Përplasja me armë në Athinë, policia greke deklaratë zyrtare, roli i gruas...

Përplasja me armë në Athinë, policia greke deklaratë zyrtare, roli i gruas që ishte në makinë me 48-vjeçarin, 5 persona të shoqëruar

943
SHPËRNDAJE

Policia greke ka dalë me deklaratë zyrtare për ngjarjen e ndodhur ditën e djeshme në Patisia, ku si pasojë kanë mbetur të vdekur 3 shtetas 48, 46 dhe 23 vjeç, është arrestuar një shtetase femër, 43 vjeç dhe 2 efektivë policie po trajtohen te plagosur.

Sipas policisë helene, mbrëmjen e djeshme në zonën e Patisias, një shtetas 48-vjeçar duke drejtuar një makinë, me pasagjere një shtetase 43-vjeçare, ka qëlluar me armë në drejtim të një grupi personash duke goditur me makinë edhe njërin prej tyre, 23 vjeç. Më pas shtetasja 43-vjeçare ka marre drejtimin e mjetit duke goditur sërish 23-vjeçarin, ndërsa 48 vjeçari është arratisur në këmbë dhe nën kërcënimin e armës, i ka marrë makinën një personi që kalonte aty dhe është nisur drejt zonës së Axarnin. 

Më pas, ai ka hyrë në një dyqan të kujdesit shëndetësor dhe i ka marrë me armë pronarit një shumë parash. Duke dalë nga dyqani, ai është pikasur nga oficerët e policisë, të cilët kanë tentuar ta kontrollojnë. 48-vjeçari ka qëlluar drejt tyre duke plagosur njërin në gjoks dhe këmbë dhe të dytin në këmbë. Në këtë kuadër, policia i është kundërpërgjigjur zjarrit duke e qëlluar për vdekje. Deri më tani janë sekuestruar dy pistoleta, 3 vetura dhe një motoçikletë dhe pesë persona të tjerë po merren në pyetje. Hetimet janë në vazhdim dhe pas përfundimit do të ketë një përditësim.

S'KA KOMENTE