Balla e Manastirliu garantojnë për investime të tjera në Spitalin e Lushnjes

Balla e Manastirliu garantojnë për investime të tjera në Spitalin e Lushnjes

209
SHPËRNDAJE

Drejtuesi Politik i Partisë Socialiste për Qarkun e Fierit Taulant Balla dhe ministeja e Shëndetësisë dhe Mbrojtjes Sociale Ogerta Manastirliu panë nga afër investimet më të fundit në Spitalin e Lushnjes.

Përmes një postimi në rrjetin social facebook Balla deklaron se shërbimi spitalor në vend është brenda standardeve bashkëkohore duke garantuar cilësi dhe siguri, ndërsa garanton se do të ketë investime të tjera të rëndësishme në këtë spital.

Balla shkruan gjithashtu se spitali i Lushnjes sot ka një tjetër pamje dhe plotëson të gjitha nevojat e qytetarëve, pasi aty ofrohen nje numer i madh shërbimesh si dhe garanton vijimësinë e të tjera investimeve në këtë qendër spitalore.

“Spitali i Lushnjes ka një status të veçantë për shkak të numrit të madh të banorëve dhe shërbimeve që ofron. Prandaj ne do të vazhdojmë të investojmë edhe më shumë në këtë qendër të rëndësishme spitalore, me qëllim garantimin e çdo shërbimi të specializuar”, shkruan Balla.

“Investimet e reja dhe zgjerimi i shërbimeve është përgjigjia ime për thashethemet keqdashëse që lidhen me këtë Spital të rëndësishëm në rrjetin kombëtar të shërbimit spitalor”, theksoi Balla.

Postimi i plotë i Taulant Ballës:

Lushnje 📍Bashkë me Ministren e Shëndetësisë dhe Mbrojtjes Sociale Ogerta Manastirliu dhe Kryetaren e Bashkisë Eriselda Sefa pamë nga afër investimet më të fundit në 🏥Spitalin e Lushnjes. Ky Spital ka një status të veçantë për shkak të numrit të madh të banorëve dhe shërbimeve që ofron. Prandaj ne do të vazhdojmë të investojmë edhe më shumë në këtë qendër të rëndësishme spitalore, me qëllim garantimin e çdo shërbimi të specializuar. Investimet e reja dhe zgjerimi i shërbimeve është përgjigjia ime për thashethemet keqdashëse që lidhen me këtë Spital të rëndësishëm në rrjetin kombëtar të shërbimit spitalor. Mirënjohje stafit mjekësor për punën e tyre të palodhur.🙏🌹🇦🇱

S'KA KOMENTE