Përplasi për vdekje vogelushen 7-vjeçare, Gjykata e Vlorës lë në burg Arjan...

Përplasi për vdekje vogelushen 7-vjeçare, Gjykata e Vlorës lë në burg Arjan Tasen.

110
SHPËRNDAJE

Gjykata e Vlorës ka dhënë masën e sigurisë ‘arrest me burg’ për komisarin e policisë Arjan Tase, i cili përplasi me skaf 7-vjeçaren Jonada Avdia, 4 ditë më parë në plazhin e Potamit në Himarë.

Ka qenë prokurorja Erida Lazaj, ajo që ka kërkuar ndryshimin e akuzës ndaj Tases, nga vrasje nga pakujdesia, që referoi AMP, në ”vrasje me dashje ne rrethana indirekte”.

Vetë Tase nuk ka folur në seancën e masës së sigurisë që drejtohej nga gjyqtarja Viola Canaj, por më herët i ka thënë avokatit mbrojtës, se nuk e kishte parë vogëlushen pas skafit.

Tase pretendon se mjeti ka pësuar një defekt, në momentin kur ka qenë duke marrë familjarët e tij, gruan, nënën dhe dy fëmijët, të cilët do ti nxirrte për shëtitje në det.

Arjan Tase përplasi me skaf 7-vjeçaren Jonada Avdia, e cila ishte kthyer për pushime së bashku me prindërit e saj në bregdetin e Himarës.

Tase, i cili vrau me skafin e tij vogëlushen Jonada, arriti të mundë sistemin e drejtësisë, prokurorinë dhe policinë në vetëm një muaj, pasi më herët ishte pezulluar nga detyra si shef i komisariatit të Himarës, pasi në territorin që ai mbulonte në datën 3 tetor 2020 gjatë një monitorimi me avion të Guardia Di Finanza u pikas një parcelë me 6690 rrënjë kanabis.

Droga ishte e mbjellë në zonën e Vranishtit pjesë e bashkisë së Himarës. Por prokuroria e Vlorës për shkak të disa veprime të tjera hetimore me datë 13 dhjetor 2020 vendosi të kryejë arrestime dhe ndalime për këtë operacion.

Me vendimin të gjykatës së Vlorës numër 299 datë 13 dhjetor për Arjna Tase është caktuar masa e sigurimit personal pezullim të ushtrimit të detyrës ose shërbimit publik.

Mbi të ishte ngritur akuza e shpërdorimit të detyrës pasi nuk kishte marrë masa që trafikantët të mbillnin drogë.

Këtu fillon edhe kapitullimi i sistemit të drejtësisë në këtë çështje. Gjykata e Apelit Vlorë vetëm 23 ditë më vonë në datën 6 janar 2021 ndryshon vendimin për Arjan Tasen. Sipas vendimit numër 60 të kësaj date ndaj shefit të komisariatit të Himarës është caktuar masa e detyrimit për t’u paraqitur në prokurori.

Mbi këtë vendim është ndërprerë edhe pezullimi disiplinor i Arjan Tases nga policia dhe më pas ai është rikthyer në detyrë sërish.

Sipas burimeve, në këtë kjo dosje u hetua nga ish-prokurori Maksim Sota , i cili u arrestua në Korrik të 2021 gjatë operacionin “shpirti”.

Sipas SPAK ai kishte ndihmuar trafikantët e kanabisit në qytetin e Vlorës.

Në këtë kohë policia e shtetit drejtohej nga Ardi Veliu.

Pavarësisht vendimit të gjykatës ish-drejtori i përgjithshëm Veliu mund të kishte përdorur mekanizma të tjera që ia njeh ligji për ta mbajtur të paktën të pezulluar Arjan Tasen.

Me këto zhvillime brenda një muaji fati i hetimeve për Arjan Tasen dukej i vendosur .

Në prill të 2021 prokuroria e Vlorës dërgon dosjen në gjykatë për gjykim dhe në 40 personat e arrestuar apo të cilët ishin nën hetim mungonte vetëm emri i Arjan Tases.

S'KA KOMENTE