Greqi, nëna e mbajti të “burgosur” për 42 vite, vajza gjendet pasi...

Greqi, nëna e mbajti të “burgosur” për 42 vite, vajza gjendet pasi ajo vdes

911
SHPËRNDAJE

Histori e denjë për një film dramë është ajo që kanë mësuar efektivët e policisë greke në qytetin e Larisas, teksa kanë shkuar të zbardhin rastin e vdekjes së papritur të një pensionisteje 76 vjeçe.

Në banesë ata kanë gjetur edhe një 51-vjeccare, e cila rezulton të jetë e bija e pensionistes që ka ndërruar jetë, por që është mbajtur e mbyllur në shtëpi nga nëna për plot 42 vite.

“Ajo që duam të sqarojmë është nëse kjo burgosje e fëmijës ka qenë e dhunshme apo e qëllimshme”, tha nënkryetari i Politikave Sociale të bashkisë së Larisës, kur u pyet nga mediat greke për rastin ekstrem.

Sipas informacioneve të protothema.gr, 51-vjeçarja është gjetur në një ambient normal dhe të pastër, ndërsa sipas vlerësimeve të para, ajo i përket njerëzve që kanë nevojë për mbështetje, pasi duket se është në fazën e autizmit.

Synimi si i mjekëve që e kanë marrë përsipër ashtu si edhe i shërbimit social të bashkisë së Larisës është t’i përgjigjen shumë pyetjeve që kanë lindur, pasi si lagjja ashtu edhe mjedisi më i gjerë familjar e dinin të vërtetën.

Nënkryetari i Politikave Sociale të bashkisë së Larisës, Sotiris Voulgaris, tha për ngjarjen: “Që nga e shtuna kur u zbulua rasti vrapuam për të ndihmuar dhe mbështetur 51-vjeçaren që ndodhej brenda banesës. Ne përpiqemi ta mbrojmë dhe të mësojmë prej saj gjithçka që ka ndodhur në shtëpinë e saj, në mënyrë që të kemi një pamje të qartë. Vajza është nën mbrojtjen dhe mbikëqyrjen e mjedisit të saj më të gjerë familjar. Të gjithë do t’i ndihmojmë që t’i sigurojmë asaj mbrojtje dhe cilësi sa më të mirë të jetës, siç e ofrojnë shërbimet sociale”.

Në detajet e zbardhura rezulton se 51-vjeçarja ishte mbyllur në këtë banesë që kur ishte larguar nga shkolla në moshën 9-vjeçare, kur ishte nxënëse e klasës së tretë të shkollës fillore.

“Ne po shqyrtojmë gjithçka. Fatkeqësisht, shkollat ​​në kohën kur ky fëmijë po rritej pak a shumë i refuzonin këta njerëz. Nuk kishte shkolla speciale atëherë pas vitit 1984 dhe dalëngadalë filloi të shfaqej me druajtje në qytetet e mëdha. E sigurt është se kjo grua i përket grupit të njerëzve që kanë nevojë për mbështetje”, theksuan autoritetet greke.

S'KA KOMENTE