Beleri në burg, reagon Athina zyrtare

Beleri në burg, reagon Athina zyrtare

263
SHPËRNDAJE

Athina zyrtare ka reaguar ashpër pas vendimit të Gjykatës së Vlorës për të lënë në burg kandidatin e koalicionit “Bashkë Fitojmë”, Fredi Beleri.

Sipas palës greke, vendimi është një akt i pa precendentë që do të dëmtojë marrëdheniet dypalëshe.

Vendimi i sotëm i gjykatës së Vlorës është skandaloz. Arrestimi i kandidatit për bashkinë e Himarës dy ditë përpara zgjedhjeve, nuk tregon shtet të së drejtës. Vendimi për burgosjen e kandidatit për kryetar bashkie, sjell përmbysjen e rregullave të barazisë në zgjedhjet lokale në Himarë, e cila është një qendër e rëndësishme e minoritetit etnik grek në Shqipëri.

Një vendim ky që do të ketë impakt negativ në marrëdhëniet e Bashkimit Europian me Shqipërinë, pasi kusht për rrugën europiane të Shqipërisë është qëndrimi kostant i shteteve që aderojnë për anëtarësim, në rregullat europiane dhe në shtetin e së drejtës.

Vendime si i sotmi shkelin rregullat e mësipërme dhe tregojnë në realitet Shqipëria nuk po ndjek rrugën europiane”– përfundon deklarata e Ministrisë së Jashtme greke.

Kandidati i koalicionit Meta-Berisha për bashkinë e Himarës, Fredi Beleri është lënë në burg nga gjykata e Vlorës një ditë pasi u arrestua për ‘korrupsion aktiv në zgjedhje’, pra për blerje votash. Dosja i kaloi për gjykim SPAK, ndërsa Beleri është transportuar për në qelitë e paraburgimit në Tiranë.

E pranishme në sallë për të ndjekur nga afër punimet e seancës së sotme ka qenë edhe ambasadorja greke në Tiranë, Konstantina Kamitsi.

S'KA KOMENTE