Në Gjirokastër mbasditen e sotme është njoftuar për një valixhe e cila ishte lënë në stacionin e autobusave. Policia ka shkuar për të kryer verifikimet, nga të cilat rezoltuan se i përkiste një qytetari disa minuta më pas është kthyer për ta marrë.
Njoftimi i Policisë:
Gjirokastër/Informacion sqarues
Rreth orës 19:20, në lagjen “18 Shtatori”, Gjirokastër, pranë një stacioni autobusi është konstatuar 1 valixhe.
Menjëherë, në vendin e ngjarjes kanë shkuar shërbimet e Policisë, të cilët kanë kryer të gjitha procedurat standarde të verifikimit dhe ka rezultuar se në valixhe kishte sende personale të një qytetari.
Qytetari që kishte harruar valixhen në stacionin e autobusave, është kthyer pas disa minutash, dhe e ka marrë atë.
