KAS konfirmon Kandidatin e PS per Bashkine Mallakaster Qerim Ismailaj. KAS ka rrezuar kerkesen e PD Alibeaj qe kerkoi ndalimin e Qerim Ismailaj ne zgjedhjet e 14 majit. PD tha ne nje deklarate se Ismailaj kishte probleme me ligjin.
Përfaqësuesi ligjor i PD-së, Indrit Sefa tha se Ismailajt ende nuk i ka përfunduar afati i ndalimit për të kandiduar në zgjedhje, pas një dënimi të marrë nga gjykata.
“Dispozitat ligjore pengojnë Qerim Ismailjan të kandidojë për Bashkinë e Mallakastrës. Në 2025 mund të kandidojë ky zotëria sipas ligjit, tani nuk mund të kandidojë dot. Duhet të kandidojë pasi të mbarojë 2-vjeçarin e ndalimit që parashikohet në ligj. Në 2022 doli falsifikator, u dënua në gjykatë. Ky nuk është për verifikim, ky është për tu ndaluar për të kandiduar. Është dënuar me 6 muaj burgim, në bazë të ligjit nuk duhet të kandidojë. Kur ti mbarojë periudha e ndalimit le të vijë të votohet”, tha përfaqësuesi i PD-së.
Pavarësisht pretendimeve të PD-së, KAS e rrëzoi kërkesën si të pambështetur në ligj.
