qëllim parandalimin e aksidenteve rrugore.

Drejtoria Vendore e Policisë Fier falënderon drejtuesit e mjeteve dhe këmbësorët që respektojnë rregullat e qarkullimit rrugor dhe apelon për më shumë rregull e siguri në rrugë, në favor të jetës dhe të shëndetit të qytetarëve.

S'KA KOMENTE