Një aksident i rëndë ka ndodhur në aksin rrugor Vlorë-Orikum, me pasojë vdekjen e një personi.
Policia njofton se viktimë ka mbetur një shtetas rreth 60 vjeç, i cili është përplasur nga një makinë, duke ndërruar jetë në vendngjarje.
Vlorë/Informacion paraprak
Sot, rreth orës 08:40, në aksin rrugor Vlorë-Orikum, shtetasi K. M., 53 vjeç, duke drejtuar automjetin tip “Kama”, dyshohet se ka humbur kontrollin dhe ka aksidentuar një shtetas ende të paidentifikuar, rreth 60 vjeç, i cili si pasojë e dëmtimeve të marra ka ndërruar jetë në vendngjarje.
Grupi hetimor ndodhet në vendngjarje dhe po kryen veprimet e mëtejshme për aksidentin.
