Babai 20-vjeçar, i cili akuzohet se i ka shkaktuar lëndime të rënda foshnjës 4 muajshe në Greqi është lënë i lirë me kusht që të paraqitet në Komisariat çdo datë 1 dhe 15 të muajit dhe të mos ketë asnjë kontakt me foshnjën, e cila ndodhet e intubuar në spitalin pediatrik “Agjia Sofia”.
Në cilësinë e dëshmitarit të mbrojtjes ka dëshmuar bashkëshortja e 20-vjeçarit, e cila ka mohuar çdo akuzë për dhunë.
Për lirimin e tij të përkohshëm është paguar një garanci prej 2000 eurosh.
Kujtojmë se foshnja katër muajshe ka lëndime në kokë dhe të nxira në të gjithë trupin. Foshnja dyshohet se u dhunua nga babai 20-vjeçar, me origjinë shqiptare, i cili u arrestua direkt pas ngjarjes.