I pari që dëshmoi në Gjykatën e Posaçme ishte Henrik Hoxhaj, i penduari tjetër i drejtësisë. Ai ka dhënë sqarime rreth 2 atentateve me 4 viktima të ndodhura në Durrës, përkatësisht Dorjan Shkozës dhe Anxhelo Avdiajt dhe vëllezërve Viktor e Besmir Haxhia.
Me bluzën e Realit të Madridit veshur dhe mbiemrin e tij të stampuar në të, për 1 orë e 30 minuta ai iu përgjigj pyetjes se Prokurorisë dhe avokateve të Altin Ndocit e Besian Xhixhes.
Ai ka treguar se si është njohur me Nuredin Dumanin, ndërsa shton se ky i fundit i kishte premtuar 60 mijë euro, por që kishte marrë vetëm 35, pasi pjesën tjetër e kishte marrë Elio Bitri.
Me Nuredin Dumanin jam njohur në ditëlindjen e Festim Qoli, rreth 6 muaj para vrasjes së Dorian Shkozës dhe Anxhelo Avdiajt. Dumani me premtoi 60 mijë euro, nga të cilat më ka dhënë 35 mijë, sepse pjesën tjetër i mori Elio Bitri. Ky i fundit ka qenë në timon, unë te sedilja e pasme e pasagjerit. Kam patur 2 pistoleta me vete, ndërsa Bitri një pistoletë me mulli. Objektivi sipas Dumanit ishte Dorian Shkoza, madje ky i ka dalë para Avdiajt për ta mbrojtur kur kemi qëlluar. Me Bitrin s’kam patur komunikim, kur vajta te shtëpia e Nuredinit, e kam gjetur aty dhe jemi nisur drejt vendit të ngjarjes. Dumani s’ishte me ne, por vinte rrotull. Kam qëlluar me të dyja armët, edhe Bitri qëlloi njëherë me armën e tij. Para ngjarjes madje, në shtëpinë e Dumanit, Elio qëlloi, na tha se ishte shkrepje e pavullnetshme. Elio kishte një javë që qëndronte në shtëpinë e Dumanit para atentatit. Me Dumanin, pasi më dha pagesën, jam takuar për planin e vrasjes së Besmir Haxhiajt”, theksoi ai.
Gjithashtu, Hoxhaj ka dhënë sqarime edhe pë r atentatin ndaj vellezerve Viktor e Besmir Haxhia. Ai ka treguar se objektiv i sulmit ishte Besmiri, ndersa nuk kishin dijeni se bashke me te ne makine ishte edhe vellai. Ne vrasje ai mbante veshur rroba te OFl, qe sipas tij i kishte siguruar Nuredini ne Elbasan.
“Objektiv ishte Besmiri, kur u afruam i pamë të dy, dhe Nuredini me Klevis Allën, i thanë njëri-tjetrit, qenka me vëllain. Viktori ishte rastësi. Dëgjova më pas se kishin plan tjetër edhe për atë por jo atë ditë. Sipas Nuredinit, Klevis Alla do na njoftonte pwr levizjet, ndersa ekzekutimin do e bënim ne. Alla na priste me makinën. Ate dite mbaja veshur një jelek të OFL dhe kapele OFL, Nuredini më tha se i kishte gjetur në Elbasan. Kisha dy armë automatike në makinë, njërën në dorë tjetrën në xhepin e derës. Shoferi ynë u fut në parakalim kur i pamë vëllezërit, dhe nisa të qëlloj. Nuredinit s’po i shkrepte arma. Kam qelluar me xhama mbyllur, Nuredinin se kam parë ç’ka bërë se nuk e kisha mendjen. Kam qëlluar edhe nga xhami i pasëm, shoferin e mjetit, Besmirin. Kam zbritur dhe mora armën tjetër se më mbaruan fisheket dhe qëllova sërish për tu siguruar. Me Klevis Allën që ishte shofer i makines nuk kam folur asnjë fjalë. Madje teksa më shikonte në fytyrë një moment i kam thënë “ç’ke që sheh, kthehu para”. Kapelet dhe jelekon i hodhëm rrugës dytësore në Vorë kur po ktheheshim në Tiranë me Nuredinin.”
Hoxha identifikoi në seancë edhe Besian Zhixhen që ndodhej në seancen e se martës duke thënë se e ka njohur në Shëngjin.
“Dumani më ka thënë se kishte siguruar eksplozivin me të cilin shperthyem banesën e Talo Çelos. Talon as se kam takuar as njohur nga afër. Nuredini më thërriste “kudho”, asnjëherë me emër. Altin Ndocin ma ka treguar Dumani me foto,se kam takuar as parë. Dumani e ka vëzhguar gjatë pandemisë disa ditë, por nuk e vrau dot. Për vrasjen e vëllezërve Haxhia Dumani më dha 30 mijë euro. Kur i thash pse kaq pak, më tha “kusho, e kam hall personal, po ta kërkoj si nder”. Gjatë bisedave dëgjova prej tij, se donte ti vriste për llogari të tij, por që me paratë e ndihmonte Erion Alibej. Alibej dyshonte se Ndoci dhe Besmiri kishi qenë të përfshirë në vrasjen e trefishtë në Bradashesh, ku mbeten te vrare vëllai dhe xhaxhai i Alibejt dhe një shtetas turk”, tha ai.
